تجربتى مع الريجيم

انا وزنى كان 96 كيلو وطولى 160 يعنى تختوخة وأغلب الوزن الزايد كان بعد الزواج والحمل
أنا عندى بنت3سنوات وولدسنة ونصف
المهم انا دايماً كنت بعمل دايت وارجع ازيد وكل مرة كنت بأرجع أكثر من الأول. مش حأقول قد ايه كنت مكتئبة وكارهة شكلى ومش عايزه أخرج من البيت أصلاً
وفى يوم كنت باتفرج على التليفزيون وبالصدفة شفت برنامج للدكتورابراهيم الفقى كان بيتكلم عن الإرادة وخطواتتنفيذ القرار…
يومها كانت نقطة تحول بالنسبة لى فعلاً وقررت انى لازم أخس
دخلت على النت وبحثت ومن خلال البحث وصلت لموقع الفراشة واخترت ريجيم جديد عمرى ما جربته”ريجيم ديميس روسيس” كان صعب جداً بس انا كنت متحمسة أوى
أول اسبوع نزلت 4كجم، وبعدين 3كجم فى الأسبوع الثانى، وبعد كدة وزنى كان ثابت يمكن لأنى ما كنتش ملتزمة اوىبس كملت أول شهر وكان اجمالى اللى نزلته 10 كجم.
وبعدها لقيت وزنى بيزيد بس حاجة بسطية، فقررت اخد خطوة ايجابية أكتر
بدأت ريجيم أخر من موقع الفراشة كذلك30كجم فى 9أسابيع وبدأت ألعب رياضة 3 مرات اسبوعياً لمدة ساعة مع مساج لمدة ربع ساعة بصراحة فرق معايا كتير لأن بعد الولادة القيصرية مرتين بطنى كانت مترهلة أوى
دلوقى الوضع أحسن كتير وزنى الآن 80 كجم بعد حوالى 4شهور من بداية الريجيم بس /قاسى أقل كثير لأن الوزن الحالى أغلبه عضلات
أه، نسيت أقول أنا جربت ريجيم ال 30ك لمدة اسبوعين فقط بعد كدة كسلت، كنت براعى الأكل بس مش ملتزمة بنظام معين
المهم دلوقتى انا محتاجة حد يشجعنى علشان نبتدى ريجيم سوا ونلتزم بيه لأن وزنى بدأ يثبت وبجد قلقانه
لو فيه حد يحب يبتدى معايا ونضع هدف 2كجم كل اسبوع بس نلتزم سوا لمدة شهر على الأقل ياريت يبعتلى على البرايفت أو يرد على الموضوع هنا ونبتدى سوا
فى انتظار ردكم