عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيفكم ……أـكيد بخير ههههههههههههههههههه
المهم جايبة لكم من مطبخي أكلة جربتها و سريعة التحضير و حتى العيال يساعدونك في تحضيرها ..
تفضلوا معي 😛
أولا المقادير :
علبة رقائق الكلاج
علبة قشطة يعني قيمر
زبدة سائلة
شوية فستق مبشور للتزين
شريحتين أو ثلاثة من خبز التوست الطرية
قطر جاهز (الشيرة )و الي ما تعرفها تقول لا تستحي
و أكيد محتاجين قالب دواير صغير
الطريقة جاية :
أولا تاخذين شرايح التوست وتقطعينها قطع صغيرة و تصبين عليها السيرة علشان تتشربها و اذا بغيتي تزيدين الكمية الشرايح مو مشكلة عادي …
المهم ثانيا تأخذين اربعه أوراق من ورق الكلاج و دهني كل طبقة و ترصينها على القالب بعد ما قطعتيها بالقطاعة ..
وبعدين تاخذينها للفرن وتخليها تحمر من فوق ومن تحت ..
وبعد ما تطلع و تبرد شوي تحطي الخلطة إلى سويتها من الشرايح التوست و تحطين على الأقل ملعقة صغيرة و بعد شوي قيمر و ترشين عليها الفستق و دخلينها الثلاجة لوقت التقديم …
و صحتين و عافية على قلوبكم 😉
