عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السسلام
كيفكم صبايا
بصراحه انا مررره تحمست للمنتدى ودايم
اقرأ فيه كزآئره بس قبل فتره بنت خآلتي يداعبها الخجل
كتبت روايه تجنن مرآ يعني تقريباً تشابه واقعها
بس اضافت عليه من خيالها
طبعاً الروايه تتكلم عن اخوات توأم
فيهم شقاوه ويعيشون قصص ممتعه
وفيها تحزن يعني من جد شي حلو وأتمنى تستمتعون
وأي نقد عاتي خذو راحتكم نحنا حاضرين
بس بالبدايه تتكلم القصه عن الام والاب (:
أخليكم مع الروايه
روآيـه •-•*
بســـم الله الرحمـن الرحـيم*
آآآحم السلـام عليكم كيفكم ان شاء الله بخير*
أنا كنت كثير خائفه ان أكتب لكم قصتي ومتردده كثير يمكن ماراح تفهمون علي وتحكمون بسرعه عني أو اي أحد من شخصيات روايتي لأنها واقعيه حدثت لي وصادقه بكل مافيها ويمكن زدت من عندي من تفكيري في بعض اشياء كالأحاسيس والمشاعر للأطراف الثانيه فأتمنى ماتتسرعون في الحكم علينا وع أخطائنا لأننا كلنا بشر ونخطي وبس هذا اللي تمحمحت ع شان أحكيه وأتمنى أنكم تعيشوا عالمي وتزوروني فيه ع فكره أنا ساره ^_^*
الـبـ 1 ارت ~*
الزمن – قبل 26 سنه -في قرى من قرى المملكه ( في الباديه ) *
أبو زيد : زيد يا أبوك روح عند بيت قاسم*
زيد كان توه شباب عمره 19يتيم الأم ولدته امه وماتت وكان رجال بمعنى الكلمه لون بشرته قمحي وعيونه عسليه ناعسه*
زيد يتأمل دله القهوه اللي ماسكها يفكر بتأمل*
أبو زيد عصب : هيه يالمتنح قاعد أهذر مع مين أنا
زيد استحى من أبوه وحرك شعره بعربجه : سم يبه شبغيت
ابو زيد : سم الله عدوك روح لقاسم عنده أمانه جيبها منه
زيد : أبشر طال عمرك
وراح زيد لبيت قاسم اللي كان عباره عن بيت شعر ولمح بالبيت بنت صغيره يترواح عمرها مابين 9 او 10 سنين قاعده تنسج ببيت الشعر وفي عينها دمعه وكانت جميله جدا بيضااااء بياض الثلج وشعرها أسود كثيف وطويل وعيونها مكحله من ربي اللي يشوفها يبصم أن فيها عرق *
ابتسم زيد ع شكلها وهي بذرابه < ( يعني بذكـاء ) أول ماشافته تركت النسج من يدها وراحت له لأن أبوها ماكان موجود أخذت الدله وقامت تصب له*
…. : الله حيه
زيد أبتسم : الله يبقيها
الطفله بطفوله : أبوي مو هنا
زيد : متى يرجع
البنت رفعت كتوفها وقالت وهي ترمش : مآدري بس أبوي عند النياق والحلال هناك
زيد أبتسم عجبته : اها طيب انتي وش اسمك*
البنت بحيا : اسمي ريه*
زيد تنحنح : طيب ياريه اذا جاء أبوك الشيخ قوليله زيد ولد …. جاء*
ريه : ان شاء الله ( قالت تخشن صوتها تقلد أبوها ) حياك ع العشا عندنا
زيد ضحك واعتذر منها
ريه بزعل شمرت أكمام مدرقتها : علي الطلاق غير تتعشى*
زيد قهقه كثير : وليه من هي زوجتك أقصد زوجك
ريه حمرت خدودها وبكت وطلعت تركض*
( ريه تربت يتيمه رغم وجود أمها بس لأن أبوها طلق أمها وبهذاك الزمن تحلم الأم ببنتها وتعذبت المسكينه مع عماتها حريم أبوها )*
بهذا الوقت جا أبوها وشاف شكل زيد مهموم
قاسم وريحه الغنم والنياق تشمها منه ع بعد كيلوو
قاسم حس بخوف : زيد وش فيك خير ان شا الله
زيد : الخير بوجهك يااعم بس أنا داخل على الله ثم عليك أحجز لي ريه أبيها طلبتك ونخيت شنب وجهك < هع هذه من راسي عاد مآدري صحيحه ولا لا*
قاسم : أبشر والنعم فيك والله ومن هالشنب ريه لك حلالك*
زيد أنبسط مررره ونسي يآخذ الأمانه من قاسم*
وبعدها سافر زيد للرياض علشان يكمل تعليمه ويآخذ الجامعه ويصير هو الأول بديرته مآخذ شهاده وبالوقت اللي سافر فيها جو اغلب عيال الجماعه يطلبون ريه بس أبوها رافض قال محجوزه وكلهم مقهورين محد عارف لمين محجوزه رجع زيد من الرياض لديرته وفرح ان عمه الشيخ مازوج ريا حلم حياته وجآ وتزوجها ووقتها كان عمرها 14 سنه*
ريه عمتها طلبت منها تتزين وتزينت وهي موعارفه ليش فجأه جاء أحد رمى عليها شي مثل العبايه خطفها وهي تصااارخ < والله صدق هذا اللي صار لحد يقول خياليه بذبحه تدرون من خطفها ههههههه أصلن هي مو مخطوفه بس زمان كذا يتزوجون وتفتح البنت عيونها ببيت زوجها وتنصدم بالواقع الأليم*
فتحت ريه عيونها ولقت نفسها ببيت زيد وهو كاشخ ومبسوط ومتوتر
ريه توهقت ماتعرف شنو تعمل خصوصا انها ماتدري الزوجين شنو شغلهم بالحياه بريئــه*
زيد : مبروك*
ريه ساكته الخوف عامل عمايله معها*
زيد قرب منها وهي تبعد خايفه*
زيد : ريه أنا زيد هذاك اللي مره رحبتي فيه
ريه ساكته خايفه
توهق زيد شلون يلمسها وهي بهالحال والناس حوالينهم عندهم العرس 3 ايام وهم ببيت العريس يعني هم ينتظرون شي
ريه يوم شافته يقرب منها ركضت بالغرفه اللي عباره عن شبرين يمكن زيد خاف تفضحه وتطلع شلوون بتفهم هذه اللحين بيعيبون عليه انه موب رجآل وقام لحقها ويوم مسكها وشافها تبكي ضمها لصدره يحسسها بالأمـان ( تشفير XX ممنوع العرض Xx حذف )*
بعد شهرين ريه خايفه فيه شي ببطنها يتحرك*
ريه بسذاجه : عمتي
عمتها : خيييير
ريه تلمس بطنها وهي خايفه : بقولكي سر بس ماتقولي لأحد*
عمتها تحب العلوم : وش ودكي تقولي < كذا يتكلمون صح بالياء
ريه تبكي : أنا راح أمووت ي عمه*
عمتها شهقت : وشششش زارك ملك الموت بمنامك
ريه : لااا بس بطني فيها دوده تتحرك*
عمتها ضحك وقامت تزغرت بصوت عالي كلولولويش حامل ياريه حامل*
ريه : وش حامل
عمتها : راح تجيبين ولد لرجلك عفيه بنت زوجي السنعه
زيد درى بالخبر وهو طاير من الفرحه وقرر يسافر يسكن بالرياض لأن. جته وظيفه سنعه مع تعليمه العالي وبعد لأنه خاف ع ريه تموت وهي تجيب له الولد مثل اللي حصل في أمه*
جابت ريه ولد سموه سالم لأن جا سالم وسلم أمه من الموت*
وكمل زيد تعليم الماجستير وحصل ع وظيفه جنان*
مرت خمس سنين ع زواجهم وماحملت ريه بعد سالم حست بدوار وراحت كشفت وطلعت حامل لها شهر ونص زيد فرح مررره لأنه بيفتك من زن الناس تزوج تزوج المره ماجابت لك عيال غير سالم كثثر النسل ومن هالخرابيط*
بعد مرور وقت جا وقت الولاده والصدمه كانت انها حامل بتوأم*
ولدت بالسلامة وسموا بناتهم يارا و ساره*
وصار أبوهم تاجر معروف وعنده وظيفه الكل يحلم فيها*
وبكذا خلصنا البارت الأول اذا عجبتكم ولقيت. أحد يحمسني كملت وإذا لا بوقف لين هنـآ*
*
