عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كنت اعتقد ان مايقهر الحرمه غير زوجها طلعت غلطانه مايقهرها غير لحمها يوم يقطع بعضه
مايقهرها غير يوم سندها يكسرها
عندي اخ كان من احسن الشباب وكنت اتمنى زوجي زويه
تزوج قريبتي وانا الي وافقت بينهم بعد الله
عاشو اول سنين ماشي الحال وعقبها تغير حاله وحجتها وحجتنا انه مريض بالمس او غيره
كل يوم يصير شبح وسطنا كل احد منا لاشافع يضيق صدرة منه حتى ابوي وامي عاق فيهم لان لسانه وسخ
كنت الاحظ لمن يصير بيني وبينه زوجته شي يتغير بس ماتكنشف لكن الله بيكشفها
يابنات زي الحيه تعرفون
تجي تنعم صوتها وتسوي انها طيبة وغلبانه وهي سم سم سم
ماخلت احد الا من الي نعرفهم مانقلت عنهم كلام وسخ
بس شغاله فتن واحنا مانواجه اخوي خوفا منه وعليه
تجي تقول كلام قاله وانه رد خطاب مثلا وهي متاكده اننا مانواجه اخوي لاننا مانبي لهم المشاكل
اختي يوم ولدت ماعبرتها ويوم اخذت بخاطرها منها قلبت اخوي عليها
جاها وهي نفاس يتكلم معها قالت له اا تعبانه قام قلب الدنيا عليها تجريح في تجريح
فكرنا ايش الي صار مالقينا جواب الا انها راحت تشكي له وقلب معها
قبل فترة جات تقول ان ابوي يسوق اخواتي على اخوانها بمعنى يقول لهم ليش تركتو بناتي انا وقتها تجننت انتي تجيبين لنا كلام زي هذا ليه واخوانك لو فيهم خير ما رفضهم اخوي والله العالم انه مارفضهم بس هي تكذب علينا ومتاكده ما بنسال اخوي
زعلت وقامت وهذي اول مرة ارد عليها وكنت سعيدة بنفسي ووبعدها اخوي قالب وجهه ايش السبب مافي غير انها هي السبب
دوم تدق بالكلام واني اطنش اتصالاتها وماعلق عليها
اليوم الفجر وهذا الي خلاني انهار وسامحوني لو طولت القصه
بكملها تحت لحظه
