يا فرحه ماتمت خلاص بشيل الحمل من راسي مليييييييييت.

كيفكم يا خواتي الغاليات , ربي يفرج همنا وهم كل مهموم الشهر الي فات تابعت اباضتي بتحليل كلير بلو المنزلي واول مره افرح بشوفته موجب وتعشمت خير لأننا انا والغالي بدلنا جهدنا واخدنا بالأسباب لكن الخيره فيما اختاره الله جات الدوره لا وقدمت عشان ما اتعشم اكثر بالحمل والمصيبه ان زوجي مريض بالسحر او العين مو عارفين بالرغم انه مصلي وداكر ربه على طول ماشاء الله لاهو من اهل التلفزيونات ولا الدخلات والخرجات في بيته وكافي خيره شره لكن الحسد والخبث الي في بعض الناس الي مافي قلوبهم رحمه ولا خوف الله حسبنا الله عليهمونعم الوكيل انا تبهدلت بالإجهاضات واساسها كان التابعه وبعدين بقى الأجسام المضاده وبديت اخد علاج لكن المشكله الحين في الغالي الله يرفع عنه انا اتفقت معاه اني من يوم اطهر من الدوره نبدا نقرأ سورة البقره والرقيه الشرعيه يوميا وننفث على نفسنا ونحطها بزيت ومويه ونستخدمهم يوميا بس مدري هل بيقدر ولا لا , والحين حطيت براسي شي واحد انه ادا مكتوب لي الأولاد أو لاسمح الله عدم الخلفه فهو مكتوب وانتهى وما حقدر اغير شي مهما سويت , لأن فعلا تعبت تعبت تعبت من التفكير ومن العلاجات ومن ترقب الإباضه والدوره خلاص الى هنا وما أقدر اتحمل او اواصل توكلت على الله ورضيت بالي كاتبه لي 😐

بس طلب منكم يابنات تدعون لي انا وزوجي اننا نقدر نقوم باتفاقنا حاسه ادا الله قدرنا ونفدناه وداومنا على الرقيه وسورة البقره يوميا بينفك السحر او العين وبيتم الحمل بحول الله هدا الشي الباقي الي ما سويناه دعواتكم الله يخليكم مالي غيركم بعد الله ودي افرح بالحمل والولاده والأمومه واكيد فاهمين هالإحساس والشعور لأنكم تمرون فيه مثلي انا عديت ال35 وزوجي اكبر مني ب20سنه لكن ربنا قادر على كل شي كملت 6سنوات زواج واستنفدت قوتي في محاولة الحمل والمحافظه عليه والحين خلاااااااااااااااااااااااااص ماعندي اي قوه ولا حتى حماس 😆 🙄