عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا بكم
ادخل في الموضوع على طول..
بنات انا حابه اسال عن تجهيزات العروس من الالف الى الياء من وين اشتري وشلون الاسعار ووين هي احسن المحلات ابتدي معاكم من البدايه:
افضل المحلات بالنسبه:
فستان العرس:
من وين اشتريه يعني احسن محل سمعتو عنه يفصل او يبيع فساتين عروس ؟ وبعدبالنسبه للفستان شنهو الافضل اشتري فستان جاهز ولا افصل لي واحد خاص افضل ؟ وبالنسبه لاسعار الفساتين كم تقريبا؟وشنهي المده الي افصل فيه الفستان يعني قبل كم شهر او كم يوم من العرس؟
الملابس الداخليه. وقمصان النوم وين ارقى المحلات الي تبيع هالسوالف؟
افضل صالون للشعر(يعني يضبطون الشعر عدل) ؟
احسن وحده تمكيج عرايس(عن تجربه) وعندي سؤال غريب شوي (المكياج او ما اطلع من القاعه واروح بيت زوجي امسحه ولا كيف؟ 😎
صندل العرس من وين اشتريه ( يعني شنو احسن محل سمعتو عنه يبيع الصناديل الخاصه بالعروس)
افضل محلات تفصل عبايات عروس .. وعندي سؤال غبي كم عبايه افصل 👿 ؟
افضل محلات تبيع الشنط الكبيره مالت السفر وكذلك شنط اليد (الكشخه)
بالنسبه للطقم الي يلبس يوم الزواج اي المحلات الي فيها احلى اطقم سواء (الماس)او(فضه) او(ذهب ابيض) وشنهو افضل شي الوحده تلبسه الالماس ولا الفضه ولا الذهب الابيض؟
ونفس السؤال بالنسبه لاطقم الذهب اي المحلات الي فيها اطقم ذهب حلوه وكم طقم تشتري العروس؟
بالنسبه للعياده مالت العنايه بالبشره شنهي احسن عياده للعنايه ببشرة العروس؟
وبعد بالنسبه للحمام المغربي شنهي المحلات المضمونه بالنسبه للحمام المغربي والعنايه بالبشره وكم مره اسويه وقبل العرس بيوم اسويه ولا لا؟وبالنسبه للحبوب الي في الجسم يشيلها الحمام المغربي ولا لها علاج ثاني؟
احسن محلات لتغليف الهدايا؟ وين القاها؟ والي عندها افكار يا ريت تنورني؟
بطاقات الزواج شنهي المحلات الي تسوي بطاقات دعوه حلوه؟
بالنسبه للكوشه شلون اختارها ؟ومن وين اختار؟ وبعدين اذا انا عندي فكره للكوشه وين المحلات الي تصممها ؟ واذا انا عندي فكره عن الكوشه هل يطلع علي غالي ولا ارخص؟ وبشكل عام كم اسعار الكوش؟
بالنسبه للساعه الي تلبسها العروس يوم العرس ؟ايش هي افضل المحلات الي تبيع الساعات الراقيه؟
بالنسبه للجلابيه مالت يوم الصباحيه افضل المحلات الي تبيع جلابيات؟
وبس
ادري اني طولت عليكم بس لان ماعندي احد يساعدني لجات لكم يا بنات قطر وانتو مثل خواتي
ارجو انكم ما تبخلون علي بكل شي اي معلومه حتى لو شفتيها تافهه قوليها ترا عندي لها ثمن كبير 😐
مشكورييييييييييييييييين
