عالم البنات النسائي كل ما يخص المرأة العربية من ازياء وجمال والحياة الزوجية والمطبخ
رح احكي قصة ولادتي لانو الطلق اجى كلو مرة وحدة
فقت الصبح الساعة عشرة ونص بعد ما نزل جوزي ع الشغل حضرة للغسيل كان يوم الثلاتاء
كنت حاسة بوجع بس ما بعرف انو طلق ما اخدت فيها فكرة الم وبروح بعدما خلصت غسيل انزلت تمشيت شوي وبعد ماروحت اخدة شاور بمي سخنة كتير وحطيتها ع الظهر ولسى كان الوجع بروح وبجي كل ساعة وبرضو ما فكرة طلق وحماتي ما بتعرف كيف الطلق لانو لما جابنت جوزي حددولها عمليه
وكانت مرة عمي تكوي وانا قاعدة اتألم كانت الساعة 8 ونص اتصلت على قريبتنا قلتلها انو في وجع بروح وبجي كل خمس دقائق قالتلي انو هاد طلق ما بسير روحي على المستشفى دغري انا ما كنت حابة اروح لانو خفت يقولولي شي يحبطنى وارجع ع البيت
طبعا رح جوزي هو وصحابة يلعبو كرة قدم اتصلت فيه كانت الساعة 11 ونص باليل قلتلو خلص انا بدي اروح لانو حسيتو انو الوجع اشد شوي قلي طيب اخدت الشنطة وكلشي وقتت ووصلنا ع المستشفي
قالولي روح ع غرفت الكشف كشفت على قالتلي انو انو مفتوح وحد ونص سم كانو بدهم ينوموني
عاودو قالو خلص روح وتعالي بكرا الساعة 8 قلتلهم طيب روحت في الطريق زاد الوجع صار اشد قلي جوزي ارجعك قلتلو لا هلا كنا عندهم وقال مفتوح واحد نص قلت خلص بروح الصبح عندهم
وصلت البيت الساعة 12 ولساعة 2ونص وانا بطلق طلق قوي فيقت جوزي قلتلو خلص مش قادرة يلا
ع المستشفى وصار الوجع يشتد في الطريق وانا اصرخ من الوجع سرت ابكي من الوجع لانو مو محتمل
وصلت المستشفى ورحت ع الكشف لقو مفتوح 3 سم انا انبسط قلت خلص رح اولد يا ب4سم او ب5سم
سالت النيرس قلتلها خلص انا رح اولدهلا صارت تضحك وتقلي انتي لسى مطولة بس يكون التوسع 9 سم رح انولدك وانا سمعت هيك صار عقلي:P قلت ازى هيك الوجع ومتوجعة منو كيف لما يكون 9 سم كيف الوجع رح يكون . والله حطتلي الحفنة الشرجية وقالتلي امشي حتى يبدا مفعولها لما حطتها لامشيت ولاشي دغري ع الحمام وبعد حطنى ع تخت وجهاز نبض البيبي على وحطولي مغذي ومسكن بس المسكن ما مشى معي كانت وحدة اقبالي بس ما تطلق انا شفت هيك وانبسطت قلت انا رح انام شوي متلها انا زاد الوجع اكتر وزاد اكتر والبنت يلي عندي نايمة سالت اهلها ليه بنتكو ما بتطلق واتوجع كنت هكلانة هما واتوجع كتير وادعي وحماتي معي وتبكى وانا اصرخ من الوجع اه صحيح قبل ميزيد الوجع اتصلت في امي الساعة 5 الصبح قلتلها انو في المستشفى واتصلت في عمتي بعديها صار الوجع كل دقيقة يجي ويروح قلتلهم خلص مش قادرة اتحمل كان مفتوح 7سم وقالو شوي بس عشان تدخلك غرفت الولادة ونومك انا بس سمعت كلمة النوم فرحت وقلتلهم عنجد بدكو تنموني ههههه ➡ بعديها صار البيبي يدفع ع التخت وانا ادفع وصارت المي تكب علي من تحت كتير ولسى الدكتورة ما وصلت
صارة 6 ونص واخير الدكتورة وصلت وانا خلص مستوية قالولي ادفع شاطر يلا شاطرة بعد ما خلص استويت وقرب راس البيبي ودوني ع غرفة الولادة وقلتلهم نيموني يلا وابكي من الوجع قبل هيك شفت دم صار ينزل منى كتير طلعت ع تخت الولادة وحضروني وانا بطلق ودفعت بعديها ما عرفت شي
بس الحمدالله رب العالمين ربنا نجى بنتي من الموت كانت المشيمة مفصولة عنها وانا بولد وشفطوها شفط وطلعت بيضة ما فيها نقطة دم طلعت لانو المشيمة مفصولة وحطوها دغري بالخداج وهاد وانا بولد قالتلي حماتي اجت بعد ما ولدتني الدكتورة حكت لمرة عمي على الي الصار الحمد ربنا نجاها وقالت لو دقايق كان البنت راحت وحطوها بالخداج وانا ودوني ع الغرفة انا لما سمعت هيك سرت ابكي ابكي وراح جوزي ع بنك الدم واخدو دم لبنتي واخدو مني وحدة من شان البنت ونمت بالمستشفي ليلة كان يوم الاربعاء والخميس الصبح قالتلي الدكتور بنتك متحسنة والحمدالله بس يمكن ضل عنا من شان نطمن اكتر
ولما شافوها كويسة قالولي بتقدري تاخديها وانا انبسط كتير لانو ما كنت متوقعة اخدها 😐
والحمدالله صحتها هلا منيحة وكويسة وكنت والدة الساعة سبعة الصبح
هيها بنتي ملية على حياتي ووقتي
صحيح دعتلكم كلكم
