ياحلوات دعوة للنقاش

😆 hy:السلام عليكم ورحمة الله وبركاته في البداية كنت مترددة اني اكتب هالموضوع لكن من كثر اللي شفته هاليومين بسفرتي الاخيرة قلت مالي الا اله ثم اخواتي هي دعوة نتناقش فيها بدون زعل نشوف الاراء وتبان لنا وجهات النظر ماراح اطول عليكم انا وحدة متعودة اسافر كثير وكالعادة برا اشوف سعوديين منهم اللي متمسكة بالحجاب الله يثبتن واياهم ومنهم الله يهديهم بس بسفرتي الاخيرة للندن شفت العجب صراحة
نبدا من المطار كان معانا عوايل سعودية وبريطانية والله انصدمت من تركب الوحدة الطيارة تقول استغفر الله العظيم يارب اعذروني على هالكلمة بس والله من جد شي يضيق الخلقتقول خلاص ودعت الله في مطار الملك خالد شيلي العباية والغطا والطرحة وياليت يعني جت على كذا لا لابسه ضيق ومسدله الشعر والميك اب والله يابنات ما اتبلى احد والله كانو تقريبا ثلاث عوايل وحدة منهم كان بالصدفة مجلسة الخادمة بالكرسي اللي جنبي وكل شوي تجي تشوف بنتها عند الخدامه لانها هي بدرجة اعلى وكل ماطاحت عيني عليها تميل بشفايفها وتطالعني من فووووووق لتحت كاني انا اللي غلطانه سكت وصلنا الحمد لله ونزلت وكان معنا تقريبا عائلة وحدة محجبةسعودية والثانية بريطانية البريطانية المحجبة لما مرت من عندي القت السلام ورديت عليها والله انشرح خاطري من جد فرق وبعد كذا عند تختيم الجوازات بالصدفة كانت قدامي عائلة سعودية والله امهم قد امي الله يخليها وطبعا بصراحة ما ابي اذكر ايش كانت لابسه الله يستر علينا وعليهم وتقول لولدها اف ورانا ورانا والله يابنات ضاقت فيني الدنيا وقمت ابكي ليش من اللي غلطان انا والا اهم الى هالدرجة بصراحة الحين امشي بكل ثقة وان الله بيعوضي خير اذا هذا تعامل بنات المسلمين ما عاد تفرق معي تعامل الاجانب اللي مو مسلمين والمواقف تتطول لو بسردها بس اتمنى ان تعلقون على الي يصير هو كل واحد ذنبه على جنبه لكن ليش هالنظرة لنا من بناتنا عدوانية اتمنى اكون غلطانه وما ابري نفسي الله يهدي الجميع