يابنات تعالو شوفو ايش صارلي واتعلموا… اسبوع منومة في المستشفى

كيفكم احلى كروشات في احلى منتدى

والله بجد لكم وحشة ومحد يقدر يستغنى عنكم

يابنات انا نزلت الموضوع عشان كل حامل تتعلم وتعرف من بداية حملها فايدة الموية ولاتتهاون فيها واقلكم قصتي من البداية…

انا في حملي الاول جاني الله يركمكم حرقان البول يعني اسبوع تقريبا وحللت وطلع صديد في البول واعطتني الدكتوةر حبوب رواتنيكس الي علبة بلستك مربعه وغطايتها خضرا ونفس الحبوب مدورة لونها اصفر زيت حبوب زيت السمك واكيد الفوار الاصفر الي تقريبا الكل يعرفوا اسموا كلورييونال والحمد لله اخدتو وكل شي تمام الى اخر الحمل ….

هذا حملي جاني حرقان وقلت اكيد زي الحمل الي قبلو وما حللت طبعا اهمال قلت خليني اخد نفس الي كتبتلي هو الدكتورة في حملي الاول وسكت على نفسي كلها اسبوع يابنات بدا معايا الحرقان والتهابات يالله بجد مانسى الالم الي شفتوا الم في جبني شي مو طبيعي لدرجة اني مااقدر اتحرك ولا اقدر امشي وبس ابكي من قوة الالم الم ماسك من خلف ظهري الى اسفل من بطن كلوو من جنب واحد وودتني ماما بسرعه على المستشفى قالولها هذا مغص كلوي انا انفجعت قلت اكيد سار شي في كلتي او في الجنين لاني انا حامل في بداية الشهر الخامس دحين .. المهم سوو التحاليل ولقيو معايا التهاب شديد ووصل الالتهاب للكلى ونسبة الصديد في البو الله يكرمكم 220 الانسان الطبيعي اعلى نسبة تكون من 5-10 و220 مرة نسبته عالية يعني عشان كدا التهبت الكلى وطبعا سخونة دامت اربعه ايام ماتنزل الا مع المسكنات واذا راح مفعول المكسن ترجع تاني السخونة والدكاترة يخافوا من السخونة بالذات على الجنين وهذا الالتهابات تعمل يااما تسمم للجنين او ولادة مبكرة في السادس او السابع..

وطبعاهذا كله من قلة شرب الموية دكتور يروح ودكتور يجي يقلي اشربي موية وطبعا محاليل ماوقفت طول الاسبوع وانا في المستشفى واحد رايح وواحد جاي …

بس الحمد لله ربي سهلها معايا واتعالجت والجنين سليم الحمد لله ماوصلو شي …

بس يابنات الين وانا خارجة الدكتورة تقلي الموية اقل شي تشربي 3 لتر في اليوم هذا اقل شي لاني الحامل معرضة للالتهاب اكتر من غيرها وهذه نصيحتي لكل حامل عشان لا تشوف الي انا شفته…