)))* ياليت اليوم تفهمني *((( لعشاق القصص الرومانسيه

..رواية ..*** ))))^^ ياليــــــــــــــ اليوم تفهمني ــــــــت ^^(((( ***

ياليت اليوم تفهمني .. وتفهم خاطري وارحـــــــــــــل ..!!
تكلم وش جرى مني..؟؟؟ سيف الهم تراه استــــل ..!!
جفــــــــــى الأصحاب يقتلني وتقتلني ترى أسهل ..؟؟؟
)))** تكلم **(( وش جرى مني .. سيف الهم تراه استل ..!!

************************************************** *********

هـــــــــــــــلي .. لا تحرموني منه ..!!
هلـــــــي لا تبعدوني عنـــــــــه ..!!
مثل ما هوة قطعه منـــي …!!
أنــــــــــــــــــــا تراني قطعه منه ..!!!
أحبه .. أمـــــــــوت أذووووب والله وميت فيه ..!!!
أحبه وعقلي وقلبي وروحي يا علني ما ابكيه ..!!
هـــــــــــــــــــــــــــــــــــــلي .. لا تبعدوووووووووني عنه ..!!!

***

شخصيااااات .. الرواية ..!!

محمد هو الجد الكبير (( ابو فيصل )) للعائله ..!!! عياله … فيصل … نايف … ماجد .. تركي … منصور …عبير… حصة .. تهاني ..!! وزوجته توفت عقب ما جابت تهاني بأربع سنين ..!!

فيصل هو الابن الكبير عمره (( 51 )) عياله : محمد (( 24 ))..فهد (( 23 )) .. عامر((22)) .. نوره ((19)) .. مها ((18)) … منار
((11)) زوجته اسمها (( عواطف )) عمرها (( 46 )) وهي من جماعه ابو فيصل اللي هو محمد الجد الكبير .. (( متقـــــااااعد ))

نايف هو الابن الثاني عمره (( 48 )) عياله : سعود (( 23 )) .. فايز (( 22 )) … متعب (( 20 )) .. اسماء ((19)) …

وزوجته اسمها (( ساره )) عمرها (( 41 )) ومن جماعه ابو فيصل (( متقـــــــااااعد ))

ماجد هو الابن الثالث عمره (( 44 )) عياله : راكان (( 18 )) .. ريناد ((17)) .. .. حمد (( 11 )) .. زوجته اسمها
(( نوف )) عمرها (( 38 )) وهي بنت عمه نايف اللي ساكن بالكويت عشان شغله (( العمل )) ماجد يشتغل في (( الدفاع المدني ))

تركي هو الابن الرابع عمره (( 31 )) عـــــــــــــــــــزابي والسبب ظررررررروف العمل لأنه دكتور أطفال ..

منصور الابن الخامس عمره (( 27 )) عـــــــــــزابي .. محامي

عبير.. عمرها (( 31 )) متزوجة .. واحد من جماعتهم اسمه (( سلطان )) عمره (( 35 )) عيالهم : نواف عمره (( 7 )) والحين حامل بالشهر الرابع

حصة عمرها (( 25 )) تواها متزوجة عقب ما تخرجت من ألجامعه زوجها اسمه (( محمد )) وهو صديق تركي بالعمل عمره (( 30 ))

تهاني عمرها (( 24 )) والى ألان ما تزوجت ..!!

****

الرواية تبدأ من هنا …!! من بيت نايف (( أبو سعود )) …!!

نايف : أي مخفر ؟؟
الشرطي : مخفر (( ………….)) تعال واعرف السالفة هناك ..!!
نايف : سعود وش مسوي ؟؟
الشرطي : يا أخي .. أقولك .. تعال المخفر واعرف السالفة هناك لا تبلشني بعدين حنا ورانا التزامات !!
نايف متوتر : خلاص يا أخوك انا بلحقك بعد شوي بروح اكلم الأهل واطمنهم واجيكم ..!!
الشرطي : فمان الله … ولا تتأخر ؟؟
نايف : إنشاء الله ..!!

نايف سكر الباب .. واستند عليه … وقعد يفكر ويفكر (( سعود وش مسوي … لا يكون مخدرات !!! لااااااااا سعوووود ما يسويها تربيتي ؟؟ اجل وش مسوي ؟؟؟؟؟؟؟؟؟؟ ))) نفض الأفكار عنه راح الديوانية .. واستقبلته ساره !!

ساره : وش فيك يا ابو سعود ؟؟
نايف يخفي التوتر يعرف ساره حساسة وبسرعة تبكي : ابد بس ..! واحد من ربعي متورط يبغاني اساعده ؟؟
ساره : ما اخبر عندك ربع يا ابو سعود ؟؟
نايف توتر زيادة : اوووووووه …!! تراك أقلقتيني .. بعدين ذا من الربع بالدوام قبل التقاعد !!!

ساره : هااه .. قبل التقاعد ..!! خلاص رح شف وش يبغى وطمنا !!
نايف : إنشاء الله ..!!!
طلع نايف بسرعة ودق على فايز ولده .. (( مغلق )) ..!! ودق على متعب ..!!

متعب بعبط (( ما هي غريبة عليه الكل يعرفه يحب المزح دايما رايق )) : أرحــــــــــــــــــــــــــــــــــب .. يا الغالي ..!! أمرني بس !! وأنا اجيــــك طيـــــــاااااااااااااري ..!!!
نايف : هلا متعب
متعب حس بأبوة : يبه وش فيك ؟؟
نايف : انت وينك ؟؟
متعب : انا مع عيال عمي فيصل عامر وفهد في المقهى
نايف : تعال أبيك .؟؟
متعب : عسى ما شر ؟؟
نايف : ما شر بس اخلص أبيك !!
متعب : خلاص جايك ..!!
نايف : انا مو بالبيت ..!!
متعب : هااه وينك ؟؟
نايف : خلاص لا تجي … بس ما تعرف وين سعود أخوك ؟؟
متعب حس أن في شي : يبه فيكم شي ؟؟
نايف عصب : يا ولد اسمع سعود أخوك بالمخفر .؟؟ ما تدري وش فيه ؟؟ أو وين كان .؟؟
متعب خاف : لا ما ادري وينه من اليوم .. بس انا اليوم مقابله بالفطور الصبح وما قالي وين رايح ؟؟
نايف : طيب مع السلامة ؟؟
متعب : اوكي مع السلامة !!

عامر : عسى ما شر ؟؟
متعب : والله مدري .. بس سعود مسوي شي ..!!
عامر يضحك : يا أخي .. أخوك عربجي هههههههههههههههههههههه
متعب مكشر : والله انك فاضي تضحك … أنا بروح أشوف أن قعدت كذا بيصير فيني شي .!!
فهد توه جاي معه شيشة : وين .. وين على الله .. تو الناس بدري يا أخوك ما استانسنا معك ؟؟
متعب مستعجل : لا بس لازم اروح الحين .. يلا سلاااااااااااااااام ..!!!
عامر : سلام
فهد : وش فيه متعب ؟؟
عامر : سعود بالمخفر ..!!
فهد انصدم : وشهو ؟؟
عامر : والله !!
فهد أخذته الحمية : وجالس بعد يا بارد امش معي بس ..!!
عامر : والله ماني بارد بس عمي نايف معه !!
فهد عصب : وإذا عمي نايف معه أنا بروح … يالله سلاااااااااااااااام
عامر : انتظرني !!
فهد : يالله !!
عامر : هاذي سالفتي انا اللي يدفع الفاتوره ..!!
فهد : اخلص عاد !!
عامر ناظر بالطاولة شاف مكان متعب فيه فلوس : فهد .. متعب حاط لنا الفلوس ..!!
فهد اخذ الفلوس وعدها لقاها (( 1000 )) ريال وناظر في عامر : شف ولد عمك .. الله يكثر خيره دافع لنا وانت يا الأخو مستكثر الروحه معه
عامر (( أنسان يحسب الدنيا على كيفه .. بيني وبينكم على نياته يعني اذا ماله خلق يبطها في وجهه أي احد ههههه ))
فهد : يلا انا بالسيارة ..!!
****
نايف بالمخفر : أمر يا حضره الضابط ؟؟؟ وش بغيت !!!
الضابط : أتفضل اجلس يا ابو سعود !!
نايف : جلسنا .. قل اللي عندك ..!!
الضابط : اسمع يا ابو سعود .. ولدك متهم بحيازة سلاح غير مرخص … وانت تعرف وش العقوبة .. حققنا مع سعود ويقول .. أنه السيارة حقته ما كانت معه و يقول أن صديقه ما خذها منه عشان عندهم عرس … وعقب العرس جاء لبيت صديقه واخذ السياره وهو بطريقه جاي بيتكم وقفه تفتيش .. يقول المفتش أنه يوم فتشنا السياره كان واثق أن ما معه شيء ولمن طلعوا السلاح انصدم وتفاجأ .. وكان واضح عليه أنه مو حقه السلاح وما كان يدري عنه وبدورنا سألنه عن صديقه نبغى نشوفه وهو ما يبي يعلمنا منهو؟؟؟ وهالامر هو اللي شككنا أن السلاح له ..!!
نايف معصب : أسمع يا حضره الضابط .. اذا تقدر تطلع سعود خمس دقايق أكلمه ..!!
الضابط : من حقك يا ابو سعود ..!! لحظه .. (( ينادي )) يا عسكــــــــري ..
العسكري : نعم حضره الضابط ؟؟
الضابط : طلع سعود بن نايف الحين .. زيارة
العسكري : حاضر سيدي
الضابط رد يكلم ابو سعود : اسمع يا أبو سعود !!! أذا طلع السلاح له ..!! حبس لمده ))) ثـــــــــــــــــــــــــ سنين ـلاث (((
وقف نايف من الصدمه : ثلاث سنين ؟؟؟
الضابط : أيه نعم ..!! وأنت تعرف القوانين طال عمرك ..!! والأمر بيطلع من سيطرتنا ..!!
سعود غترته على كتفه والطاقيه عليها العقال : السلام عليكم ..!!
الضابط : وعليكم السلام .!!
وقف نايف وناظر سعود بعصبيه وحاول أنه يضبط نفسه قدام الضابط : كذا يا سعود … كذا تدخلنا المخافر … ما هقيتها منك يا أبوك .. لا وبعد سلاح ..(( سعود يسمع كلام ابوه و هو منزل راسه )) … سلاح .. وش تبي به !! أسمع يا سعود .. (( سعود رفع راسه )) .. ترى أن طلعت السالفة جد .. لا انت ولدي ولاني أبــــ …. “” لحظه يبه “”
سعود : متعب ؟؟
نايف : متعب ؟؟
متعب : أيه متعب !! يبه تبرا من ولدك وهو بأمس الحاجه لك !! أنا اللي والله ما هقيتها منك (( أبو سعود نزل راسه من الفشيله ))
أبو سعود : ذا سود وجيهنا يا متعب ..!!
متعب معصب : لا بعده ما سودها … سعــــــــــــــــــــــــــــود تكلم أنطق برر موقفك .. لا تقعد وتشمت الناس فينا يا اخوك ..
سعود : حضره الضابط ..
الضابط : أمرني ..
سعود : خلنا شوي لا هنت !!
الضابط : أنشاء الله (( طلع الضابط ))
سعود : اسمع يبه … السالفه وما فيها أني ما ابي أورط رفيقي .. بالسالفه … (( >>> رجال J )) .. يعني الولد توه طالع من فرح .. تبغاني أنكد عليه !!
ابو سعود عصب : ماشا الله عليك !! تاخذ عنه ثلاث سنين .. يعني رجال انت وجهك !! المخافر ما فيها لعب عيال ..!!
سعود : …………………….
متعب : أسمع يا سعود .. أنا بكلم الرجال بشوف عنده ترخيص والأ لا ؟؟ …. أن طلع عنده ترخيص .. خلاص بتطلع منها انت وياه ..!!
سعود : هاك رقمه (( ********* )) اسمه علي بن مسلم
متعب : خلاص أنا بطلع أكلمه برا ..!!
****
العسكري : يا ولد .. الضابط عنده ناس ما يصير تدخل عليه !!
فهد معصب : يا بابا وخر عني خلني ادخل .. تراك عكرت مزاجي ..!!
عامر : يا هيه .. ولد عمنا هنا خلنا ندخل ..!!
العسكري : لا تجنني ممنوع تدخلون عند الضابط وهو عنده أحد !!
فهد معصب : والله ما فيه فرق بينك وبين الهنود !! (( دزة ودخل )) فارق بس ..!!
العسكري ناظر في عامر: شف انت الثاني لا تسوي بي مثل اخوك !!
عامر دزة : أقول وخر بس ..!!

*****
نوره معصبه : مهـــــــــــــــــا .. وصمخ .. تعــــــــــــــــالي !! أف كل ذا الصراخ وبعدك ما سمعتي ..
مها : هااه .. وش تبين ؟؟ أعوذ بالله الواحد ما ياخذ وقت نقاهي ..!!
نوره : لا في بيتنا ما ياخذ وقت نقاهي !! أسمعي ..
مها : هااه أسمع (( >>> لسانها طويل J )) وش بغيتي ..!!
نوره : بلا طوله لسان وانطمي خليني أقولك !!
مها وهي تحط يدها على فمها : هااه أنطمينا … تكلمي يا بروفيسوره نوره ؟؟
نوره : المهم عاد … أبي أكلفك بمهمة !!
مها وهي تضحك : أعرف مهمتك خلاص ماله داعي تكملين يا .!! أروح أكلم أمي عشان نروح المجمع .. والأ أكلمها عشان تعطيك فلوس ؟؟
نوره وهي تضحك : يا سبحان الله ربي عطاك من الفطنة ما عطا غيرك ..!! يعني تلقطينها وهي طايره ..!!
مها وهي تحط تطق يدها بصدرها بأفتخار : شفتي كيف ؟؟ أختك يا حلوه .. أعرف كل شي بــ…. won meant ..!! (( بــ دقيقه واحده ))
نوره : المهم عاد won meant والأ hundred meant ..!! (( بــ دقيقه واحده والأ مئه دقيقه )) … أخلصي علينا وروحي كلمي أمي تعطينا فلوس حق السوبر ماركت !!
مها : وليش أنشاء الله بعد عسى بتروحين !!
نوره وهي تهز راسها : أي بروح وش عندك ؟؟
مها : ما عندي شي ..!! بس أبي اروح معك ..!!
نوره : أفكر !!
مها : أجل ماني مكلمه أمي عشان موضــــوع السوبـــ …
نوره : خلاص بخليك تروحين يمه منك شريره !!!
مها تضحك باستهزاء : هئ.. هئ ..هئ.. هئ.. هئ.. هئ .. طبعا حبيبتي طالعه عليك يا أحلى شريره بالكون ..
نوره : أقول فارقي بس ..
مها : اوكي ماي بيبي سوف أفارق ..!!
*****

متعب : السلام عليكم ..!!
علي : وعليكم السلام ..!!
متعب : معي علي بن مسلم ؟؟
علي : آمر من معي ؟؟؟
متعب : معك متعب بن نايف أخو سعود
علي : يا هلا ومرحبا شخبارك وشخبار سعود
متعب : بخير الله يسلمك .. أسمع يا ابو مسلم أنا بغيتك بموضوع ..!! تبغاني أقولك بالتلفون والا أجيك ؟؟
علي : على راحتك
متعب : أسمع يا أبو مسلم .. أنا مستعجل .. وبغيت أقولك أن سعود .. أمس أنحبس عقب ما جا من عرسك .. والسبب أن فيه سلاح بالسياره ماهوب له والسياره طال عمرك كانت معك ..!!
علي سكت فتره ورد : أسمع يا متعب .. والله أنا ما عندي أي فكره عن السلاح .. بس أعتقد .. أنه لعيال عمي .. لان اللي يسوق بي أمس هو نفسه اللي يرمي .. بكلمه .. وأدق عليك ..!!
متعب : تسلم وما قصرت وبيض الله وجهك ..!!
علي : تسلم … تأمرني على شي ..
متعب : أبد سلامتك ..
علي : مع السلامه
متعب : مع السلامة ..
****
سعود أبتسم : يعني لازم تمشكل مع العسكري ..
فهد : يعني تبيني أشوف ولد عمي في السجن وما اجيه مثلا ..!!
أبو سعود أيضا مبتسم : لا موب مسأله ما تجيه بس تعال له بدون أي مشاكل ..!!
عامر : يا أخي العسكري غثنا .. وحنا مانا فاضين له .. ؟؟
فهد : تخيل ساعه ناقع عند الباب … أحاول معه منا ومنا بس الاخ ما يتزحزح قلت خلني اوريه العين الحمره على قولتهم ههههههههههه
متعب : السلام عليكم ..!!
الكل : وعليكم السلام ..!!
أبو سعود : هااه .. بشر .. وش قال الرجال ..!!
متعب يتنهد : آآآآآآآه .. والله يا يبه .. يقول .. ما عنده أدنى فكره عن السلاح ..!!
سعود وقف وعصب مررره : وش ما عنده ادنى فكره .. أسمعوني زين ترى السلاح ماهوب لي .. ولا يغركم كلام علي ذا ..!!
متعب قاطعه : أجلس خلني أكمل ..!!
سعود : جلسنا ويالله كمل ..
متعب : يقول الرجال أن السواق .. ولد عمه .. وفي حزه العرس .. كان يرمي .. ويقول بعد أنه راح يكلمه ويشوف ..!!
سعود : طيب واذا كلمه وطلع السلاح موب مرخص !!
متعب وهو يوقف : أنا بدبرها يا أخوك ..!!
أبو سعود : طحنا لنا في بلشة .. أعوذ بالله من الشيطان الرجيم ..
عامر : منهو المعرس ذا ..
سعود : صديقي ..
عامر : منهو ؟؟ طيب ..
سعود : علي بن مسلم .. ليه تسأل ؟؟
عامر يفكر : علي بن مسلم ؟؟؟ أيه عرفته .. (( ناظر في فهد )) فهد تعرف .. اللي وقفنا له بالطريق يوم نسافر نضبط له الكفر ؟؟
فهد : ايه تذكرته ..!! والله أنه رجال ..!!
عامر : هو رجال بس عيال عمه قشران (( شرانيين )) ..!!
سعود : من ناحية قشران فهم كذا …
متعب : الله يستر .. لا يكون راعي السلاح أقشر …!!
ابو سعود : أي بالله الله يستر … لا نطيح في ورطه ..!!
(( دق الجوال ))
فهد : هلا والله ومرحبا … هااه .. لا أنا قريب شوي وجاي .. تامرني بشي يبه … أيه عامر .. معي .. لا…. لا … أبد سلامتك .. مع السلامه ..
أبو سعود : هذا فيصل ..!!
فهد : أي عمي .. طيب تبغون شي ..
أبو سعود وسعود : أبد سلامتك ..
فهد : الله يسلمك .. (( ناظر في عامر وقال )) : يالله عامر .. مشينا ..
عامر : مشينا ..
فهد وعامر : مع السلامه ..
الكل : مع السلامه
متعب وهو طالع : تامرني على شي يا سعود ..
سعود : أبد سلامتك .. بس لا تنسى موضوع الرجال ..
متعب : آفا ..عليك .. مانيب ناسي .. يالله أجل مع السلامة ..
سعود : مع السلامه …

****

فـــــــــــــــــــز *** الخفــــــــوووق *** وقلت يالله عســـــــــــــى خير ..!!
أثـــــــــــــــــر الليالـــــــــــــــــي عاد ))) غـــــــــــــــايب((( قمـــــــــــــــــــــــــرها …!!!

فهد وعامر : السلام عليكم ..!!
الكل : وعليكم السلام ..
أم محمد : يمه فيكم شي ؟؟
فهد وهو ينزل الغتره والطاقيه : لا .. أبد سلامتك ..!!
أم محمد : أنا مانيب متطمنه … تكلم .. لا ترفع السكري علي .. تراني مانيب ناقصة .. أبوك فيه شيء ؟؟..
عامر وهو يبوس راسه أمه : وش فيك يمه .. أبوي ما فيه شي .. والناس كلهم في سعادتن ونقاء ..
فهد يضحك :
أقول أستريح يا أبو سعادتن ونقاء ههههههههه من شاف خشتك .. يدري أن ما وراك سعادتن ونقاء على قولتك .. ههههه
عامر مكشر : لا عاد .. شف خشتك .. اللي تعيف الناس الحياه .. ههههههههههههاااااااااااااااي
محمد : السلام عليكم …
الكل : وعليكم السلام ..
محمد : الحلوين متجمعين هنا اليوم … !!!
أم محمد : خلنا نتجمع … هااه والا فيها شيء ..
محمد : لا فيها شيء … الحين .. أم محمد .. ترضى يوم كامل .. ما تكلم .. ولدها .. هااه ..!!
أم محمد تبتسم : تستاهل .. الحين يومني أقولك .. ودنا السوق الشعبي .. وتقول … لا .. ليه .؟؟
محمد يبوس راس امه : يمه يا بعـــــــــــــــدهم كلهم .. اليوم بالذات عندي أشغال .. والله أبو محمد طول الله عمره .. هد الشركه لأسباب طارئه .. ومدري وين راح .. خلا لي كل الشغل .. بعدين ترضين يا أم محمد أنك ما تكلميني ..!!
أم محمد وهي تضحك : والله يا محمد .. وش يصبرني على زعلك ..
فهد : شكلكم مطولين يا الشباب ..
عامر : فهد تشوف اللي أشوفه يا أخوك ..
فهد : الخيانه من الحين .. وحنا وين رحنا ..والأ شكلك نسيتي أن عندك فهد وعامر ..
أم محمد تضحك : لا ما نسيت .. كلكم عندي واحد ..
محمد يضحك : الحين .. مناشبيني في كل شي .. يا هب يا وجيهكم ..
فهد يقلد المصاريه : تف .. تف .. تف .. أسمله علينا من الحسد يا ناس .. أعوذ بالله ..
محمد : الا اسمله علي من حسدكم ..
عامر : تكفى وش نحسدك فيه .. مطلق اللحية .. ومو محلق .. وش نحسدك عليه يا مناحي هههههههههههههههههههههه
محمد ناظر في نفسه وناظر بعدها بأمه : يا زينـــــــي .. وأنا .. كاشخ .. ويا زينــــــي بعد .. وأنا صاير مناحي .. ههههههههههههههههههههههه والا كيف يمه ..
أم محمد : صادق حمودي .. هو أحلى الناس عندي .. وش عندكم ..!!
محمد وهو يصفر : أيووووووووووووووه .. يا الغاليه .. خليك معي دايما ..!! .. موتو حرة يالعذال ..؟؟
عامر : يا عيني .. على الحب ذا من وين طالع يمه .. لا وبعد حمودي ؟؟ قال حمودي قال (( >>> عربجي J )) ..
فهد : ما شاء الله وحنا بعد متى تدلعينا .؟
محمد : بالعيد ….!! ههههههههههاااااااااي
عامر وهو يقلد محمد : بالعيد في عينك أنشاء الله .. وحنا مالنا رب ؟؟؟؟؟؟؟
نوره بابتسامة : أشــــــــــــــوف العيال جالسين هنا ؟؟ غريبة ..!!
محمد : سلمي بالأول ..!!
نوره مبتسمة : السلام عليكم ورحمه الله وبركاته ..!!
الكل : وعليكم السلام ..
محمد : ويـــــــن خواتي ..؟؟
نوره : وحدة راقدة .. والثانية تلعب بلايستيشن ..!!
عامر : أختك ذي تبيني ألفعها كفوف بوجهها .. حتى الكفوف .. شوي عليها ..!! أكيد انها بحجرتي ؟؟ صح ؟؟ اعترفي ؟؟
نوره : أيه بحجرتك ..!! .. لأنك .. الأخ الأنحس بالعائلة ..!! عشان كذا ما طلعت السوني ..!!
عامر : لا .. ما شاء الله مؤدبه مرررة ..!!
فهد : والله أنك نحيس .. الحين . أختك .تبغى تلعب .. وانت ما تبي تلعبها ..
عامر : يا اخي أختك بتحوس الحجرة ..!!
منار : يمه من النحاسه معادني بلاعبه خلاااص توبه ..
عامر يناظرها بنص عين : أحسن بعد وفرتي علي العنا عشان ما أجيك .. وأفرك خشتك بالجدار ..!!
منار : يا قوي انت بس ..
محمد : منير .. أنطمي .. لسانك طولان هاليومين ..
منار : أووووووووف طفش .. ماما .. عادي .. أروح عند .. جيراننا ..
محمد : لا مو عادي ..
أم محمد : ليه خلها تروح ..
فهد : لا ما شاء الله عليك يمه عيني عليك باردة .. الحين طال عمرك الساعه تشير إلى الثامنه مساء والبنات ما يطلعن .. بالليل مفهـــــــوووم ..
نوره : تستاهلين .. من قال لك تكلمين .. بعدين وين الطفش .. ما أشوفه >> تنكت .. ههههههاااي
منار : مفهوم ..! تنكتين أنتي ..
محمد وهو طالع للحجرة : يلا .. سلام .. أبي أرقد .. ما أبي أسمع صوتكم .. عند الباب .. والله أني سهران .. وما نمت زين .. عاد أبغى أنام عدل لأن وراي دوام بكرة ..
أم محمد : تصبح على خير يا وليدي ..
فهد : محمد .. بغيتك بكلمه راس ؟؟
محمد : تعال .. معي .. !!
فهد : مشينا ..
أبو محمد : السلام .. عليكم ..
الكل : وعليكم السلام ..
أبو محمد : ليش . ما علمتوني … أن سعود .. مسجون ..!!
أنصدم الكل …
فهد بتوتر : أنا كنت بقولكم بس قلت .. أشوف .. الوقت المناسب .. أعتقد .. أني توني كنت بقول لمحمد .. قبل شوي ..
عامر : عمي نايف قال .. لا يطلع الخبر .. وانت الله يهداك بطيتها ..
أبو محمد : المهم .. عاد وش تهمته ؟؟
عامر : حيازة سلاح .. غير مرخص ؟؟
فهد يرقع : بس .. السلاح مهوب له ..
أم محمد : لمن أجل ؟؟
عامر : لصديقة .. بس الظاهر .. السالفه طويلة .. ويبغى لها تركيز ..
نوره تخفي دموعها .. غصب نزلت منها .. وما لاحظ الدموع إلا فهد ..!! وراحت تركض لغرفتها ..!!
أبو محمد : الله يستر .. إلا .. شلون .. طاح السلاح بيده ..
***
نوره تبكي وتفكر وتقول في نفسها ” معقولة .. سعود يطلع منه هالسوالف …. ليه .. يا سعود .. ليه .. !! المشكلة مقدر ..أخفي حبي عقب اللي سويته بدون قصد ..
((((( نوره تضحك : والله أنك عاد تافهة وما تنعطين وجهه ؟؟
أسماء تضحك : ههههههاااي ..أصلن خلاص شافها ..!! تخيلي وش قال ..!!
نورة تعدل جلستها و باهتمام : وش قال ..؟؟
أسماء : قال .. أنك حلوه أنتي صغيره .. يا ترى انتي حلوه بعد لمن صرتي كبيره ..!!
نوره : تحلفين … يا فشلتي منك .. ومن قال لك .. ودي صورتي .. يا كلبه ..!! اللحين وش بيقول .. عني ..!!
أسماء : صدقيني .. سعود .. ينسى .. بسرعة .. وبعدين .. وش وريتة كلها صورتك بعد وانت صغيره .. أجل لو شاف صورتك وأنت كبيرة وش بتقولين .. يا حضره .. “”” لا ما أنسى بسرعة “”
أسماء معصبه : سعــــــــــــــــــــــود .. لا تدخل .. فيه بنات هنا ..
سعود وهو يضحك : عــــــــارف .. بنات مزيونات صح؟؟ .. (( نوره أنخشت بالفراش من الاحراج ما تبغى تسمع ))
أسماء : مو شغلك .. ترى والله أعلم .. أبوي عليك ..
سعود يضحك : خلاص طلعنا .. وشرايك .. أطلع من البيت كله ..
أسماء : يكون أحسن ..
سعود : تامريني .. أمر يا عزيزتي ..
أسماء : أطلع عاد ..
سعود : من عيوني (( طلع سعود ))
نورة بقمة الإحراج : والله يا أسماء .. أنك نذله .. الحين وش ينسيه الصورة ..
أسماء : أقول عاد .. طولتيها .. أف .. ياليتني .. ما وريته ..!! طفشتيني ترى .. )))))

سواها قلبي .. يا حبيبي وحبك ..
ما طاعني .. وأنا عن الحب ناهيه ..
الظاهر ..أنه ما يبي غير قربك ..
باع الجميع وأول الناس راعيه ..
عليه ما أوصيك لا صار جنبك ..
صبح عليه بحب وبحب مسيه ..
نبضه وفا وبتضحياته يعجبك ..
صافي ولكن ما لقى من يصافيه ..
ســــــــــــــــــــــــواهاااااااااااااااااااااا ااااااا قلبـــــــــــــــــــــــــــــــــــــــــــــــ ـ M ـــــــــــــــــــــــــي ..

نوره حست بأحد .. يمسح على راسها .. ” ليش الدموع يا نوره ” رفعت راسها
نوره بصدمه : فهد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فهد : أي فهد .. وش فيك ؟؟ ليش تبكين ؟؟
نوره وهي تمسح دموعها : لا .. أبد سلامتك ..
فهد : عشان سعود..!!
نوره بتوتر : لا مو عشان سعود .. عشان ..؟؟
فهد : قبل شوي وشحليلك .. وتنكتين .. ويوم قلنا سعود مسجون بكيتي ..؟؟ صدقيني سرك في بير ..؟؟ عشان من يالله قولي ..؟
نوره ترقع : عشان .. أسماء .. لأنها .. متعلقه بأخوها مررره .. وبكيت بس ؟؟ هاذي هي السالفه .. وبعد ما هان علي أسوف ولد عمي بالسجن ..
فهد ما دخلت السالفه بمخه : على راحتك يا نوره ..متى ما بغيتي .. تقولين *** الصـــــــــدق *** فنا موجود …
نوره منزله راسها : تسلم يا أخوي ..!!

******

تركي : الســــــــــــــــلااااااااااااااااااااام عليكم ..
أبو فيصل : وعليكم السلام …
تركي : شخبارك اليوم .. طمنا قبل لا نفحص عليك …و نكشف ألاعيبك ..
أبو فيصل يبتسم ابتسامه ممزوجة بالتعب والكبر بالسن : أبد ما أونس شي .. كأنك تبي تفحصني .. افحصني ..
تركي : متأكد .. ترى بفحصك ..
أبو فيصل يضحك : ههههههههه أفحص .. منت بندمان …
تركي : نشوف …
(( طلع علب تحليل السكر .. وتحليل الضغط ))
تركي وهو يفحص : وش اللي مخلي الضغط يرتفع ..!! محاتي أحد .. ؟؟؟
أبو فيصل : أيه .. والله يا ولدي .. دق لي على نايف ..و إلا متعب ولده ..؟؟
تركي : ليه ؟؟
أبو فيصل : مدري .. بس أحس إن فيهم بلا !!
تركي مبتسم : يبه لا تقعد تبلى على الناس … بعدين الناس نايمين .. تبغاني ..أصحيهم ..
أبو فيصل : طيب دق .. وطمنا ..
تركي : من عيوني .. بس بقول أنك أنت السبب ..؟؟
أبو فيصل يبتسم رغم المرض : يالله قل لهم أني السبب .. بس أخلص دق ..
(( تركي طلع جواله .. وسوا نفسه يدق على نايف أخوة … بس عشان … ما يزعل أبوه لان الأخبار الشينه تتعب أبوه ))
تركي : يا هلا بأبو سعود .. شلونك .. شخبارك .. كيف العيال عندك .. والشايب يبغى يتطمن على رعيته .. وأنا أقوله من الصبح رعيتك صار لهم رعيه بعد هههههههههههههه .. خلاص .. أبشر .. الله يسلمك .. لا بس محاتي .. يقول .. حاس فيك شيء .. ههههههههههه أيه بالله بسم الله عليك … يالله تامرني على شي .. سلامتك يا أبو سعود .. أبشر .. مع السلامه ..
أبو فيصل : وش يقول ..
تركي وكاتم الضحكة : لا بس يسلم عليك ويقول ما فيه إلا العافية .. بس لا تحاتي بعد تبلشنا ههههههههههه
أبو فيصل : الحين أنا صرت أبلشكم ..
تركي وهو يضحك : لا بس من كثر ما تحاتي .. تبلشنا ..
منصور : السلام عليكم ..
الكل : وعليكم السلام ..
منصور : تركي دريت .. ولد نايف أخوي ….!! (( غمز له تركي بمعنى بعدين قلي ))
أبو فيصل : وش فيه ؟؟؟
منصور توهق : لا بس قبلوه الداخلية ..
تركي : يا قديم ..
منصور : تدرون عاد توني أدري ..
تركي : لأنك قديم في قديم ..
منصور : تسلم طال عمرك .. بعد كثر سب لو سمحت ؟؟
تركي يزيد :و غبائك ما ينوصف ..
منصور : أيوة بعد كثر .. كثر سب
تركي : أميزك بين الناس والسبب غبائك
منصور : أيوة بعد .. بعد ..!
تركي يزيد : لو خيروني في عقلك بين عقل السواق أختار عقل السواق (( سواقهم متنح دايما وغبي بشكل ما ينوصف .. وأذا قالوا له يمين يروح يسار .. طبعا السواق لأبو فيصل لأنه ما يسوق ))
منصور : لا بعد قارن فيني وفي عقل بياع خبز التنور .. كمل طال عمرك متقبل سبك عسل على قلبي والله ….!!!
تركي : هههههههههههههه
تركي يزيد وابو فيصل يضحك ..!!

************
صـــــــــــــورتـــــــك ..!!
فــــــــــــي
عيـــــــــــــــــــني ..!!
وفــــي
الـــــــــــــــــقلب ..!!
**^ طـــــــــــــــــــاريــــــــك ^**

تعـــــــــــااااال ..!!
شــــــــــــــــــوف
بدنيــــــــــــــــتي ..
وش ..!!
**^ مكـــــــــــــانــــــــــــــك ^**
أن
جيــــــــــــــــــــــــــــــــت ..!!

كـــــــــــــــــــــــل ..!!
دقــــــــــــــــــات ..
قلبـــــــــــــــــــــــي ..
**^ تحيـــــــــــــــيك ^**
أن رحت يكفيـــــــــــــــــني ..!!
بقايـــــــــــــــــــــــا ..
**^ خيــــــــــالــــــــــــك ^**
أعاهـــــــــــــــــــــــــــدك ..
مــــــــــــــا
يـــــــــــــــــــــــــــــوم
ممكــــــــــــــــــــــــن
**^ أخليــــــــــــــــــــــــــــــــك ^**
ومـــــــــــــــــــا
عــــــــــــــــــــــــــــــــــــــــــــــاش …!!
مـــــــــــــــــــــــــــن ..
يــــــــاخذ ..
بقلـــــــــــــــــــــــــــــــــــــــــــــــ ـــــبي …!!

**^ مكــــــــــــــــــــــــــــــــــــــــــــــــ ـــــــــــانك ^**

…………………

مها فيها نوم وتحك شعرها : وش فيك ؟؟
نوره : ما فيني شيء ..!!
مها : طيب وش فيه أبوي ..!!
نوره : ما فيه شيء ..
مها : طيب وش فيهم أخواني ..
نوره : مدري ..
مها : حشى اليوم صايره آله .. تتكلمين بكلمات محدودة ..
نوره معصبه : طيب المطلوب مني الحين ..
مها : سلامتك ..
نوره : طيب أطلعي بره ..
مها : من دواعي سروري ..
نوره : سكــــــــــــــــري الباب ..
مها طلت من الباب : من عيوني .. بس نوره وش فيك اليوم صايره جنيه ..
نوره حذفتها بالمخدة : مالك شغل .. بررررررا ..

((( نوره ما هيب رايقه لتفاهات مها لأن مها الحياه كلها إيزي مو ممكن تشعر بالحب يعني .. يمكن نقول .. شبابيه .. تحاول تهجج الهموم من البيت .. >> بس أعجبتني تهجج خخخخخ.. خخخخخ …. المهم .. يعني أذا الكل حزين .. ينادون مها تنكت عليهم لين يفرفشون لأن مها طبعها ما يزعل بسرعه تاخذ كل الكلام بمحمل اللعب و الفرفشه … جد ما عندها جد لأن حياتها كلها مزح في مزح )) ..

مها نازله من الدرج تغني بس ما تدري أن سعود صاير له شي كانت تغني بصوت عالي : جــــــــــــــــــــرحــــــــــي .. عميـــــــــــــــــــق .. والقلب .. فــــــــــــي .. دمه .. غريـــــــــــــق .. تبغى .. الصبر .. ويــــــــــــــــــلاااااااااااه .. من وين الصبر .. مهما تقول .. لا تعتذر .. مهما تقول .. امن الأغاني والجمل .. حبك سراب ضيعت وقتي .. أتبعه .. (( عامر قاطعها ))
عامر طالع من المطبخ : خير وش صاير ..!! عسى ما شر ؟؟
مها ببرود : ما شر بس اغني .. و إلا ما يصير ..!!
عامر يستغفلها : لا غني أختي خذي راحتك ..
مها تكمل بس غيرت الأغنية : الأماكن …كلها مشتاقه لك .. والعيون اللي أنرسم فيها خيالك ..
عامر : والحنين اللي أنسرب روحي وجالك ..
مها وعامر : ما هو بس أنا حبيبي .. الأماكن كلها مشتاقه لك ..!!
فهد توه قايم : يالله صباح خير يالله .. وش طاري عليكم ..!
عامر يبري نفسه : أختك السبب .. هي اللي خلتني أغني ..!!
مها : محدن ضربكم على أيديكم … (( تقلد المغنية ساره الغامدي ))
عامر : بدينا يا أخت مها ..
مها : لا أنتهينا .. هاهاهاهاي ..
فهد : مها .. شوفي .. وين بدلتي العسكري .. ترى وراي دوام .. !!
مها : أوف فهد مالي خلق والله …
عامر : عز الله ما تنفع ..
فهد : خلاص أجلسي ..
مها : لا خلاص بروح ..
فهد : والله ما عرفنا لك .. مره تقولين مالي خلق ومره تقولين بقوم ..
مها : أخاف تزعل .. مثال : لو فهد قالي روحي جيبي بدلتي العسكريه مانيب جايبتها .. تدرون ليه ؟؟؟
فهد وعامر : ليه ؟؟
مها : لان الأخ عامر .. كل ما أطلب منه شيء ما يجيبه نحيس طبعا .. أما فهد لبى ألبوه ..كل ما قلت له جيب يجيب .. عشان كذا بروح أجيب له اللي يبغاة ..
عامر : مانيب ميت على نفعتك ..
مها بثقة : نشوف .. بعدين يا عويمر ..
فهد : هاهاهاهاي .. كل هذا من أفعالك ..
عامر : هههههههههههههه ..
أم محمد : صباح الخير ..
الكل : صباح النور ..
أم محمد : نوره ومحمد ما اقعدوا ..
عامر : ما أدري عنهم ..
مها وهي جايبه البدله : نوره قاعده بس مدري وش فيها مزاجها مرره متعكر .. تقهر ..
فهد حس بنوره ويرقع لها : عادي يعني ما تعرفين أختك حزه الدوام .. تماطل ..
مها : بس هي قاعده لو راقده اكيد بتماطل .. لأنها بنت فيصل .. كلنا كذا .. حزه النوم نقهر ..
فهد يحمد رب أن السالفه تغيرت : أي والله .. أنا .. أذا أحد قعدني .. أشهد أني أذيه …
أم محمد : لا والله أنك اشوى واحد فيهم ..
عامر : وأنا ..
أم محمد شاكه عامر : أنت سهران صح ؟؟ أعترف !!
عامر يضحك ويسوي نفسه بزر : أخر مره يمه أخر مره توبه ( يحط يده على فمه )) توبه ..
أم محمد تضحك : وش سهران عليه ؟؟
فهد : الأنترنت يعني ما تعرفين ولدك ..
أم محمد : يا ذا الأنترنت خراب ذا خراب ..
عامر يتنهد : آآآآآآآه ومن الأنترنت ما قتل .. (( شقلب أم المثل ههههههههههههههههههههههه )
مها تلعب : شكلك صايد وحده مزيونه .. هاهاهاهاي ..
عامر طقها على متنها : وش دراك ؟؟ أخاف تتجسسين علي ؟؟
مها : أعرف حركاتكم يا الشباب .. تقصون على بنات خلق الله ..
عامر غمز لها يعني أمي الحين بتفتح محاضره : أي بنات .. أنا أطلب بحوث من النت ..
مها : العب على غيري يا الحبيب ..
عامر وقف بيطلع للدوام : يالله يمه مع السلامه ..
(( حبها على راسها ))
فهد : شكلك هجيت .. خايف لا نفتن عليك .. هاهاهاهاي ..
عامر : لا طلعت فتنوا علي ..
فهد : أنا بطلع .. بس شكل الناس (( يأشر على مها )) هم اللي يفتنون ..
مها : أحم .. أحم .. مانيب مفتنة اطلعوا لا أبطها ..الحين .. هاهاهاهاي
عامر : اجل مع السلامه ..
الكل : مع السلامه
فهد حب راس أمه : مع السلامه يا الغاليه …!!
أم محمد : مع السلامه ..
…
أم محمد : مها منتي برايحة للمدرسة ..
مها : إلا بس موب ذا الحين ..
أم محمد : متى يعني .. ؟؟
مها : شوي .. يمه …
أم محمد : طيب قعدي خواتك شكلكن اليوم كسلانات .. مرره .. .. وأنا بقعد محمد ..
مها : من عيوني .. بس بيغثوني ..
أم محمد : عادي .. يعني أنا متعودة على المغثه كل صباح ..
مها : ههههههههههههههههههههههه الله يعينك ..

*****
نوره تفكر .. (( والله مالي نفس أداوم .. حتى مالي نفس لأي شيء … لا للأكل ولا شوفه هالناس .. حتى أكلم أحد ما أقدر .. كيف .. بستانس وبرتاح .. والغالي .. بالسجن .. !! بقول لأمي أني تعبانه وماني مداومة .. كيفها عاد ..!! ))
مها : نــــــــــــــــــــــــــــــوره …!! قومـــــــــي .. ترى متأخرين على الدوام وأنا مالي خلق أقعدك أدري أنك تسمعيني عاد أخلصي لا تطفشيني ..
نوره : ما راح أداوم .. قولي لأمي ..
مها : ليش ؟؟
نوره : تعبانه شوي ..
مها تتدخل : ما فيك الأ العافية .. قومي لا تجيك أمي وهي معصبه ..
نوره : مها اطلعي راسي ترى حده ذابحني ..
مها : ترى مالي شغل فيك .. اذا أمي قالت شيء ..
نوره : مهيب قايله شي .. بس أطلعي .. ترى أقلقتيني ..
مها : كيفك ..

****
منار : خلاص قمت أوف كل يوم لازم صياح ونياح ..
مها : أنطمي وأخلصي عاد مانيب فاضيه لك ..
منار : طيب قمت أوف طفش ..
مها : طفش في عينك .. متاك نايمه .. نايمه مع الدجاج ..الساعه ثمان صح ؟؟
منار : بس ما شبعت نوم ..؟
مها : أعنبو دارك .. الساعه 7 الحين وكل ذا ما شبعتي نوم .. أجل وش تقولين عني .. نايمه الساعه 2 الفجر .. وشبعانه نوم ..
منار : أنا وانتي غير ..
مها : أي والله فرق الفيل عن الغزال ..