بلح الشام من مطبخى بالصور

طبعاً أنا عارفه إنكم شاطرين وبتعرفوا تعملوه بس قلت من باب التغيير لينا برده

بسم الله نبتدى

المقادير

1 كوب دقيق
1 كوب ماء
½ كوب زيت
2 بيضة
فانيليا

الطريقة

ندفى الزيت على النار ونضيف عليه الماء حتى يغلى
نضيف الدقيق دفعة واحدة ونقلب بسرعة وهو على النار
وبعدين نشيله من النار ونستمر فى التقليب لأقل من دقيقة
نترك العجينة تبرد ثم نبدأ فى إضافة البيض واحدة واحدة مع إضافة الفانيليا

نسخن زيت غزير
بواسطة القمع المخصص لبلح الشام بنبدأ نشكله ونضعه فى الزيت وهو ساخن

أول ما لونه بيغير وبياخد اللون وردى نشيله

نضعة فى الشربات ونصفيه ونرشة جوز هند

وبالهنا والشفا