ولدي عمره سنه وما يعرف يمضغ

السلام عليكم فراشات كيفكم؟
انا بدخل بالموضوع علطول لاني بصراحة تعبت من هذي المشكلة وصار كللللللل اللي حولي يلومني
المهم………..
انا ولدي كمل سنة الحمد لله وكان اكله كويس فواكه وخضار ولحم ودجاج بس كله مهروس بالخلاط.. وكمان اعطيه سليق او رز بعدس بس يكون مهري من السلق.. بس لما رحت اطعمه تطعيمة سنة هزاني الدكتور ليش ولدك نحيف 😆 يعني وزنه كان 9 ونص
وسألني عن اكله قلت كويس .. ورحت أسأله متى اقدر اعطي ولدي رز عادي ومكرونة قلي المفروض من 4 شهور تعطيه 👿 وليش ما عودتيه من اول عشان كدا نحيف.. قلتله لما اعطيه يشرق ويرجعه.. قالي عوديه 😛
وانا والله كنت احاول معاه بشي بسيط رز او خضار مهروس هرس خفيف بالشوكة عشان اعوده بس كان يرجع وزوجي يهزئ فيني وخفت ولدي يتعقد من الاكل ويمسك بالرضاعة .. قلت خليني اعطيه الاكل مهروس وبعدين يحلها الحلال بس لما رحت للدكتور انصدمت 😎
وغير كدا لما اقول لأهل زوجي يستغربوا ليش ما عودته من اول.. لكن امي تقلي حرام عليكي لسه ما عنده ضروس كيف يمضغ
هو بس طالعتله الاسنان الامامية اللي فوق وتحت.. ولسه ما طلعت الانياب والضروس… هل يقدر يمضغ لو ما عنده ضروس.. لان الولد صاير يبلع لقمتين والباقي يجمعه بفمه ولا يبلع واجلس معاه من ساعه الى ساعتين ولا يخلص الا ربع الصحن غير البكا والصراخ 😛

الله يجزاكم خير طمنوني
واسفة عالاطالة
دمتم بود 👿