ولدي جنني ؟؟؟؟؟؟؟؟؟؟؟ وش الحل

ساعدوني وعطوني الحل قبل ما انهبل:D

ولدي عمرة 3سنين وخمس شهور
وهو البكر والوحيد اللي عندي
نسكن انا وابوه وهو ببيت صغير
ويختلط بخواتي وعيال اعمامه مرتين بالأسبوع او اكثر
والحمد لله ماعنده اي مشاكل بالنمو او بالنطق
ذكي ماشاء الله ويتعلم بسرعه

المشكله هي نقاشه معي بطريقه غريبه تصيبني بالجنون 😆 hy:
مثلا
1_اقول له ابعد ياحبيبي عن الكمبيوتر يقوم يقول لي وهو معصب
يعني اروح للشارع اقول لا ابعد شوي يقول اروح للسجن ويقعد يصيح ويبهذلني
وإذا مارديت برضوه يبهذلني بالنقاش والصياح
2_ابوه احتاج اللاب توب (وهو يناظر افلام كرتون) قلت له بابا يبي الجهاز عنده شغل يبدى يقول ليه اقول علشان الشغل ويرجع ليه ويصيح وافهمه بدون فايده (اللحين هذا كله تمام) ثم يقول اجل بسوي كذا….. يسوي اي حركه يستفزني فيها ولا اقدر اتجاهله
مثل يشق ثوبه او يكسر شئ مهم او يحوس او يكب اي شئ قدامه

هذا غير اسئلته الغريبه
مثلا اقوله لا تقفز من الطاوله يقول ليه اقول علشان ما تطلع لي دم ثم يرجع ليه وارجع افهمه ويرجع ليه مع صياح وبهذله والتخريب لأنه مو مقتنع بمنعي له

طول الوقت يسألني عن اي حركه اسويها ليه ويسألني عن ابوه ليه يسوي كذا وانا اجاوبه بشكل سهل علشان يفهم بس تعبت منه لأنه لو مايقتنع ييهذلني
واحيانا يقول انتي من امه؟؟ (وش هالغباء)

ملاحظه:
هو يحب انه يصير كبير ودايم يقارن نفسه بأبوه واخواله
ويأمرني مثل ما ابوه يأمرني ويهاوش اذا ما تمثلت له مثل ما ابوه يهاوشه
ويهاوشني إذا طاح مني شئ بالغلط ويبهذلني فيه