ياحوامل فديتكم ساعدوني خلاص بنهبل .. الله يوفقكم تعالوا شوفوا سالفتي .. فديتكم

السلام عليكم ورحمته الله وبركاته ..
الله يوفق كل وحده دخلت موضوعي وفي نيتها انها تساعدني .. والله يتمم حملكم على خير ياارب.. 😈
انا توني والده ولاده مبكره من سته شهور والبيبي مات الله يقبله واخذت حبوب منع الحمل ياسمين
لمده شهرين بعدين وقفتها والدوره كانت منتظمه وتجي في وقتها تمام خصوصا بعدين ماصرت
اخذ الحبوب اخر دوره كانت في 2008/11/20 واستمرت كالعاده خمس ايام وراحت واليوم
التاريخ 2008/12/22
ولا جتني الدوره والمفروض انها تجي في وقتها بتاريخ 2008/12/17 يعني متاخره خمسه ايام تقريبا
حللت بول تكرمون ثلاث مرات وتحاليل مختلفه يعني فيها الغالي وفيها الرخيص من الصيدليه بس مافي حمل
ورحت المستشفى الي دايم اتعالج فيه قالوا مافي الا تحليل بول الله يكرمكم مافي دم وحللت قبل امس عندهم بول وصار مافي حمل
وعصب علي زوجي وقالي اكيد انتي غلطانه بالوقت وانا والله العظيم متاكده مليون بالالف..
نسيت اقولكم انه في يوم 11/17 الي المفروض تجيني فيه الدوره جاني الم شديد زي الدوره ونزل شي بسيط مرررره مرررره
لونه وردي فاتح مررررره فاتح نقطه بس وبعدين اختفى واللحين طاهره واصلي وفيه الم خفيف زي الم الدوره يروح ويجي
طبعا انا في حملي الاول عرفت لما تلقحت البويضه بعدها بااسبوعين لاني حللت دم وطلع بس المستشفى قالوا ماعاد فيه عندنا
الان تحليل دم .. ماادري وش سالفتهم .. الله يوفقكم ساعدوني ماادري انا حامل والا لا ..
ودي اشرب قرفه علشان تنزلها بس امي حلفت علي مااشرب شي خافت اكون حامل ويطيح البيبي..
انتوا وش رايكم وش اسوي ؟؟؟ مررره خايفه مرررره مبسوطه مرررره قلقانه ماادري شعور غريب ينتابني ..