عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
صباحكم مساكم/ورد وجوري
مما راق لي عساه يروق لكم
أشكك في غرآمه دوم / أنشف ريقه ودمه
تعذّب قلبه أوهآمي وأنا ظنوني تعذّبنــــــي
مُحآل اليوم يمر بدون زعل ,, لآ يمكن أتمَّه
غصب أخلق مشاكل له وأجننه ويجنّنــــــي
أجي وأحوس له جوه وأزيد بهمه وغمه
وإذا هو اشتكى , أبكي وأقول إنك مآ تفهمني
يحآول يبتسم لكن يقول الآآآآهـ من همّه
يقول أرجوكِ أبي أفهم وش المطلوب بس منّي
عطيتِك قلبي و روحي , وأحبك وأعشقك جمّه
ولآ غيرك أبد إنسآن يبعثرني ويلملمني
تشوف العين ومهما تشوف مكانك بآقي بالقمّه
وحيدة دآخل فؤآدي ومنك الشك متعبني
بأن أتحمل جنونك وأشوفك منتي مهتمه
بأني أنبسط و أفرح , وقربك مو مريحني
خفوقي يعشقك وأنتي خفوقك مآ نظر يمّه
ذبحني شكّك وخوفك , ترى طبعك مآ يعجبني
دخيلك وش به مقصِّر أبي تقولين وأتمّه
حلفت ألفين مآ أخونك وقلبك مو مصدقني
صرخت وقلت : بعض جنون , مثل مآ تشتهي سمّه
ولكن قلبي متأكد وأحس أنك مآ تعشقني
ويوم ان هلَّت دموعي بدى يمسحهن بكمّه
وقآل ألحين أبي أسأل وأبي قلبك يجاوبني
😛
بحفظ الرحمن
