عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
فراشاتي حدخل في الموضوع على طول
…..
اليوم زوجي مسافر ..كنا نايمين على الساعه 2 الفجر تقريبا
جاله رساله على جواله (رساله فارغه)
مسجله باسم (غبيه)
قلتلتو مين ذي قاللي وحده غبيه تئازيني
قلتلته من متى؟
قاللي اخر يوم دوام يمكن
انا مررررررررره ولللللللللعت قلقلته ليش ماقلتلي
قاللي ماكنت فاضي
المهم مرره انا زعلت وانقهرت ورحت الصاله
وطول الوقت وانا عادي ساكته بس مقهوره
المهم سارت الساعه 5 ونص وهوا بدء يلبس لانه مسافر
وانا كاااااتمه حسي
قام قللي ايشبك
قلتله انا وقت يتصلي ولد يعاكس او يئذيني على طول اقلك تكلمه واعطيك رقمه
وانت حتى ما اعطيتني خبر ولا شي
قام قاللي دي وحده متخلفه بس تئاذيني وانا الرجال وانا اللي اتصرف معاها مو انتي
انا ولللللللللعت قلتله ليش وانا ايش دراني مين هيا
وليش مو انا اللي اوقفها عند حدها خليها تعرف انك متزوج وتبعد عن سمانا
قام عصب هو ..وانا عصبت واصواتنا ارتفعت وقلتلو سافر
والله ماعاد تشوف خلقتي انا خاستخير ونشوف لنا رجعه ولا لا
قاللي يلا قومي انقلعي على بيت اهلك
قلتله مو انت اللي تتحكم فيا
وقفلت الباب بالمفتاح
وهوا برا
سار يدق الباب بيده ورجله شويا ويكسره ويززززعق ويسبسب
((كلبه حيوانه …..)
المهم خرج من البيت ..وانا مافتحت الباب
الا شويا الاقيه كمان يرفس الباب برجله ويزعق
طلع هوا ماخرج من البيت
بس يكذب عشان انا اخرج
والظاهر لو خرجت كنت انضربت
المهم هوا الان راح
وانا شويييييييه وابكي والله انشل فكري وعقلي
خصوصا اهلي مسافرين كلهم
مافي في البيتغير ابوي الله يحفظه
مو عارفه على اساس اني كنت رايحه بيت اهلي قبل ما تنضارب
بس الان ما اعرف قاللي روحي بيت اهلك والله ما اتصلك ولا ارجعك
وانا بصراحه ما ابغى ابوي يدري بالسالفه
اللي فيه مكفيه
والله شويييييييييييييه وابكي مو عارفه ايش اسوي انصحوني دلوني والله مقهوووووووووووووووووووووووووووووره ياليت عندي اخوات كنت شكيتلهم
والله اني وحيده وماعندي صحبات ولا احد
وعلىى فكره اخذت رقم البنت حسبي الله عليها
بس مو عارفه اتصل واهزء ولا ايش اقول ولا اطنش
