ياعالم والله تعبت زهقت مليت !!

ابغى اقولكم مشكلتي وياليت حد يلقى حل لأني تعبت ولا ادري
الغلط مني ولا منهم

شوفو الموقف واحكمو

انا البنت الوسط فعائله من 6 اشخاص
عندي اخت اكبر مني واخت اصغر مني

يشهد الله علي لو يطلبون عيوني ما اقولهم لا
جد احبهم واخاف عليهم وان حصلت لو وحده مشكله
دايم لا جيت اصلي دعيت لها وانا ابكي

هم مايقصرون كمان ساعات مايردون لي طلب
وعشان ما اظلمهم فعلا شغلات كثير جدا ساعدوني فيها

بس المشكله بهالفتره كثير اسمع منهم مصلحجيه مصلحجيه !!
من اختي الكبيره
والله انجرح وقلبي يعورني لما اسمع هالكلمه

اقولكم الموقف اللي خلا كل العائله بسلامتها تقاطعني وماتكلمني
لأني المصلحجيه قليلة الأدب الشريره المتوحشه !!!!

انا عندي يابنات معرض نسوي فيه كب كيك وحلا وكل شي
ونبيع
واختي الكبيره ساعدتني بالأاغراض واشترت معاي وساعدتني فعلا بانها سوت معاي
الحلا وكذا وكنت اروح ابيع

اخر يوم من المعرض اللي هو يوم الجمعه كنت
طالعه اخذ فلوس لأمي عشان تجيب اغراض للحلا
وانا اخذ الفلوس كنت فرحانه بأهلي وبأنهم يساعدوني وكذا
وجالسه افكر ان امي واختي يستاهلون الفلوس اكثر مني
والله يابنات وربي على كلامي شهيد
جالسه افكر بهديه لأمي وهديه لأختي اخذها لهم بالفلوس اللي بتجيني من المعرض
لأنهم ساعدوني كثير

المهم يوم رحت المعرض كانت اقرب صديقه لي صديقة طفولتي واللي صارلي ست سنوات
ماشفتها جايه المعرض
” وانا صارلي فتره انا وهي نحاول نتقابل بس مازبطت الا بهاليوم ”
المهم اني قعدت معاها
وطلبت لي ولها اكل
وبعدين دق ابوها قال يلا بنمشي
البنت اهلها ملتزمين وماتطلع لحالها ابدا واول مره يرضون تقعد معي لحالهم
بحكم انها صديقتي من واحنا صغار وصارلي ست سنوات مو شايفتها
زائد انها اول مرره تجي هالسوق ذا !
قالت لي يانورا مادري وين اهلي ابيك تودين لهم يقولون هم عند المحل الفلاني وانا مادري
وينه نزلت معاها بس قبل مريت على محل اخذي لي ولها شي نتذكر فيه بعض على طول

المهم دقت اختي علي تقولي نورا اطلعي المحل بيقفل
انا احسبها تقصد المطعم !! قلت لها طيب شوي اوصل البنت واطلع
وتدق مره ثانيه وثالثه ورابعه وعاشره
ونفس الكلام نورا اطلعي المحل بيقفل

وانا وربي اللي خلقني احسبها تقصد المطعم !!
قلت للبنت انا ماقدر اطول على اختي اكثر بطلع عندها
وجد طلعت فوق وعلى نيتي ياناااس على نيتي رايحه بس عشان اجيب لها اكلها
من المطعم حقها واحطه على طاولتها على بالي هو ذا اللي تبيه !

طلعت الا هي طالبه من المطعم قلت لها ها المطاعم ماقفلت اشفيك صرعتيني كل
شوي تدقين قامت تصارخ تقول لا يكثر والشرهه على اللي يطلب منك شي مره ثانيه
والحقير يبقى طول عمره حقير

وانا للحظتها وربي مادري وش الموضوع !

جلست بالطاوله ومعاي صديقتي اللي تساعدني بالمعرض
قالت لي وش السالفه قلت لها اختي معصبه على بالي من المطعم طلعت تبغاني
اشيل اغراضي من المعرض لأن المعرض بيقفل

قالت صديقتي وين اصلا المعرض مايقفل اللحين
المهم كملت اكلي
نزلت ركبنا السياره
جلست تهزأ وتهاوش وتقول انتي ماهمك الا صديقتك ولا اختك اللي معاك من اسبوع
بس انتي اصلا حقيره ومصلحجيه يوم خلصت مصلحتك واستغنيتي ومارديتي علي وطنشتيني

والله يابنات انا ماكله تبن وساكته مقهوووره ودي اتكلم ودي اقول بس ادري انها ماراح تسمع
غير لنفسها
ماقدرت ارجع بيتنا من كثر ماني متنرفزه ومقهوره
رحت بيت عمتي والله طول وقتي اصيح من القهر وادعي ربي انه اعلم بنيتي
واني ما استاهل هالكلام

ماقدرت من القهر رسلت مسج لأمي
حتى امي دايم توقف بصفهم ضدي
لما رجعت بيت عمتي فتحت الجوال
لقيت اختي كاتبه لي خذي اغراضي من نعومي لأنه بيقفل
بعدها استوعبت انها كانت تبغاني اخذ اغراضها من نعومي

جعل يدي القطع اللي جالسه اكتب فيها لو كنت ادري انها كانت تبي اغراضها من ذا
المحل لأنه بيقفل كان جبتها لها
وربي مادريت الا وانا بيت عمتي

المهم دقت علي امي وجلست تسمعني كلام زي السم
انتي قليلة ادب انتي مصلحجيه انتي ماهمك الا مصلحتك
اختك معاك من اسبوع تراكض عشانك وانتي مع صديقتك
ولما تطلبك طلب ماتسوينه لها

يارب ان امي اكثر وحده تعرف اني طول الوقت امدح في اختي
واقول انها الوحيده اللي واقفه معاي

وهي ولا كلفت نفسها حتى ودافعت عني قدام اختي وقالت لها ترى نورا
كانت تمدح فيك ويمكن نورا ماكانت تقصد !!

الا تقولون ودها من ربي انهم مايكلموني !

طبعا وجت اختي الصغيره لبيت عمتي وجالسه مع بنت عمتي
وقامت تقولها انو نورا حركتها بايخه وانو سارا ” اختي الكبيره ” جلست تبكي من القهر
واننا حلفنا انا وهيا مانكلم نورا ابدا !!

تيخلو !!!!

بنات انا تعبت من هالدنيا صرت اتمنى اموت
والله دايم على نياتي ونيتي بيضا وصافيه
والله يشهد ماحب اشوف احد زعلان ومتضايق
ودايم لما احد يجي يفضفض لي اسمع واحاول اساعد
بس سبحان الله الله ماحد بطريقي ولا احد طيب ونفس طينتي !
الكل بس ازعل واتضايق يبعد عني ولا يفكر حتى يسمعني
كل من حولي

كلهم اصدقاء بالأسم بس
صحيح انهم كثار بس ولا وحده فيهم وفيه
حتى صديقت الطفوله تبغاني بس وقت الوناسه اللحين ماعاد يهمها غير وناستها
تغيرت مره عن اول !

بالنسبه لأهي كلهم مايكلموني
لأني بنظرهم المصلحجيه
مع اني اكثر وحده اساعد امي وانقهر لا صار شي يقهرها
واكثر وحده احب اقعد معاها وما اشوفها لحالها
والله لا طلبت مني شي يعز علي اني ما اسويه

مع كذا دايم تشوفني غلطانه وتوقف بصف اخواتي
اختي الصغيره اكثر من مره غلطت وصادتها امي
واللحين امي تداري خاطرها وتحاول انها ماتزعلها
وتجيبلها هدايه وتهاوش اي احد يضايقها او يكسر بخاطرها

طيب وانا ؟؟؟؟!!! ماني بنتك !!!!
ايش معنى انا عادي ينكسر خاطري وعادي انقهر وعادي ابكي وعادي ازعل

والله دايم اسمع كلام يعور القلب منهم واسكت وابلعها
اشوفهم يسولفون مع بعض يتهاوشون ويتراضون
وانا كأني بنت البطه السودا اذا غلطت غلط واحد قام البيت كله علي
انتي منافقه انتي مصلحجيه انتي تحبين نفسك !
مع اني ماقد قصرت بحق اي وحده فيهم

وربي يشهد نيتي دايم بيضه ودايم على نياتي ولا ادري وش يقصدون !

والله اكتب لكم وانا مقهووووووووره

تكفوون طلبتك اللي يدخل يا يعطيني حل لمشكلتي ومشكلة قلبي الابيض !!
ولا يدعي لي بالمووت وافتك ماعدت ابغى اعيش ولا عاد في شي يهمني فهالدنيا

اللحين انا حابسه نفسي بغرفتي
ماذقت اكل ولا شربت جد ودي اموت

اسمع حس البيت واموت من القهر قبل لا اموت جد

لا من اهل ولا من اقراب ولا من اصدقاء الدنيا سادتها بوجهي من كل جهه