يازينكم يا…..والله مافي مثلكم “””””””

كيفكم بنات وخصوصا اللي يدامووو اخيرا خلصتم خخخخ
احم ذا اول موضوع باللاب حقي اخيرا حررت اجهزة خواتي بعد ماتحطم لابي الاول <قصة حياتي هع

مو عارفه من وين ابدا
لكن بتكلم شخص خصوصا اللي ربي ماحرمهم نعمة وجود هالشخص .
لانهم راح يحسو بكلامي اللي اكتبه .
……………….
مايحل محلها احد ،مستحيل يفهمك مثل ما تفهمك لانها تعيش اللي تعيشيه نفسه ،
لان قلبها عليك ولانها مستحيل تتشمت فيك او تستنى عليك غلطه ،ب
العكس اول من يهاوشك لما تشوفك عالغلط
اذا كانت اكبر منك تصير بمكان امك ولما تصير قريب من سنك تصير صديقتك
وباي سن تكون هي غير

مايحتاج اكيد عرفتوها هي الاخت

::::::::::::::::::::
انا شخصيا خواتي خمس 🙂
الكبيره امي رضعتني الله يخليها لي.
والباقيات صحيح كلهم متزوجات بس ايش اقوول وايش اخلي
لما احتاج شي كل وحده تهتف انا اجيب انا اسوي انت
ويجلسو انا اسوي انت ذيك المره سويتي ….الخ
……………………………………
بالاجازات انا وغروب ندق هاه ماتجو نستناكم
واحيانا ابو اسروال وفنيله مايخلي حركاته وتطس معه:( 👿
طبعا بسبب انهم متزوجات فبعضهم ماتجينا بالاجازات كبيره
وبعضهم بخميس وجمعه
…………………………
لما يتجمعو وهم وجيشهم الله يخليه ذخر لنا
وناسه ولو اني ماخلي لساني السليط بما اني عايشه لحالي ماغير العيال عندي
فالاطفال يسووو سطو علي وعلى غرفتي اليتيمه 😆 idea: وانا دايم مولعه نار مثل مايقولو
واهزئهم وهم واطفالهم ويهجمو علي كلهم بس ضاربه فيهم عرض الحائط الاا مي
تهاوشني عاد امي تتنرفز مني لما اقول ايش علي عيال خلق الله وهي مصدقه تحسبني اتكلم جد ههههههههههههه
دايم اتأمل علاقتنا مع بعض رغم الفروق في السن والحاله الاجتماعيه
واحمدالله لانها نعمه فعلا آآخ الحمدوالشكر لك ربي 💡
……………………………………
اما غروب غير عندي لاني بعدها واصغر وحده انا <يازيني مدلعه
نطالع بعض بالنظرات نفهم بعض الله يخيلني منهم جميع
وعلى طاري النظرات
فيه اثنين ورى بعض قبل لا يتزوجو كانو مثلي انا وغروب صديقات مع بعض
وحكووني عن موقف لما تزوجت
عاد قبل مافي جوالات مثل اللحين المووهيم وهي بعيده عنهم 😉
كلمتها امي وبعدين كلمتها اختي ولما سمعت صوتها
عارفين ايش صار <<لاتفوتكم دراما خليجه
اغمى عليها
والله حاله تضحك وتحزن خخخخخ
ياحليلهم خواتي رقيقات بالحيل 😐
………………………..

ام سلطان الله يرزقك الوظيفه من غير منة يااااارب 😉
اختي ام مشعل الله يحقق لك امنيتك ياااارب
عاشقة ست الحبايب الله يشفيك ويقوومك بالسلامه ترى من جد اشتقت لمولود <مصدقين ياناس
وغروب عطتني نظره سخريه سكتتني 😉 ❗ ..
بس تكفووو ياخواتي لا 😳 تشيلو علي لما اتريق عليكم وعلى اطفالكم
ترى غصب عني لساني يحكني لو ما علقت
وامي ماتتكلم على احد مين يدافع عن ممتلكات البيت يعني
وانت عاشقه بالذات مانسيت دعوتك علي وامي قالت يكفي شرك عنك عن بنتي 😛

واخيرا مابغيت اخلص
جالسه اقول بكتب موضوع متوسط بس ابو طبيع عاد
الخلاصه
كل وحده تكتب لنا عن خواتها وكيف علاقتها بس وحده تسب اختها ترى اخرجها برى موضوعي 😉
وما اخليها تدخل خخخخخخخخخ
ثرثرو مثلي ترى مسموح بدل اعترف وشي مزعج لاني مليت ودي شي اهذر فيه
مو كلمه ورد غطاها :P:( 💡

واللي ماعندها خوات االله يرزقك صديقات مثل الاخوات ويعووضك خير
واللي حاسه شي بعلاقتهم حاولي تحسني علاقتكم لان والله مافي مثلها .
<<احس الادب مو لايق علي
والسلام عليكم