ولادتي .. هدية لكم ~

كيفكم يآكروشات ونفوساات خخخخخ ان شاء الله تكونوا منيحات ..~ ➡

حآبه آهدي لكم قصة ولآدتي .. ان شاء الله تعجبكم 😀

بسم الله ..

في يوم السبت الموافق 20/9/1429 هـ الساعه 10 صباحاً ..

طلعت آنا وزوجي من البيت متجهين للمستشفى .. وكنت بقابل الآستشآري

عشان مشكله عندي بالمويه اللي حول الجنين .. وكان عندي آلآم تروح وتجي بس خفيفه

المهم .. وصلنا للعيادات وكلمنا الاستقبال .. قالوا لي ماتقدرين تقابلينه اليوم ..

زوجي ظل معاهم وهواش وصراخ .. المويه اللي حول الجنين قليله ووزن الجنين كل يوم ينقص

لازم نشوفه اليوم .. قالوا لنا روحوا للطوارئ يعطوكم ورقه .. رحت للطوارئ وعطتني ورقه

بس قالت ماتقدرين تقابلين الاستشاري اليوم مافي الا اسبوع الجاي .. سكتنا وبلعناها ..

طلعت لزوجي وقلت له خلاص نروح البيت .. قالي زوجي طيب دخلي وخلي الدكتوره

تسوي لك تصوير عشان نتطمن ع المويه والجنين .. قلت له اوكي ..

ودخلت مره ثانيه .. وشرحت للدكتوره وضعي .. قلت لها عندي نقص بالموي .. قالت لي

بآي شهر قلت لها بالتاسع .. قالت في الم .. قلت لها في شويه الم يروح ويجي ..

كشفت علي وقالت لي مفتوح 3 سم .. ووووواااووووو

انا انفجعت .. يعني ولادة .. ابدا ماتوقعت .. لاني ماخذت من التاسع الا 4 ايام ..

طبعا راس الجنين كان لسه فوق مانزل قلت لها دكتوره ولاده طبيعي ولا قيصري الراس بعده فوق

سوت لي سونار وقالت لي البيبي صغييير ( نزل وزنه تخيلوا من 2700 كغ الى … بعد شوي تعرفون )

قالت لي تقدرين تولدي طبيعي بس المويه قليله ماراح تساعدك .. فخلاص عمليه ..

انا خفففت حييل .. اول ولاده لي .. وتوني صغيره علطول اتصلت بزوجي وانا اصييييح 🙂

اقوله خايفه وهو ماقصر هدى اعصابي شووي وطمني .. صعدوني فوق ..

بعد التخطيط والعفسه .. لبسوني لبس العمليات والقسطرة الكريهه وكانت الساعه 1 بالضبط ..

نزلوني لغرفة العمليات .. دخلت الغرفة وانا طول الطريق اقرأ ادعيه وقران واصلي ع النبي ..

وصلت .. سآلتني الدكتوره تبين بنج نصفي عشان تشوفين البيبي او كامل ..

انا قلت لها لا نصفي احسن .. وعطتني الابره الختيره في الظهر .. حاااره والله كثير ..

بس شسوي كله عشان اشوف حبيبي وهو طالع من بطني .. فتح الدكتور بتني ..

وبعد العفسه واللويه .. حسيت انه طلع شي قلت للدكتوره طلع قالت لسه باقي راسه ..

وبعدها حسيت بطلوعه كله من بطني .. قالت لي صبي مبرووك .. الساعه 2:42 بالضبط

انا سكت ابي اسمع صوته .. بعدها صرررررررخ صرخه .. هزت جسمي .. حسيت اني بعالم ثاني ..

قلبي ينبض بقووة .. جسمي يرتجف .. ودوه ينظفوه وكنت اشوفه .. مو عارفه اضحك او ابكي ..

شفته صغير كثييييير .. دموعي نزلت .. قالت لي الدكتوره ( ماعليش حبيبتي حنحطو بالعنايه عشان

وزنو آليل .. 1750كغ بس ) آآآآآآآآه ياقلبي .. بس هالوزن ضعيف مررره ..

بس لما قالي الدكتور ( صحته كويسه بس صغير ) .. ارررررتحت قلت اهم حاجه صحته

وبيكبر مع الايام .. بعد مانظفوه جابوه لي وقبلته على جبينه .. آآآآه دمعتي نزلت من الفرحه

بعدها ودوني للغرفه وبقيت 5 ايام بالمستشفى وكل شوي اروح واجي على علوووي حبيبي بالعنايه ..

طلعت من المستشفى وبعدها بـ3 ايام طلع علوووي ..

والحمدلله الحين صار عمره 5 شهور .. ووزنه 6200 كغ ..

عسى ربي يحفظه لي .. ويهديه ويصلحه ..