عذاب طفلي وعذابه معي

انا تعبانه كثير و مدري شنو اكتب …..
بدت معاناتي في ليلة من الليالي ارتفعت فيها درجة حرارة ابني وكانت 39 وشوي عطيته خافض حرارة تحميله ولماشفت انو فيه اسها ل تركت التحاميل وصرت اعطيه شراب
فيفادول وحرارته ماكنت تنخفض واذا انخفضت تاخذ لها نص ساعه او ساعه بالكثير وترجع ترتفع ..احممه بمويه فاتره واسوي له كمادات وماتنخفض.اخذته للمستشفى عند استشاري وكتب على تنويم وعملوله تحاليل براز ودم وقالو لي انو فيه جرثومه في الامعاء وانو هذي نزله معوية .. خفت حرارته
بس الاسهال كان مستمر معه …… المغذي مانشال من يده وحسيت انه تعب وكان يبي يرتاح من ابرة المغذي وطول الوقت يحاول يسحبها حتى انه سحبها وهو نايم من كثر ماهو
متضايق منها والعناية كانت جدا سيئة في المستشفى اضرب الجرس عشان تيجي الممرضة ومتى جتني وعقب شنو عقب ماعبئ دمه كل شي عقب ماتلف ملابسه وملابسي وشرارشف السرير ماجت الا عقب 10 دقايق ..
وابني يصارخ ويتلوى وانبوبة المغذي تلتف عليه .. وانادي الممرضات عشان اغير له حفاظه لانه في اسهال يجون يشيلون المغذي وهم يتأففون
انا مليت وحسيت ابني تعب فقررت اطلع على مسؤوليتي لان حرارته انخفضت وعنايتهم كثير سيئة
خف عنه الاسهال يومين ورجه لنفس الحاله وبشكل اشد وفوقها زكام وكحه …
مااستفاد على الاستشاري وديته لدكتورة اطفال قالت لي هو فيه نزلة معوية ونسبة دهون في البراز…وعذبو ابني يبون يحطون له مغذي وكل مافتحو وريد ينفجر جربو مرتين في يده الشمال ومره في اليمين وفي اقدامه ومافي فيده
في النهاية كتبت على محلول جفاف عن طريق الفم …وحليب عن الاسهال وابرة عن الترجيع ……….تركته اربع ساعات بدون اكل عشان ابرة الترجيع تاخذ مفعولها وعطيته رضعه حليب ونفس
الشي رجع وبكمية كبيرة …سلقت له بطاطس عشان يمسك بطنه ومن اول لقمه رجع بشكل كبير لدرجة انه دخل في عينه ….
تركته بدون اكل يوم ونص قلت خلي الترجيع يوقف ومعدته تهدى ..
وقف الترجيع بس الاسهال شديد اكثر من15 مرة بدون مبالغة يعملها عليي في الفوطة واول ماارفعه من المغسلة وفي الحفاظة الجديدة احيانا برازه مثل الماي واحيانا في مادة واحيانا لونه اخضر واحيانا اصفر وريحته كثير كريهه…
في كل دقيقة والله ماابالغ اطلع منالحمام ارجع ادخله …
وديته لطبيب باطنية ماسوى شي ناظر ادويته وقال لي عطيه هاذا وهاذا ولا استفاد ابني … رديت وديته على طبيبة عامه لاني شفت مادة مثل الصدأ تطلع مع بوله وكان امس الجمعه وقالت مستشفانا امكانياته مافيها تحليل من هالنوع للبول للاطفال
وعطته ابرة مضادة للاسهال امس وحده والليلة وحدة …
بس محتارة وخيفة كثير ومادري شالحل والله تعبت …