عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
أخواتي الحبيبات ..
هذه ثالث ولاده لي و سبحان الله كل شيء في هالحمل غيــــــــــــــر و الحمدلله كله خير
دخلت التاسع و كل يوم انام و فيني طلووق مو منتظمه
و جربت كل شيء محرض للولاده
زيتــــ الخروع شربته ( اسهال الله يعزكم ) بس ع الصبح و كل شيء اختفى
اليانسون و القرفه و الزعتر ( ما أثروا فيني أبداً )
و المشيء مشينااااااااااه
و ركوب الدرج كسر ركبي
مع الاستمرار بادعيـــة تسهيل الولاده
و الاستغفار
مريت بتعقيدات كثيره
جنيني غير وضعه وصار عرضي و انا بنهاية التاسع
ورحت عن ممرخه عدلتلي في وضعه بعد قدرة الله
ع العموم ندخل لتفاصيــــــــــــــــــل الولاده
كان عندي موعد تنويم السبت 15 مايو
عشان الطلق 16 مايو
و لمى وصلت المستشفى كشفت على الطبيبه
والرحم فاتح 2سم
وفيني طلق خفيف جداً غير منتظم
و ع الصبح ع الساعه 9 صباح فتح 3سم
و الطبيبه كانت صبوره كثير و طلبت مني امشي عسى يفتح اكثر
وبعد المشي ساعه .. نزلت مني السداده .. بس بدون ألم
و فحصتني الطبيبه ولسه 3سم
وبعد جذيه فتحتلي كيسة المويه و نزلت مني المويه على دفعات
وبدأ الألم ينتظم
وقررت الطبيبه تعطيني سيروم طلق صناعي عن طريق الوريد عشان تزيد ألم الطلق و تقويه
و عطتني الجرعه ع الساعه 12
وبعد نص ساعه بس بدأت معاي التقلصات
و سبحان الله ألم الطلق الصناعي نفس الالم الطبيعي ( وأنا كنت خايفه كثير ) بس الفرق الوحيد
ان الالم الطبيعي تتحمليه و انت في بيتك احسن بس الم الطلق الصناعي يكون تحت اشرافهم
و غير الاكسجين و جهاز تخيط قلب الجنين و غير الكشف المؤلم
وبعد ساعه من الألم … فحصتني و الحمدلله مفتوح 7سم
و هنا قررت تعملي توسيع بسيـــط …
و الا و انا احس براس الجنين يدفع
و قالتلي ممكن تدفعي
و على 1 و نص بديتــــ أدفع .. و على قولتهم بوووووش
و على كم دفعه خلال نص ساعه طلع أحلى “علي“
حبيباتي
توكلوا على الله
انا خفت اعوشر كثير .. وما ولدت الا في العاشر
( مع العلم انه هذا ثالث طفل لي و اطفالي اللي قبل جبتهم في بداية التاسع )
و اكتشفت انه الطلق الصناعي اسرع من الطبيعي بكثير
اهم شيء الاستعداد النفسي
كثروا من الاستغفار
و ادعية تسهيل الولاده
وربي يسهل على كل حامل
ويرزق كل محرومه يارب
ادعوا لولدي “علي“ ربي يرزقه الصحه و العافيه
ويرزقنا الأجرو الخير
