يالي وقاحة بعضنا…… اسمحولي

بس من جد بقولكم أول شي قصه …
هذا يقولك مدير شركه من هالشركات الكشخه في البلد وعنده موظفين من كل الجنسيات والاشكال والالوان والاحجام<<<<<

المهم عنده موظف ماشاءالله ملتزم بالوقت ولايتأخر ويقوم بعمله على أكمل وجه وقمه في الاخلاق والرقي في التعامل مع الكل..

وموظف ثاني زااااااااااااااااااحف على أم الدوام يجي متأخر وشغله دايم ناقص والناس تكمل شغله وأنواع النحشات من الدوام

ومبهذل المدير مطلع ريحته وكل ماجاء يفصله المدير يقعد يحلف ويقسم ماعاد يعيدها

وطبعا ابوطبيع….. كملوها يلتزم يومين ثم ترجع حليمه لعادتها…… كملوها<<<انبسط على الفراغات

المهم صاحبنا الاخلاق جاء للمدير يبي سلفه بملغ وقدره
وصاحبنا الزاحف جاء بعد للمدير يبي سلفه بعد<<<قوي وجه

اللحين المدير من بيعطي السلفه؟؟؟؟

أكيد الموظف الاخلاق لو يبي عيونه
اما خوينا الزاحف زين ماكسر خشته وهو يقول ابي السلفه

حبايبي الشباب والشابات الحلوين والشيون

هذه القصه مدخل
لكن اللي أبي أقوله

ان احنا ننظر لحالنا لحظه ونعرف ليه أمورنا متعسره وحياتنا من مطب في دحديره؟؟؟؟؟؟؟؟؟؟ !!!!!!!!!!!!!!!

شف معي

اللحين يجيك واحد مايفتح المصحف الامن رمضان لرمضان ويمكن بعض الجمع <<< مع علمه أن هجر القران مايجوز

واحد مايدري عن صلاة الفجر لاجماعه ولابوقتها حسب دوامه لا وإذا غاب صلها مع الظهر وإلا العصر<<<<<< مع علمه ان تأخر الصلاه حررررررررام ولايجوز الابعذر قوي

وواحد مايفك باكيت الدخان ولا بعسكري <<<<<< مع علمه ان الدخان حرام

وواحد ماتفضى سيارته من اشرطة الاغاني <<<<<<مع علمه أن الاغاني حرام

وواحد فاهم الصلاة في المسجد غلط يحسبها سنه مادراى أنها وااااااااااااااااااجبه

وواحد معلق بنات المسلمين اشي سوري واشي مصري واشي سعودي<<<مع علمه ان هذه اعراض ولايجوز له اللعب فيها وحرام عليه حرم الدم في الحديث ((دمه وماله وعرضه))

وواحد عاق لوالديه وواحد قاطع رحمه وواحد وواحد ……..الخ

ياحبيب قلبي ترا انا مااكلمك في سنن ومستحبات ونوافللااااااااااااااااا
أكلمك في عقيده في دين في واجبات واركان وحلال وحرام صحصح ورح اشرب نسكافه

ثم يجيك بكل وقاحه معليش اسمحولي ويقول
يارب أنجح
يارب أتزوج زوجه صالحه
يارب ارزقني ذريه صالحه
يارب أتوظف
يارب تفتح لي باب رزق
يارب ويارب…..

بالله عليك يالمنسم ماتستحي من الله ماتخجل وأنت تطلبه كل هذا وأنت مسوي كل هذا
((إن الله لايغير مابقوم حتى يغيروا مابي أنفسهم)) يعني انت من حال سيئ لأسوا
لو ماغيرت من حالك

بالعربي يالحبييب الله ماراح يغير حالك لحد ماتغير من نفسك لو تطير هههههههههههههههه

اهاااااااااااااااااااااااااا
يجيك بعض الشباب المندفع ويتأثر ماشاءالله عليه<<< احسن من اللي صك الايميل يوم اكتشف في الدعوه مطاوعه ههههههه

ثم يمسك الجاده خمسه سته شهور
ثم فجاءه يقوم في يوم
فاتح خنافره أكبر مقاس
ومعصب انا كلش سويته بس ماصار اللي أبي مااستجاب ربي لي!!!

بالله عليك تعال طقني أحسن

سبحان الله وخلق الانسان عجولا

أصبر أصبر أصبر الصبر الصبر الصبر

ياحبيبي قدامك الخير بس أصبر لاتستعجل

ولوماحصلك بالدنيا ينتظرك نعييييييييييييم في الجنه

احلى من اللي تبيه في الدنيا أضعاف مضاعفه

بس “أستمر” ولا تتراجع

وسلامتكم
سبحانك اللهم وبحمدك نشهد أن لاإله الا أنت نستغفرك ونتوب اليك………