بنتي فيهانزلة معوية حادة واسهال ايش اسوي؟

السلام عليكم يااخواتي بنتي عمرهاعشرة شهور لها اربعة ايام فيها نزلة معوية حادة واسهال مو طبيعي وانتوا بكرامة مايمديني اقفلها البامبرز الا ارجع علطول اغيرلها هو مرة ثانية لدرجة صارت مسلخة من تحت ومجرحة بطريقة تعور القلب ولما اجي اغسلها وانظفلها تبكي من كثر ماتحرقها المنطقة لما تجي عليها المويةوداها زوجي للدكتور وهو اللي قاله انه فيها نزلة معوية واخذ عينة الله يكرمكم من البراز لاننا غيرنالها اربع مرات عندالدكتور البامبرز وصفلها محلول عشان مايصير عندها جفاف وتركيبة ثانية كانها حليب بودرة نحط منه ملعقة على حليبها العادي وشراب كابتين مرتين في اليوم على اساس يخفف الاسهال بس والحمدلله على كل حال ماشفت اي نتيجة دلوني ايش اسوي بنتي من كثر ماصارت مجرحةومجلطة من تحت ماصارت تقدر تجلس على مقعدهاولاتقدر تنام ومتضايقة طول الوقت واسهال على طول ومسلخة ومجرحة بطريقة مو طبيعيةوالموية مرة تحرقها لما اغسل لها وترفص تاكل اي حاجةوالله امس طول اليوم ماكلت لقمة احسها مرة ذبلانةايش اسوي شوروا علي ياهل الخبرة؟؟؟