عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
فراشات لحققوووني والله مرة خايفة وشوي وابكي
انا صار لي والدة شهر وعليها كم يوم
وقريب اخلص النفاس
باقي لي يمكن 3 او 4 ايام
المهم خيوطي للحين ماطاحت ولا طهرت
ومن قبل اذا شفتها لون الخيط كحلي مايل للاسود او يمكن اسود المهم غامق
اليوم جيت اشيك بالمراية اشووف اذا طاح شئ منها
المصيبة لقيت لون الخيوط اخضر بس مو كلها جزء من الخيط صاير اخضر والباقي نفس لوونه اسود
مرة خفت وزيادة على كذا حسيت حوله بموية او شئ كذا واخذت منديل وحطيته طلع فيه موية
وشميت ريحة المنديل كريهة وع وع 😉
قلت خلني اشيك مرة ثانية بالمنديل لفيته على طرف صبعي وحطيته على الخيوط وشميته نفس الريحة تهئ تهئ بنجن 😆 🙄
وش يكون ذا
خايفة يكون التهاب والا شئ
انا بعد كل حمام اجفف المنطقة زين وكذا مرة اتشطفت بمنقوع المرة ومرة تنقعت بالمرة
ومرة تنقعت بديتول ومرة تنقعت ببيتادين
واول اسبوعين من ولادتي كنت استخدم كريم بالاد صارفينه المستشفى اتوقع انه مسكن
وبعدها ظليت ما استخدم شئ لين قلت لمرت اخوي وقالت لي عالميبو واستخدمه حاليا هوه مرتين باليوم بس انا ساعات احطه مرة
يوم بس اللي حطيت منه مرتين<< انساه
قلت لكم وش اسوي بليز افيدوني انا الحين ناظرت الساعة قلت بكلم اي دكتورة بالمستشفى اللي اراجع فيه وبقول لها
بس خلص دوام المستشفى
ومرة خايفة
قلت لزوجي اليوم ودني للمستشفى قال لي ليه قلت له حق الخيووط قال عادي ربعي يقولون ماتطيح الا بعد الاربعين
قال لي صبري لين تطيح وطبعا مافيه غيره يوديني <<< مو مشتهي يودي
وبكرة بخليه بالغصب يوديني للدكتورة طبعا بالليل
💡 😈
بليز قولوا لي لايكون التهبت الخياطة …؟
وصح على فكرة هاليومين صايرة احس بالم في الخياطة هي جات فترة وخف المها وهاليومين رجع
واحسها مشدودة الخيوط بالجلد مرة
وغير كذا اذا لمستها على خفيف او جات عليها موية مو بقوة عادي يعني تالمني حيل حيل حيل
الله يسعدكم ويوفقكم يارب
استغفر الله ربي واتوب اليه
