عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساء الورد لأرواحكم
بعد طوول غياب ها أنــا أعود بإحدى مشاركتي الشعرية في
منتديات الفراشة أضعها بين يديكم ..
علهاا تستحسن رضاكم
انتهـت قصـه غرامي قبل لا تبدى بثواني
و أنهـدم حلم(ن) بنيتـه قبل لا يظهر اساسه
لي متى والقلب ظامـي لي متى رد يازماني
تهت في دنيا غرامي وانتهـى حبي وحماسـه
دمر أفكاري وشوقي وزود بعقلـي جنانـي
حطّم أحلامي وهدّم مـا بقى لي من وناســه
صابني ما صاب عنتر في هدم كل الأمانـي
حاول قليبي يكابر طـاحت الدنيــا براســه
ليتني أعرف خطايـا وش هو ذنبي يالاناني
ليت يوضح لي غموضه شنهو وضعي بين ناسه
احترق قلبـي بزيفـه وبأكـاذيبه عمـاني
مـا كفـى حرقة قليبي زود النـاقص وداسـه
سكر الدنيـا بوجهـي و بالاعيبه جزانـي
دمر إحساسي بجوفـي ثم سقانـي مـر كاسـه
رغم كذبه وانحرافه افقـده … ربي بلانـي
ليتني لو مـره افهم وش براسـه من سياسـه
أثـر بقلبـي كلامـه ليـت أثر به جنـاني
مـا نفعنـي ولا لقيـت الا الخيانـه والبلاسه
غصت أنا بعماق حبه لين غرّقني ورماني
غصت بمحيطه وقـاعه لين طيحنـي بدراسـه
انتهى حلم(ن) بنيته وأنا ما زلت ابمكانـي
انتهـى أي والله أدري و أنهـدم راسه وساسه
بقلم : دمووع الليل
