حتى بعدطلاقي مارضى احد يتكلم عليه

السلام عليكم ورحمة الله وبركاته
اخواتي انا بالحظه ذي احس نار تولع بقلبي وبطني اقسم بالله احس انها بتتقطع من الوجع ومانمت من البارح
يوم الخميس قلنا نروح لناس من جماعتنا انا واخواتي نرفه عن نفسنا وياليتني مارحت وجلست على همي احسن
لي
من يوم جيت وهم اسئله عن زوجي وكيف تطلقة وليش تطلقة وانا توني ملكه انا لسا تعبانه من الفراق وماحب احد يتكلم بهسالفه
اللي قهرني ومدري ليش انقهرت انا مستغربه من نفسي جلسو يسبون بطليقي سب فضيع
ويقولون احنا سمعنا انه شين مره بس انه غني وحده تقول انا جايبه لك عريس عمره 37وثلاثين سنه بس تراه مزيون بس بدون وظيفه عشان كذا لاحد لان ماتزوج وتقول احمدي ربك احسن من اللي قبل اللي موحلو وقلت لها اللي قبل على الاقل موظف وشكله كان عادي مويخوف زي منتي تقولين وعلى الاقل متعلم وجامعي مو زي ذا ابتدائي وعايش على اكتاف ابوه انا يابنات مدري ايش صار في لما سبته حسيت انها جرحتني قبل لاتكون سبته حتى لو بنهايه انفصلنا ماحبيت تتكلم عليه كانت بينا ايام حلوه وعيش وملح ماني ناكرة جميل انكركل شي واجلس اسب بالرجال عيب ومايهون علي يمكن اخرشهرعصبت عليه بسبب انه اتغير فجئه بالمعامله وتكلمت بس من قهري بس يوم عرفت الاسباب وانه تعبان قدرت حالته ودعيت ربي يصبرني ويفرجها علي المهم عصبت بشكل موطبيعي من كلامهم نفسيتي تعبت مره كنت عارفه اني لاحد لان احبه ومانكرهالشي رغم طلاقي منه بس ماطيق احد يسبه قدامي وربي يابنات مسكت نفسي ودخلت الحمام ونزلت دموعي وجلست اقول بنفسي انا ليش زعلانه هوطلقني طيب وافترقنا ليش ازعل عليه ماتربطني فيه اي صله الحين بس قلبي ماستحمل عرفت رغم الفراق ان الحب موجود بقلبي طول هالايام نفسيتي ارتاحة شوي مدري ايش خلاني اروح واسمع هالكلام وبعدسمعت كلام كثير وكذب علي وعليه كثير ان امي ماتبغاه وماكنت مرتاحه له واخواني بعد وكل هالكلام كذب مادريت حتى البنات لصغار اللي بالمتوسط بعد يتكلمون بسالفتي وقالت لي وحده تقول يقولون شكله موحلو مدري ايش عجبها فيه ورب البيت يابنات ماحد شافه منهم ابد ويسبون فيه وهم ماشفوه ونهم من يوم ملكتي وهم يتكلمون فينا وفيه وحتى لما تطلقة يتكلمون فيه ماخلونا بحالنا
والثاني تقول اصلن هي لو جاها رجال متزوج او شايب كانت بتوافق عليه انصدمت من الكلام اللي سمعته يعني حتى طليقي موشايب ولاشي عمره 32مناسب لعمري 27قلت ويش شايفيني عندهم حسبي الله ونعم الوكيل وبس ارجع لي جلستهم ونفس الحرمه هاه وش قلتي ردي علي اخليهم يتقدمون قلت لها انا اساسن بالوقت ذا مالي نفس بالموضوع ذا ونفسيتي لسا تعبانه وترجع وتقول لي يابنت الحلال احمدي ربك تراها مزيون على الاقل تشوفين كل صبح وجه حلو مو وجه طليقك اللي يخرع اقسم بالله يوم قالتها مدري وش صار في قلبي مره عورني مابيها تسبه وحتى هي ماشافته بس تقول انا سمعت انه اسمربس انه غني واعطاك مهر 160الف تقول صحيح وكل هذا اللي قالته كذب ومهري قليل موكذا وربي يابنت خلاص بغيت انفجر الناس كانت ماخذه فكره اني متزوج غني وانه جاب لي وجاب لي ومن الكلام الفاضي اللي يقولونه كتمت وسكت لحظتها ان تكلمت ودافعت عنه يقولون ليش ادافعين عنه وان سكت ماحبهم يسبونه ماسوا لهم شي حتى لما تطلقنا ماضرني ولاطلب فلوس ولاشي وانا عارفه ان سبب الطلاق من الحسداللي صابنا والحين سمعت انه مره تعبان وحلمت حلم وتصلت على شيخ قال يابنت ترا انتم صابتكم عين وجت بزوجك والله اعلم على مالها رغم انه عادي مستواه عادي وعليه اقساط بالبنك قلت بقلبي سبحان الله طيب هم ليش يسبونه قدامي طول الوقت والله العظيم يابنات طول الجلسه امس من الساعه 12لي 3وهن يقولون اصحك ترجعين له واصحك حتى لو راح لشيخ وتشافى لاترجعين له قلت انا الحين مافكر ارجع ولاافكربشي نفسيتي تعبانه من الموضوع والطلاق وقامت وحده تقول على ايش تعبانها وتفكرين من زينه عشان تندمين عليه قلت انا عمري مافكرت بشكل ولاهتمت فيه ووبعدين شكله مقبول مافيه شي والله يابنات وحده تسبه والثاني تقول ياخبله وافقي على اللي جبته لك قلت حتى ماعنده وظيفه كيف انعيش تقول عادي وسمعت عن هذا الشخص انه جالس بيت ابوه واخوانه يصرفون عليه وتقولي عادي اهم شي انه وسيم مو زي اللي قبل على الاقل تجيبون اعيال حلوين شوفو كيف التفكيرقلت الشكل ربي يخلقه يمكن اتزوج واحد ملك جمال واجيب اعيال وحشين اهم شي الصحه والعافيه وبنهايه سوا كانو حلوين ولاموحلوين بيضلون عيالي وماراح ارميهم صدقون يابنات من رحت عندهم لاحد ماجيت وكن بضيقه مايعلم فيها غير الله ورب يابنات ان وحده زوجها شين مره والثاني اللي تبي تزوجني زوجها وسيم وشكل هذا سبب موافقتها عليه بس امطنشها وحق سفريات وهي اللي تصرف ع البيت واخرشي باع ارض هي اشترتها واخذ افلوسها؟
يعني بسئلكم الشعور اللي حسيته طبيعي اني لاحد لان احبه ومارضى احد يتكلم عليه ولالا والله العظيم لاحد لان وانا ابكي من كلامهم عليه وماهم مقدرين شعوري ونفسيتي مالي 17يوم مطلقه وهم هذا همهم

مع العلم والحمدالله انا اكثر من الاستغفار وصلاة الليل بس من يوم رحت هالمشوار تكدرخاطري ورجع عذابي استغفرالله واتوب اليه