عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
الله يوفق اللي بترد علي
أنا لي والده تقريبا ثلاث شهور واسبوع والى الان ماجتني اخت الاربعين او اخت النفاس او الدوره
مع أني كنت مستمره على الرضاعه شهرين كامله وبعدين الأسبوعين كانت رضاعه بصوره متقطعه
والآن لي اسبوعين موقفه الرضاعه تماماً ولا جتني مع أني سمعت انو بمجرد ماتتركين الرضاعه تنزل
جاني زي نقط دم لكن غير مستمره وسالت دكتوره قالت هذي استحاظه
ولا تقولوا حامل لان زوجي مسافر من يوم ولدت الى الان وعشان كذا أنا محتاره ابغاها تجي عشان اعرف أخذ مانع حمل
او اشوف اي طريقه لمنع الحمل
واللي شايله همه أني بسافر بعد اسبوعين انشاء الله وأخاف تحوسني هناك او تتلخبط معي
غير كذا احس بنفخه في بطني وتجيني الام مثل الام الدوره لكن مابين شي وهذا الكلام من شهر
يادكتورات ويا حريم هل هذا شي طبيعي لان أنا بالعاده دورتي منتظمه وفي ولاداتي السابقه تجيني الدوره عقب الاربعين باسبوع
وهل أخذ حبوب لتنزيلها لان وحده قالت لي عن برومليت ان؟؟؟؟؟؟؟
ويابنات عندي الام في ظهري احس كان ظهري مفتوح هل هذا من الولادة لان ولدي اسم الله عليه كان وزنه كبير بالنسبة لاخوانه
اللي عندها وصفه تدلني عليها الله يكتب اجركم
