عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم ..؟
اتمنى تكونون عال العال .. والله يبعد عنا وعنكم وعن اطفالنا الامراض .. ماظهر منها ومابطن
اخذت نظره على مواضيع القسم لثلاث صفحات .. ومالقيت اللي ابسأل عنه
لذلك نزلت موضوع
اخواتي .. جد احترت مع ولدي ماادري وش فيه
له اسبوع و4 ايام معه امساااكـ .. وفقدان شهيه .. وحتى لما يخرج لكم الكرامه
يكوون قااااااسي جدا واسود وكميه لاتكاد تذكر !
انا طبعا لاحظت معه الامساك من يووم ماصرت ادخل له السيرلاكـ كوجبه
مع اني اعطيه عصير برتقال بس مرره مايشربه .. والموويه مايتقبلها
صرت احط فيها سكر .. وصار يشرب منها خلال اليووم كله 30 مل !!
رحت لأهلي الاسبوع اللي راح وكله قضيته عندهم .. واعتقد ان الجو تغير عليه
فصار مايررضع .. نهاااااائي .. اغصبه على الحليب مايبغاه بالرضاعه
فااروح اضييف معه ملعقة او نص ملعقة سيرلاك يشرب من الحليب 50 مل بس .. وبعد 4 ساعات نفس الشيء
التفاح اطبخه له على النار وبعدين اطحنه يأكله .. الموز يأكله والحمد لله .. ومع ذلك مازال الامساك مستمر
من كم يووم دخلت له التمر .. ومع ذلك الوضع هو الوضع
اللي قاهرني وحارقني .. ان الوحده حتى وهي دارسه .. الا انها تغيب عن بالها بعض الامور
ماكنت اتوقع ان الموز يزيد الامسااك .. بالعكس انا كنت ماخذه فكره انه مسهل !!
السيرلاك حقه كان قمح بالحليب .. والاسبوع اللي راح ابوه جاب له قمح لحاله
مااني عارفه هو من السيرلاك .. ولا شيء ثااني
لإني من قبل الامساك بااسبوع كنت مدخله له السيرلاك على جرعات صغيره وكان عادي وضعه .. وشهيته للحليب عاديه
المهم
انا عرضته على دكتوره .. قالت لي لاتعطينه موز ولا تفاح ولا جزر ولابطاطس ولا رز حاليا
اعطيه عصير عنب .. وموويه .. وكثري له السوائل
سألتها عن التحاميل .. قالت لا مانفضلها الحين
طيب شلوون اشربه مويه وهو رافضها
اليووم مااعطيته اي وجبه غير الحليب مضاف له نص ملعقه سيرلاك
ونفس الشيء .. شهيته عدم
والجوووو حاار .. وماهو راضي يشرب موويه
يبكي كل ماجاء يخرج ويتألم ويلف رجووله على بعضهم .. واخرتها مايطلع شيء !!
واللي يسلمكم .. ابغى وحده جربت شيء ونفع معها بحالة الامساك الشديد
وقوولكم .. اطنش الدكتوره واعطيه تحاميل جلسرين !
اخاف يتعود عليها
وبنفس الوقت اقوول ابعطيها اياه عشان بس تنظف له بطنه وانا بعدين اغير له النظام
> ملاحظه <
يلعب عادي .. ويضحك .. بس نوومه زياده .. وانا اتوقع انه من فقدان الشهيه !
لاتنسوني من دعائكمـ
واتمنى القى عند جواب
دمتم بود
