واي واي زينة ومتعب جنان رومانسية بقوة

مستحييييييييل

فجعني منظر امي اللي راجعه للبيت وهي في كامل زينتها ومعها واحد
وسكرانه هي وياه
أنا انصدمت كنت عارفه ان امي أخلاقها سيئه بس مو لها لدرجه
انتظرتها تدخل
وقررت اني أشرد من البيت
ماأدري ل وين بس قررت اني اشرد
طلعت من البيت في هالوقت المتأخر من الليل
تذكرت ان لي اب
كنت عارفه اسمه الثلاثي
عشان كذا عرفت اجيب رقم تليفونه من السفاره واستنجدت فيه
:يبه الله يخليك انابنتك زينه تعال خدني من هنا ماني قادره اقعد دقيقه وحده لاتخليني أنا مالي غيرك
ابوي: لحظه لحظه يازينه لاتبكين فهميني إيش الي صار بالضبط انتي وين وأمك وين
ماهي عندك
انا بصوت باكي:بابا مافيني أتكلم خلاص بس تعال خدني ارجوك
ابوي:خلاص يابنتي الساعه8الصباح وانا عندك
أنا بفرحه:خلاص بابا انتظرك في المطار
أنا قررت ابات عند صديقتي
لحد مايجي بكره واروح المطار ورحت وكنت عارفه شكل ابوي تقريبا من خلال صوره عندي له
سافرنا للسعوديه وتحديدا للعاصمه_الرياض_
طبعاماقلت لابوي ولا أحد عن سالفة امي
رحت لبيت ابوي كان عنده 3أولاد وبنت وحده اسمها الجوهره
واخواني فيصل وعبد العزيز ومحمد
أول ماوصلنا
ابوي عرفني عليهم وعلى امهم
واستغربت انهم ماتفاجأو من ظهوري فجأه في حياتهم لا وبعد سألو ابوي هذي من أي وحده؟
ابوي:من اللبنانيه
مرت ابوي:أجل فيه لبنانيات بعد اشوف ماقلتلنا عنهم
(شكلهم متعودين على زواجات ابوي)
المهم :ابوي قرر يعزم عمامي وعوايلهم الي كانواكلهم ساكنين في حي واحد معنا عشان اتعرف عليهم
وجو
أنا لبست بنطلون أسود وبادي أخضر غامق جوبنيز طبعا أنا ماخذه شبه كثير من امي كان طولي متوسط وجسمي حلو وبيضا وفيني غمازات وشعري أسود ناعم لحد خصري ومدرج
حسيت بنات عمي واختي الجوهره يناظرني نظرات غيره
انسجمت مع مها بنت عمي عبدالله
كانت طيوبه مره وكلمتني عن العايله وقالتلي عندها اخو اسمه متعب يدرس بالخارج وانه عصبي مره وماينحاكا
وراح يجي السعوديه بعد شهرين ونص متخرج
أماأنا سكنت في بيت ابوي لمدة شهر واحد بس
لأني ماستحملت مضايقات اختي ومرت ابوي لي
اللي كانو يعاملوني زين بوجود ابوي بس مجرد مايروح يقلبون علي خاصة اختي الجوهره
وابوي دايما مسافر
مع ان اخوي محمد أحيانا كان يوقف معي بس طبعا مايقدر على امه
ومره اخوي محمد قال لابوي عن كل الي يصير فترة غيابه
ابوي عشان ينهي الموضوع ويوقف المشاكل حطني في بيت جنب بيته وقال لاخوي محمد يقعد معي فيه لان مايصير اقعد وحدي
اخوي محمد طيوب مره وكان دايم يقولي ان صديق الطفوله له هو متعب ولد عمي
وكان يكلمه يوميا ومره جاني محمد فرحان قالي البس عشان بنتعشا في بيت عمي عبدالله مسوين عشا لولدهم متعب اللي جاي من امريكا
أنالبست تنوره سودا تحت الركبه وبادي اسود جوبانيز
وبوت اسود مع اكسسوارات فضيه وحزام فضي حطيت مكياج وردي خفيفف وفكيت شعري
مادري ليش كنت متشوقه اشوف متعب ولد عمي
رحنا عندهم وطول الوقت كان احتكاكي مع مها
بعد العشا دخلوا الرجال
اعرفهم كلهم سبق اني شفتهم الا واحد اللي هومتعب شفت الناس شلون سلمو عليه وباركوله فرحانين فيه
كان طويل وهيبه وشكله كأنه امير
شفت اختي الجوهره تناظره نظرات اعحاب وسلمت عليه بدلع وهو كأنه مشمئزمنها
سلم عليهم كلهم بقيت انا
تدخلت اخته مها وقالت متعب هذي زينه بنت عمي فهد زينه تعالي سلمي على متعب
شفته يناظرني نظرات غريبه تقدمت منه شوي ومديت له يدي
وقلت:ألف مبروك
تم ماسك ايدي فتره ولمسةيده حسستني بالأمان
بعدين قالي:الله يبارك فيك معقوله عندنا بنت عم بهالجمال
أناماكنت عارفه ايش اقول سحبت يدي بسرعه عشان ارجع مكاني شفت الجوهره اختي تناظرني بغيض
طنشتها وجلست مكاني
اما متعب كان يناظرني طول الوقت مادري ليش بس يمكن استغرب من ظهوري فجأه
وكيف بعد هالسنين يطلعله بنت عم
(غلطانه يازينه متعب ماكان هذا اللي يفكر فيه
الرجال خاق عندك ومنبهر من جمالك)
وبعدمارجعنا لبيتنا انا ومحمد كل واحد منا دخل غرفته ينام أنا مانمت مادري ليش متعب كان شكله يحسسني بالأمان ودي ألجأله واقول فكني من الي حولي ماأبي شي من الدنيا الاانك تخليني جنبك شكله وهيبته وطوله خلوني انفتن فيه
أعوذ بالله انا شقاعده اقول
وقمت وتوضيت وصليت ركعتين عشان اقدر أنام
لأن مافيه داعي افكر بهالأفكار
**************
زينه ماكانت عارفه ان متعب بعد ماقدر ينام هذيك الليله
كان يفكر فيها
سبحان الله أنا عمري ماشفت بنت بهالجمال بهالنعومه وبهالبراءه
حتى في امريكا ماشفت ربع جمالها00عاد انا ليش شاغل نفسي بها لتفكير خليني انزل آكلي لقمه جوعان
طلع متعب من غرفته وراح عالمطبخ شاف اخته مها قاعده
قالها:شالي مصحيك لهالحزه
طبعامتعب رسمي كثير مع اخوانه لأنه هو الكبير
قالت مها لابس جيت ابشرب ماي تامرني على شي اخوي
متعب:لامشكوره
مها:متعب ترابكره بروح عند زينه بنت عمي ممكن
متعب استانس ان مها اخته هي اللي فتحت هالسيره وقال وهو يفتح الثلاجه: الاهي وش سالفتها زينه هذي(يسوي نفسه مو هامه الموضوع)
طبعا مها قصتله قصتها بالكامل
وهو كسرت خاطره زينه بس انبسط مره لماعرف انها ساكنه مع محمد وحدهم
عشان كذا واصل لين جات الساعه 8الصبح حط شماغه على كتفه وطلع مشي لأن مابينه وبين بيت زينه الاخطوات
وطق الباب يسوي نفسه يبي صديقه محمد وهو بس يبي يشوف اخت محمد ولا فكراذا طلعله محمدوش بيقوله
محمد كان بسابع نومه اما زينه توها نامت لانها طول الليل تفكر في متعب
ومامداهانامت الاصحت على صوت الباب وكانت لابسه بجامه نوم وردي بابيض ورافعه شعرهابطريقه مهمله ونازله منه خصل على وجهها
راحت صوب الباب وقالت:مين
متعب:هلااختي زينه افتحي الباب ولاعليك امربغيت محمد
زينه عرفت الصوت فتحت الباب على طول وقالت بخجل غيييييير مصطنع:هلا والله
متعب يوم شافهابالبجامه غصبن عنه نزل النظاره الشمسيه وقعد يناظرها نظرات إعجاب وهويقول في نفسه: (ياليتني اقدر انام بحضنك هالحين وانت لابسه هالبجامه)
زينه اللي اللي انحرجت من نظرات متعب قالت:اخوي متعب محمد هالحين نايم تحب اصحيه لك
متعب: لا الله يسلمك بس ياليت تقوليله اني سألت عليه
وهو يقول بنفسه:_وش ابي بمحمد اللي انا جاي عشانهاشفتها
متعب:آسف عالإزعاج اختي
زينه: لا اخوي لا إزعاج ولاشي البيت بيتك
متعب: فمان الله
زينه: مع السلامه
سكرت الباب زينه وهي مبسوطه لأنها طول الليل تفكر فيه وأول ماجا الصبح شافته لاوتكلمت معه بعد
مرت اسبوعين وبعدها انخطبت زينه لولد عمها_مو متعب_وبهالفتره متعب كان مسافر
زينه كانت خايفه لانهامتوقعه انهاثقيله على ابوها ووده يزوجها ويفتك منها لكنها تفاجأت ان ابوهايخيرها ويقول سوي اللي يريحك
طبعا هي رفضت لانها ماتبي الا متعب
ولأنها كانت آيه في الجمال مابقا من عيال عمها احد الا خطبها وهي ترفض
وكل ليله كانت تفكر فيه وتقول في نفسها:وينك يامتعب
متعب حتى هو ماينام الا يفكر في حبيبة قلبه زينه
ويقول في نفسه آه يازيونة قلبي كلهم خطبوك وكسحتيهم محد لايمك وحده في جمالك ماتاخذ واحد عادي
ألف بالميه لو اخطبك بترديني زي مارديتي اللي قبلي
****
طبعا المشكله ان كل واحد يفكر بالثاني وهو مايدري ان الثاني يفكر فيه
وكل واحد يفكر ان الثاني مايبييه واستمروا على هالحاله سنتين ونص زينه ترفض اللي يتقدمونلها
ومتعب رافض فكرة الزواج نهائيا واهله عجزوا فيه
ومحد حاول يفكر يربط بين رفض زينه ورفض متعب
ومرت الأيام محمد ومتعب كانوا اصدقاء من ايام الطفوله
ومحمد يدري ان صديقه متعب يحب زينه اخته
بس متعب محلفه انه مايقول لزينه لأنه متوقع الرفض وكبريائه مايسمحله يتقدم لوحده وهو متأكد انهابترفضه
أما زينه كل يوم تزيد علاقتها ب مهابنت عمها اخت متعب وصارت كل وحده تقول اسرارها للثانيه وطبعامها لماعرفت ان زينه تحب متعب تفاجأت لأن متعب بنظر مها خالي من العاطفه ومتبلد المشاعر
أمامها كانت تحب محمد وزينه تدري وكل يوم تلمح لمحمد

وفي يوم من الأيام مها زارت زينه تبي تسهر عندها جلسن على التلفزيون في الصاله لكنه خرب وطفا عليهن
قالت زينه:مهاوي حبيبي امشي معاي للمجلس الثاني نكمل المسرحيه هناك
مها: وين هناك
زينه:هناك مجلس الرجال مافيه احد
مها:لا زيون اخاف يجي اخوك محمد
زينه:من هالناحيه تطمني اخوي محمد مسافر الشرقيه وقال بيرجع بكره المغرب
مها بتنهيده:ربي يحفظه ويرجعه بالسلامه
زينه:بالله اقول قومي لاتسيحين علينا
وراحن لمجلس الرجال وسكرت زينه الباب وجلسن يسولفن ويتابعن المسرحيه

وبهالحظه متعب منسدح على سريره ويفكر في زينه
قام من سريره وقال: _لا أنا إذا استمريت على هالحاله بنجن ياأخي وحده ماتبيك وكل ماشفتها بالعزايم ماتعطيك وجه
وش تبي تفكر فيها_
(العايله كل خميس يتجمعون عند واحد
وزينه كانت ثقيله خاصه مع العيال حتى متعب وتحاول قدماتقدر انها ماتحتك فيهم
حتى إذا احد سألها كانت الإجابه على قد السؤال
عشان كذا هو يظن انها ماتبيه)
ولبس ثوبه وحط شماغه على كتفه وهو يقول يكلم نفسه: _وش هالغباء اللي عليك دامك تدري انها ماتبيك ليش محرق اعصابك عليها_
ونزل وطلع بدون لايدري وين رايح شاف بيت زينه قدامه قال خليني امر على ابو حميد محد يهون علي الا هو
وراح من عند باب الرجال (طبعا متعب مايدري ان محمد مسافر)
وبحكم صداقته مع محمد مايحتاج انه يطق باب الشارع(حق قسم الرجال) دفش الباب ودخل شاف باب المجلس مسكر قبل لا يفتحه سمع صوت مها اخته تقول
:آخر شي كنت اتوقعه اني اقابل وحده تحب متعب اخوي سبحان الله
صدق اللي قال:(لكل ساقط لاقط)
متعب واقف برا مايدري وش السالفه ولايدري مها تكلم من واخر شي يتوقعه ان هالوحده هذي تطلع زينه
فجأه سمع صوت حرك كل ساكن فيه
طبعا كلكم عرفتوها
هذي زيوووووووووووون
قالت: حرام عليك مهاوي شفيه متعب أصلن يكفي رجولته
مها:وش مافيه متعب عصبي وشايف نفسه و24ساعه مبوز وفوق هذا كله مايطيق المره اللي تدلع عشان كذا انصحك تشيلينه من راسك لانك وحده دلوعه ومتعب ماينفع معاه
الدلع حقك
زينه:الحب مو بيدي يامها وبعدين اناطول عمري كنت اكره الحب اللي يجي من طرف واحد مادريت ان الله كاتبلي احب واحد وهو مايدري عني
مها: بصراحه الله يعينك لأني ابصم بالعشره ان متعب مايعرف يحب
زينه:ليه تقولين كذا مافيه انسان مايعرف يحب
مها: إلا متعب اخوي غير
زينه: فعلا معك حق متعب غييييييييير
مها:لا انتي حالتك ميئوس منها
متعب اكتفى بهذا القدر ورجع للبيت ولا فكرحتى يسأل عن محمد لأن الأرض ماهي شايلته من الفرحه
اول مادخل غرفته انسدح على السريروقعد يفكر
ويقول بنفسه:تحبيني يازيونة قلبي آآآآآه ياليتني دريت من زمان
_هذا انت دريت وش بتسوي
وش بسوي ماني بنايم لين نصبح واروح لعمي فهد واطلبها منه
وشغلك عندي يامها بدال ماتحببينها فيني تقومين تسبيني عندها
لحظه يامتعب هي لحد الحين عندها هذي آفه إذا قعدت عندها 5دقايق زياده تفر راسها عليك
وقام متعب وخذا جواله واتصل على مها
مها:هلا
متعب بجديه:وجع انتي وينك فيه
مها:انا عند زينه تامرعلى شي
متعب:ماتشوفين كم الساعه هالحين يله ارجعي بسرعه هذا انا واقفلك عند الباب
مها:انشالله هذا اناجايه
مهاعلى طول من الخوف دخلت الجوال في الشنطه من غير ماتسكره قالت يووووويلي
متعب بقى ماسكر الخط وقال فرصه اسمع صوت زينه قبل لاأنام مدام جت من الخبله مها ولاسكرت جوالها
زينه:خير عسى ماشر وشفيك
مها:ياربي معصب علي يقولي هلحين ارجعي واقف لي عند الباب بعد
زينه:مين اللي واقف لك عند الباب روعتيني شصايرتكلمي
مهاوهي تلبس عبايتها:البعبع متعب فيه غيره
معصب علي عشاني متأخره برا البيت وواقفلي برا هلحين
فهمتي وش السالفه
زينه برومانسيه:متعب واقف لك برا ياحظك انا لو مكانك بطير من الفرحه
مها: بس اسكتي لاترفعين لي ضغطي بلاك ماتعرفينه
يله مع السلامه
زينه: مع السلامه
طلعت مها وأول ماشافها متعب سكرالجوال ومشو للبيت وهم ساكتين(متعب كان يبي آخر صوت يسمعه قبل لا ينام صوت زينه عشان كذا ساكت وهو يوصل مها)
طلع متعب فوق لغرفته وهو في قمة الفرح
لمجرد فكرة ان زينه تحبه وانسدح على سريره وهو يفكر فيها
مسك الوساده وحضنها بقوووووووه وهو يقول:وينك يازيونة قلبي تجين تعبين هالفراغ،،،
طبعا متعب رومانسي مره لكن مايحب يبين لأحد من اهله
يوم صحا الصبح اتصل في محمد وطبعا ماقاله انه جاه في البيت البارحه
سأله: وينك؟
محمد:والله طالع الشرقيه عندي شغل
خير آمر
متعب: مايامر عليك عدو يالغالي بس متى توصل
محمد:اليوم المغرب وانا في الرياض انشالله
متعب:ماتقدر تعجل شوي ياخوك
محمد:متعب وش فيك تراك خوفتني يابن الحلال عسى ماشر
متعب:أبد بس قررت اخطب اختك زينه وابيك تكون عند عمي فهد اليوم بعد صلاة المغرب
محمد:ابشر بعزك وانا اخوك تامرأمر وهذي الساعه المباركه
متعب جهز نفسه وقال لامه وابوه يروحون يخطبونله
وطبعا استانسوا كلهم ومرت هاللحضات كأنها شهور على متعب وهو ينطر أذان المغرب
وبعد ماطلعو من الصلاة
متعب: يالله يبه تكفى تأخرنا
ابو متعب: اركد ياولدي العجله ماهي بزينه
متعب:أي عجله يايبه انت تدري كم عمري هالحين انا دخلت 29سنه اللي كبري عندهم عيال
ابو متعب :الله يكتب اللي فيه الخير يابوك
شف امك خلصت
راح متعب دخل على امه لقاها تبخر جاها حب راسها وقال: يمه الله يهداك وقته هالحين تأخرنا على بيت عمي
ام متعب: اصبر وانا امك خلني اتدخن
متعب وهو يسحب المبخر من يد امه:يالله يمه وفري البخور لين ليلة العرس انشالله
ام متعب بضحكه: الله يوفقك ياولدي
طبعا زينه ماعندها خبر ان متعب ناوي يخطبها
جالسه في بيتها تفرج ع التلفزيون دق جوالها
شافته الا المتصل مها
زينه مالها خلق:هاه
مها:وهواه وينك صارلي ساعه ادق ماتردين
رينه: كنت اصلي المغرب خلصيني وش عندك
مها:كذا خلاص يازيون ماني قايلتلك
عندي خبر بمليون ريال
زينه:يله عاد مهاوي قولي شعندك
مها:أول قوليلي كم عمرك
زينه باستغراب:عمري 20ليش
مها:توي سمعت متعب اخوي يقول عمره29سنه وحبيت اسوي معادله بينكم
زينه:العمر كله يارب بس هذا اللي عندك
مها:زيون تدرين اخوي متعب وين هلحين
زينه :وانا وش دراني
مها:متعب اخذ امي وابوي وراحو بيت عمي فهد يخطبونك منه
زينه:مهاوي تتكلمين جد ولا تمزحين
مها: وهالأمور فيها مزح الله يهداك
اه بس يازيون لو تشوفين شكله شلون مبسوط ومستعجل حتى ماخلا امي تكمل لبس سحب المبخرمن يدها ويقول هذا في الليله الكبيره انشالله
انا أول مره بحياتي اشوف اخوي متعب كذا
زينه تذكرت ان اختها الجوهره تبيه وقالت:مهاانتي متأكده انهم رايحين عشاني أنا يمكن بيخطبون الجوهره اختي
مها: ياغبيه انا اسمعهم يقولون انهم بيخطبونك انت
حتى سألت امي وتقول انهاخايفه مره
زينه:ليش خايفه خالتي
مها بضحكه:هههههه خايفه انك تردين ولدها مثل مارديتي اللي قبله
زينه:أرد متعب ؟ مجنونه انا
مها:تصدقين زيون انا محيرني اخوي متعب اشوفه واثق من نفسه مررره ومو متوقع الرفض ولاواحد بالميه
زينه:يحقله حبيبتي إذا متعب ماوثق من نفسه من اللي يثق اجل
*****
في بيت فهد ابو زينه
ام فيصل(زوجةاب زينه)جالسه بالصاله
يدخل محمد يمه جهزي نفسك بيت عمي عبدالله جايين بعد شوي
ام فيصل:خير يمه وش عندهم
محمد وهو طالع:جايين يخطبون
ام فيصل استانست لانها تدري ان بنتها الجوهره تحب متعب
طبعاهي متوقعه انهم جايين يخطبون الجوهره
طارت فوق عند الجوهره وقالتلها
:يمه الجوهره عندي لك خبر حلو
الجوهره:خير يمه فرحيني من زمان مافرحت من طلعتلنا هالعله زينوه
ام فيصل:قطيعه خليهاتولي شجاب طاريها هذي الحين
توقعي من بيزورنا بعد شوي
الجوهره:من يمه
ام فيصل: بيت عمك عبدالله جايين يخطبونك لولدهم متعب
الجوهره:صدق يمه
ام فيصل :ايه صدق عاد البسي هالحين ومااوصيك نقعيه قولي ابفكر مو توافقين على طول عشان مايحس انك ميته عليه
الجوهره:افا عليك يمه لاتوصين حريص والله لانقعه
واخليه يترجاني بعد
وصلو بيت ابومتعب عند بيت فهد0
دخلت ام متعب عند ام فيصل
والجوهره قدمت القهوه بخجل وكانت متزينه
ام فيصل تنتظر ام متعب تكلم بس مافيه فايده
الرجال
خطبوا من فهد ابوزينه وقالهم بشاورها بس ماأوعدكم بالموافه لأن البنت رافضه فكرة الزواج وهو ماوده يجبرها يكفي انه ظلمها كل هالسنين
وبعد ماراحوا(متعب مبسوط لأنه واثق من الرد)
ام فيصل انقهرت وعصبت
أما الجوهره طلعت غرفتها وقعدت تصيح وهي حاقده على اختها وقررت انها تنتقم منها
وقالت:هين يامتعب والله لاحرق قلبك عليها مثل ماحرقت
قلبي
وماكون الجوهره ان خليتك تاخذها
وطبعا هالليله محد قدر ينام فيها (ليلةالخطوبه)
لا متعب ولا زينه قدروا ينامون من الفرحه
وام فيصل والجوهره مانامو من القهر
الساعه 1ونص بالليل زينه بدلت ملابسها عشان تنام ولبست برمودا حقت نوم صفرا وفيها دبدوب ابيض
طق باب غرفتها اخوها محمد
زينه فتحت الباب:هلا محمد بغيت شي
محمد:زينه شرايك بالعريس اللي قالك عليه ابوي
زينه دنقت راسهاولاتكلمت
محمد:زينه غبيه إذا رفضتيه
زينه :انت تشوف كذا يامحمد
محمد: متعب صديقي ومافي احد بالعايله يعرفه كثري وأنا انصحك توافقين
زينه:خلني افكر والله يكتب اللي فيه الخير
محمد: براحتك بس حبيت اقولك واحد من الشباب اتصل بي قبل شوي ويقول مسوين سهره وبلوت ولزموا علي اجي عاد لاتنتظريني لان الاستراحه اللي مجتمعين فيها الشباب بعيده من هنا شوي ويمكن مااجي الا متأخر لأني بصلي الفجر عندهم وبعدهااجي
يالله تامرين على شي
زينه:لا سلامتك
محمد: يالله فيمان الله
محمد وهوطالع رجع لف على زينه اللي واقفه عند باب غرفتها ومازالت فاتحته
وقالها:زيون ترا متعب يحبك ونزل من الدرج ع طول قبل لا يعطيها فرصه تقول أي شي
زينه ضحكت على اخوها وراحت وانسدحت على سريرها وهي تقول معقوله متعب يحبني لالالالالالالا مستحيل بس أكيد محمد يقول كذا عشانه صديقه ويبيني اوافق عليه
بس وش اللي يخليه يقول انه يحبني الا انه فعلن يحبني
ااااه والله تعبت من التفكير
بس يارب انه يحبني
هذا اللي اقدراقوله وتلحفت في سريرها ونامت
صحت من النوم مفزوعه شافت الساعه كانت 2وربع وكانت تسمع صوت مشي على الدرج
ماتت من الخوف يعني مين ممكن يجي هلحين
محمدماله ساعه من راح مستحيل يكون هو بعدين حتى لوكان رجع من برا
محمد غرفته تحت يعني مستحيل يكون هو اللي يمشي على الدرج
قفلت باب غرفتها وخذت الجوال فكرت تتصل بمحمد بس هو قال ان الاستراحه اللي هو فيها بعيد يعني مايمديه يوصل
وابوها سافر بعد ماصلى العشا
اتصلت ب مها
وردت عليها
مها بصوت نعسان:الو
زينه بصوت واطي:لحقي علي يامها الله يخليك
مهابخوف: خير يازينه عسى ماشر
زينه: حرامي عندي بالبيت قاعده اسمع اصوات ومحمد مو عندي الله يخليك يامها تصرفي ماني عارفه ايش اسوي
مها: طيب طيب لاتخافين الحين انا اتصرف
زينه بعد ماسكرت من مها راحت عند الشباك تطل منه شافت متعب طالع من بيتهم اللي مقابل بيتها بالضبط ومابينهم الا شارع
وكان متعب يركض باتجاه بيتها بدون شماغ وكان لابس بجامة النوم وشعره متعفس ودخل بيتها
(شكل مها قالتله)
خافت زينه على متعب لان مامعه سلاح وخافت الحرامي يكون مسلح
وفجأه_زينه سمعت صوت صراخ حرمه قريب من باب غرفتها
وأول ماسمعت صوت متعب جاتها الشجاعه وفتحت الباب لأن توها حست بالأمان
لقت متعب يتهاوش مع مره متغطيه مايبين منها الا عيونها حتى يدينها ورجلينهاكانت لابسه عليهم شراب وشكلها نكره
أول ماشافت المنظر زينه ركضت وقفت ورا ظهر متعب
متعب يكلم المره: خلصيني اقول انتي مين وش تبين
المره: ساكته
متعب بعصبيه: ماتبين تكلمين يعني
طيب انا اوريك
لف متعب على زينه اللي واقفه وراه زي الأطفال وهي خايفه
وقال: زينه تعالي اكشفي وجهها ماهي طالعه من هنا اليوم الا لين اعرف هي منهي وش جايه تبي
زينه تناظرمتعب بنظرات خوف وتهز راسها بمعنى لا
متعب:يالله لاتخافين انا معاك
تقدمت زينه من المره شوي شوي وهي خايفه
متعب عطاهم ظهره عشان مايشوف المره لان يمكن ماتكون من العايله
(لأن عايلتهم يكشفون عند بعض عادي)
فجأه متعب سمع صوت زينه تصرخ
التفت على طول ولقا المره رافعه سكين على زينه وشوي وتحطه في بطنها
تقدم بسرعه ودف المره وطاحت قدامه وزينه وقفت ورا
متعب وهي ترجف وعرقها يصب سحب السكين من يد المره وقال: هالحين انا اللي بذبحك لو ماتكلمتي
_ورفع صوته_تكلمي اشوف
المره قامت من مكانهاوهي تناظر فيهم
وقفت شوي بعدين ركضت محاوله للهروب
متعب حاول يمسكها وشدهاقوه من عبايتها وهي تركض عالدرج وطاح غطاها
هنا متعب انصدم :الجوهره
زينه أول ماسمعت الاسم تقدمت لحد الدرج عشان تشوف(لأن المعركه اللي صارت كانت بالصاله فوق جنب غرفة زينه يعني لو متعب تأخر 5 دقايق كان الجوهره دخلت على زينه)
يوم وصلت زينه نص الدرج انصدمت من موقف الجوهره معقوله حقدهاعلي يوصلها للإنتقام
متعب: الجوهره ماتستحين على وجهك لعنبو دارك هذي اختك احد يذبح اخته حتى اختك ماسلمت من شرك
الجوهره: لاماهي ب اختي هذي خذتك مني
متعب يهز راسه: لاحول ولا قوة الا بالله يابنت الحلال انا متى صرت لك عشان هي تاخذني منك عيب عليك هالكلام
وبعدين حتى لو ماخطبتها مستحيل افكر اخطبك انت ارتحتي
الجوهره وقفت لأنها كانت طايحه ع الأرض يوم متعب يسحب عبايتها وينكشف غطا وجهها: لا مارتحت وماني مرتاحه لين ماانتقم منكم اثنينكم
قاطعها متعب بعصبيه: اشوف طالت وشمخت ياأخت
وقمنا نهدد بعد
_يرفع صوته_ اطلعي برا اشوف اطلعي برا
وبعدين انتي شلون تسمحين لنفسك تطلعين من بيتكم بوقت زي ذا الا انك وحده واطيه بررررررا يله
أول ماطلعت شدهامتعب مع يدها بقوه وقال: اسمعيني زين خليني اسمع بس حتى لو إشاعه ان زينه صاير لها شي أقسم بالله لاخليك تكرهين اليوم اللي انولدتي فيه حتى لو مالك علاقه مفهوم
وترك يدها ونزلت ونزل وراها
زينه حاولت تنزل ماقدرت
وحاولت تطلع غرفتها ماقدرت
قعدت بمكانها على نص الدرج وهي منهاره وتصيح لفكرة ان اختها حاولت قتلها
حتى متعب اللي حبته طلع من غير لايتطمن عليها حست انها وحيده
*************
متعب طلع ورا الجوهره عشان يتأ كد انها دخلت بيتهم
وبعد ماتأكد
رجع لحبيبة قلبه اللي تركها لحالها تصيح فوق
متعب اول مارجع دخل كان يقول في نفسه:ادري يا متعب مالك حق تدخل هالبيت بهالوقت وراعيه مو ب فيه خلاص مهمتك انتهت لكن والله مايطاوعني قلبي اروح من غير لاأتطمن عليها وهي بهالحاله
حسبي الله عليك يالجوهره
دخل وتلفت بالصاله مافيه احد قال اكيد فوق
جا يبي يطلع لها لقاها قاعده ع الدرج حاضنه ركبها بيديها وتصيح
أول ماشافت متعب راكب على الدرج وجاي صوبها استانست لأن فكرتها عنه طلعت غلط00
جاهامتعب مد يده لها عشا ن يقومها
متعب ماد يده: يله زينه قومي معي
زينه شعرها على وجهها : ماني قادره امشي يامتعب
متعب : ماعليه انا اسندك يله قومي
زينه قامت معه وهي ترجف من دون لا تدري هي وين رايحه بس وجودها مع متعب كان مطمنها
مشاها متعب شوي شوي وهي متسنده عليه وهو كان يسمي عليها لحد ماوصل لغرفتها سدحها ع السرير وغطاها وقال: تصبحين على خير
زينه مسكت يد متعب بعفويه وقالت: أنا خايفه مره
متعب ناظرها بنظرات حب بعدين قال: طول ماأنا معاك يازينه لاتخافين من شي
وقعد على طرف السرير وحط يده على راسها وقعد يقرا عليها
زينه أول ماغمضت انعاد شريط الجوهره قدامها
وفجأه صرخت وقعدت من سريرها ولاشعوريا حضنت متعب وقعدت تبكي على صدره زي الأطفال
متعب استانس على هالحركه وحضنها بقووووه وقعد يمسح على شعرها اللي كانت ريحته ريحة عود وبخور ويقولها: لاتبكين يازينه تكفين مابي اشوف دموعك
وزينه مسترسله بالبكا وتصيح على صدر متعب
متعب خلاها تصيح على راحتها وتم حاضنها وكأنه يتمتع في هاللحظات بوجود زينه على صدره
وفجأه سكتت زينه ويوم شافها متعب لقاها نايمه(ماقلتلكم زي الأطفال)
وأول ما سدحها على سريرها فتحت عيونها وكأنها ماهي داريه باللي حولها
متعب: زينه انا بكلم مها تجي تقعد معك الليله لحد مايجي محمد
ودي اجلس معك اكثر بس انت تعرفين مايصير اقعد اكثر من كذا
يله تبين شي قبل لا اطلع
زينه هزت راسها بمعنى لا وهي ودها تقول مابي الا انت اقعد معي
متعب: رفع الجوال وكلم مها وقالها تجي وانه بيوقفلها برا
وقبل لايطلع مسح على راس زينه وقالها تصبحين على خير
زينه ما كانت قادره تكلم بس ابتسمت ابتسامه ردت الروح ل متعب بعدها طلع وهو مبسووط
وراح يجيب مها
جت مها وباتت عند زينه ومتعب ماخلاهم يقعدون 10دقايق على بعض من غير مايتصل ويتطمن على زينه
وثاني يوم
زينه: تصدقين يامها ماني عارفه كيف اشكر متعب عاللي سواه معي
مها: انا اقولك شلون تشكرينه
وافقي عليه وبس
زينه: امنيتي والله يامها اني اتزوج متعب بس أنا خايفه
مها: خايفه من ايش
زينه: خايفه انه يكون خطبني شفقه علي بس مو حبا فيني
مها: شوفي يازينه انا ماادري إذا هو يحبك ولا شفقه زي ماقلت
لكن مدامه هو اللي تقدم من نفسه وبدون محد يجبره معناه انه يبيك
وانت ادرى
زينه: كيف يعني أنا أدرى
مهابخبث: لا يعني اقول البارحه لما كنتو فغرفة نومك بانصاص الليول أكيد قالك شي خلاك تحسين إذا هو يحبك ولا لا
زينه: ياشين تفكيرك يامها
بس تطمني ماقالي شي
لكن،،،
مها: هاه زيون لكن إيش
زينه: حضني لصدره وماكان ودي اوخر لين هو اللي وخرني بعد مانمت
مها: متعب حضنك لالالا مااصدق مومعقوله سولفيلي شصار بالضبط
زينه حكت لصديقتهامها اللي صار بالتفصيل
مها: الله كل هذا يطلع من متعب
زينه: هاه توقعين انه يحبني بعد اللي سمعتيه
مها:والله انا لحد ألحين مو مصدقه الكلام اللي قلتيه ولا هو راضي يدش مخي ولو ان وحده غيرك قالتلي كذا كان قلت عنها وحده كذابه
بس عاد تصدقين زيون الكلام والحركات اللي سواها معك وبما انه خطبك هذا ماله الا معنى واحد
زينه باهتمام: وشو
مها: انه يحبك ياغبيه
زينه: ياليت يامهاوي ياليت
مها: طيب انت وش قررت توافقي ولا لا
زينه: ابوي قالي معك فرصه اسبوع ياأنك توافقي أوترفضي وأنا بيني وبينك موافقه بس ماراح ارد عليهم الا فنهاية الاسبوع لأن صعبه اوافق ع طول وانا كل هالفتره أرفض اللي يتقدمولي من غير تفكير
مها: الله يوفقك يارب ويزوجني محمد ونصير انساب قولي آمين
زينه بضحكه: آمين
مها: زيون بقولك نصيحه وراح تذكرينها إذا تزوجتي متعب
زينه: خير قولي
مها: متعب اخوي صدق قلبه طيب وحنون بس انه جاف بطبعه ومايقول كلام حلو وعصبي شوي عشان كذا ابيك من البدايه تسوين حركات وتدلعين عليه
زينه: حركات؟ حركات ايش
مها:حركات ايش يعني ياغبيه حركات لكاعه
طبعا انتي فاهمتني عدل
زينه: ايه فاهمتك بس ماني قادره استوعب ان متعب جاف يمكن هو يرسم نفسه معاكم انتم ويبين انه رسمي لأنه اخوكم الكبير وبينه وبينكم واجد
يعني لاتنسين ان امك لما ولدته قعدت 8سنين ماكتبلها الله حمل
انت شوفي عمرك كم وانت بعد متعب على طول وعمرك 20سنه
وهو29يعني على ابواب ال30
ولاتنسين انه قضى فتره من عمره برا عشان كذا صارت زي الفجوه بينكم وبينه
أنا احس انكم ظالمينه واجد
مها: بس بس كليتيني بقشوري كل هذادفاع عن متعب
زينه: اكيد إذا انا مادافعت عنه من اللي بيدافع عنه اجل انت
*****
مرالأسبوع ومتعب كل يوم يزيد توتر عن اليوم الي قبله
ويقول في نفسه: انا سمعتها باذني يوم كانت تكلم عني انها تحبني
طيب مادامها تحبني ليش لحد الحين تفكر وماردت
معقوله بترفضني زي مارفضت اللي قبلي
لا لا لا مستحيل أنا متأكد انها تحبني
_لو انهاتحبك ياغبي كان وافقت من اول ماخطبتها
بس انا سمعتها وهي تتكلم مع مها
_لحظه لحظه يامتعب
انا شلون نسيت مها
ايه مها محد يقدر يساعدني غيرها
*****
راح متعب ل مها اخته في غرفتها
متعب طق الباب
مها: ميييين
متعب: انا متعب يامها افتحي
ابيك في موضوع
(متعب أول مره يدخل غرفة مها)
مهاتفتح الباب وهي مستغربه: هلا متعب حياك تفضل
متعب يدخل ويجلس ع الكرسي:مها انا جايك في موضوع محد يقدر يساعدني فيه غيرك
مها: خير يامتعب شصاير
متعب يفتح ازرة ثوبه: آآآخ انا تعبت يامها
تعبت من الإنتظار ارجوك انت صديقتها كلميها خليها تقولك إذا هي موافقه ولا لا
مها شكت مجرد شك ان متعب يحب زينه وحبت تستدرجه عشان تأكد وتطمن صديقتها
متعب: مها مها
مها: هاه
متعب: وهواه من اليوم وانا اتكلم وانت ولا انت معي
الشرهه على اللي جاي يشكيلك
وجا يبي يقوم من من مكانه ومسكته مها: لحظه شوي يامتعب بقولك ليه هي متردده
متعب باهتمام: لييييييييييه
مها(بدا الكذب_إن كيدهن عظيم_):بصراحه يامتعب زينه رافضه فكرة الزواج بكبرها
لاتلومها ترا اللي شافته من الدنيا مو شويه
هي تقول انهاخايفه ترتبط بواحد ويتركها مثل ماأبوها ترك امها
متعب بعصبيه: بس انا موب زي عمي فهد وهي عارفه هالشي زين
وبعدين هي تحبني زي ماأنا أحبها
مها: وانت وش دراك انهاتحبك؟
متعب بإرتباك شديد: لا بس اناااا
أنا اقوول يمكن
مها: حتى لو تحبك ماأظن انها بتوافق
متعب: مها الله يخليك كلميها قدامي وحطي السبيكر بسمع رايها فيني
مها ارتبكت وخذت جوالها وبسررعه ارسلت ل زينه
(بكلمك الحين ومتعب عندي وانت ع السبيكر ردي)
زينه مافهمت الموضوع زين بس سوت اللي قالتلها عليه مها لأنها تثق فيها وردت وعملت حسابها انها ع السبيكر ومتعب يسمع
دق جوال زينه
زينه: ألوه
مها: هلا زينه شخبارك
زينه:الحمدالله بخير انت شخبارك شمسويه
مها:بخير
زينه
زينه: هلا
مها: اخوي متعب عندي الحين ويقول يبي يسمع رايك إذا انت موافقه اولا
زينه: والله مادري شقولك يامها
(متعب على اعصابه بعدهالكلام)
مها: قولي موافقه اولا
زينه: شوفي يامها متعب اخوك كل بنت تتمناه عشان كذا هو الوحيد اللي عطيت نفسي فرصه اني افكر فيه مع اني متردده مره
مها: بس يازينه انت خذيتي وقتك بالتفكير والمفروض انك تقولين رايك الحين
زينه:ماأدري صراحه ماأدري مها ارجوك لاتضغطي علي بعدين انتو ليش مستعجلين كذا

متعب ماقدر يستحمل اكثر من كذا و سحب الجوال من يد اخته على طول وقال:أي مستعجلين يازينه الله يهداك حرام عليك ارحميني شوي والله تعبت من الإنتظار
زينه متفاجأه من كلام متعب
زينه:متعععععب
متعب : ايه متعب يازينه ارجوك ردي والله انك كذا تموتيني
زينه بعفويه: اسم الله عليك من الموت
متعب استانس: تكفين يازينه قوليها
زينه بحيا: اقول ايش
متعب: قولي انك موافقه
زينه:_ _ _ _
متعب: يله قولي
زينه:_ _ _ _
متعب: مااسمع
زينه: اسأل ابوي يله باي وسكرت الخط لأنها انحرجت مررره من متعب
متعب بعد ماسكرت زينه لف على مها بابتسامه فرح: موافقه موافقه
مها: صحيح الف مبروك
وقام متعب: انارايح لعمي فهد
وبعد ماطلع متعب من عند مها قامت ودقت على زينه عشان تقولها السالفه اللي صارت
وتقولها انها تأكدت ان متعب يحبها
*****
وراح متعب هو وابوه لبيت عمه وصدرت الموافقه وزينه كان شرطها الوحيد انها ماتطلع من بيتها اللي هي فيه لأنها ماخذه راحتها فيه مره وتعودت عليه ومتعب يسكن معها وطبعا متعب وافق على طول ومن غير تردد
بس كان عنده شرط انه يغير اثاث البيت على حسابه ويدفع الأجار لعمه فهد لأن البيت ملك ل ابو زينه
وطبعا فهد عقب الشين وافق ياخذ اجار من ولد اخوه
وتملكو وحددو الزواج بعد شهرين يعني بداية الصيف
طبعا زينه استانست ان متعب مارفض شرطها ووافق عليه وبالنسبه لمحمد سكن في بيت ابوه وغرفته سكرتها زينه وخلتها غرفه للضيوف
وبعد ماطلع متعب وابوه من بيت عمه راح يبشر امه ويجلس معها
وجو اخوانه واخته مها يباركونله
طبعا متعب اكبر واحد
وبعده على طول مها20
وبعده اخوه فهد عمره18 سنه واخوه سيف وعمره16
وقامت مها للمطبخ وشاف متعب جوالها طايح في مكانها عالكنبه اللي جنبه
خذاه متعب من غير محد يحس فيه ونقل رقم جوال زينه ورجع الجوال حق مها مكانه
وبعد ماتعشو متعب استأذن اهله يروح ينام لأنه نعسان
طبعا هذا عذر
دخل متعب غرفته وسكر الباب وبعد مابدل ولبس ثوب النوم
انسدح على سريره ودق عليها
********
زينه اللي كانت منسدحه على سريرها وهي مبسوطه مره لأن اليوم أول يوم لها من تملكت على متعب
فجأه دق جوالها شافته رقم غريب طنشت ولاردت
لكن هالرقم استمر يدق ويدق
وازعجها
متعب بغا يرسلها رساله عشان ترد بس كان متأكد انها لو عرفت انه هو المتصل ماراح ترد
ف قرر انه يرسلها
(ردي أنا مها)
زينه أول ماقرت الرساله ارتاحت انها مها وأول مادق ردت
زينه:الو وجع انشالله شفيك خوفتيني وبعدين وش هالرقم هذا
متعب: هذا رقمي وياليت لو تخزنينه عندك
زينه بارتباك:ألو مييين
متعب: ماعرفتيي يازينه
زينه عرفت الصوت:_ _ _ _ _
متعب:زينه
زينه :_ _ _ _ _
متعب :زيونه ماتبين تتكلمين
براحتك بس تكفين لاتسكرين حتى لوماتكلمتي عالأقل أسمع صوت انفاسك و احس انك معي
زينه:_ _ _ _
متعب:زينه
زينه:_ _ _
متعب :زيونه
زينه:_ _ _
متعب : زيونت قلبي
زينه بارتباك:هاااه
متعب:الله لايحرمني من هالصوت
زينه:_ _ _
متعب: طيب قولي آمين
زينه:_ _
متعب:زيونه هذا كله حيا
تكفين قولي اي شي
زينه بدلع: انت قلتلي لا تكلمين
متعب: يااااقلبي يعني هذي طاعه لي
طيب هلحين انا أقولك تكلمي
زينه:أتكلم شقول
متعب : قولي أي شي المهم اني اسمع صوتك
زينه بدلع: متعععب
متعب: ياعيونه انتي
زينه: كيف جبت رقمي
متعب: مو مهم كيف المهم اني جبته وبعدين انا لوابيك بكبرك جبتك ماني عاجز عن رقم تليفونك
زينه انحرجت من كلامه:_ _ _ _
متعب: زيونه
زينه:همممم
متعب : بطلب منك طلب بس تكفين قولي تم
زينه بينها وبين نفسها: انت لو تطلب عيوني غصبن عني بقولك تم
متعب: زينه زينه وين رحتي
زينه: هاه معك آمر وانا أقول تم
متعب : زيون تكفين بكلمك كل يوم قبل ماانام شقلتي
زينه: اللي تشوفه بس_ _
متعب: بس ايش
زينه: بس اخاف تمل مني وإذا تزوجنا بتكون مالك خلقي
متعب: افا يازيونة قلبي انتي
أنا لو امل من الناس كلهم ماأمل منك
زينه: مافي شي بالدنيا ماينمل منه
متعب : الا فيه الما_والهوا_ وانتي
زينه:مو لهالدرجه عاد
متعب: الا لهالدرجه ونص
وبعدين افهم من كلامك انك مع الأيام بتملين مني
زينه اندفعت بالكلام لاشعوريا:أنا؟ مستحيييل يجي يوم وأمل منك شلون أمل منك وأنا أح_ _ _ _وسكتت
متعب : ههههه كمليها ليش سكتي
زينه بارتباك: متعب خلاص انا بنام الحين تصبح على خير
متعب: وانتي من اهله ياعمري
بس بقولك شي قبل تسكرين إذا انتي تحبيني أنا امووووووت فيك
طوط طوط طوط
زينه سكرت الخط من الإحراج
متعب ضحك من تصرف زينه
وقال:طيب أنا اعرف شلون اخليك تصيرين جريئه معي يازيونة قلبي انتي
آآآه فديتك
وهاليله هي أحسن ليله نامو فيها متعب وزينه
مرت الايام ومتعب كل يوم يكلم زينه قبل لاينام
وأحيانا يمرها في بيتها
ومره كلمها وقالها انه مسافر جده عشان عنده شغل لصالح الشركه اللي هو يشتغل فيها نائب مديرعام(طبعا جد زينه من ابوها عنده ٣ شركات ضخمه وكل عايلتهم متوظفين فيها الا متعب متوظف برا لأنه ناوي يفتح له شركه مستقله)
وقالها وانه بيقعد اسبوع ونص
وسافر وكان مشغول مرره من مؤتمر ل مؤتمر
لدرجة انه ماقدر يكلمها الا مره أو مرتين أول ماوصل جده
وكل مااتصلت فيه لقت جواله مغلق لأنه ممنوع يفتحه بالإجتماع
وطولت المهمه وقعد في جده ثلاث اسابيع
وأول ماخلص شغله في جده حس انه مقصر كثير معها لأنه احيانا يشوف مكالماتها ولا يفضى يكلمها
وراح اشترالها خاتم ألماس حلو وناعم
عشان يقدمه لها هديه لأنه يبي يثبت لها ان فترة ماهو كان بجده ماكان ناسيها
ورجع للرياض
وقبل لايوصل الرياض بشوي دق عليها
زينه بفرحه: ألووووووو
متعب: هلا والله بهالصوت
زينه: وينك ياخي صارلي فتره ادق
متعب: والله مشغول قسم بالله مشغول مافضيت ابد خاصه اني انا المسئول عن الوفد اللي معي لأني نائب المدير وهو ماراح
ولا والله انك على بالي ياعمري بس والله زي ماقلتلك مشغووول
زينه بدلع: يعني شغلك أهم مني؟
متعب: يخسي الشغل وابو الشغل
مافي شي بالدنيا أهم منك
زينه: ايه ماهو باين
متعب: ياقلبي يازيونه مشتاقتلي؟
زينه بخجل: ايييييييه
متعب: وش كثر
زينه: كثيييييييييييييييييييييييير
متعب: ايه وش كثر
زينه: كثر حبات الرمل اللي بيني وبينك الحين
متعب: وبس؟ أنا توقعت اكثر
زينه: ليش تقدر تعد الرمل بين جده والرياض؟
متعب: انتي ماقلتي الرمل اللي بين جده والرياض
انتي قلتي الرمل اللي بيني وبينك
زينه: لاياشيخ ماهو المعنى واحد أنت بجده وانا في الرياض
متعب: كنت بجده
أنا هلحين دخلت الرياض قوليلي حمد الله عالسلامه
زينه بفرحه: صحيييح انت هنا في الرياض قول والله
متعب: اي والله ياقلبي توي دخلت الرياض هلحين
زينه:حمد الله عالسلامه
متعب: الله يسلمك ياحياتي تصدقين من خلصت شغلي جيت على شانك بس
قبل كنت إذا سافرت مكان على شان الشغل اذا خلصت شغلي اقعد اسبوع كذا اتمشى فيه واغير جو
بس هالحين الوضع تغير قلبتي موازيني فوق تحت يازيون
ماتصورين شكثر مشتاقلك
زينه: مو كثري يتراوالي لو ماشفتك اليوم بموت
متعب وكأنه عصب: اسم الله عليك
ياقلبي ماقولك مابي اسمع هالكلام مره ثانيه
زينه: متعب لاتلومني هذي أول مره من تملكنا تبعد عني
ماتصور شكثر اتضايق لما اطل من شباك غرفتي ولا اشوف سيارتك عند بيتكم
أحس فيه شي كبير ناقصني
_متعب مو مصدق هالكلام يطلع من زينه
وقال:ياااااااااااه تدرين خيره اني ماكلمتك وانا بجده
زينه:ليش
متعب: لأني لوانا مكلمك وانا هناك وسامع منك هالكلام هذا
والله اني لاركب واجيك على طول واطنش الشغل حتى لو فصلوني
زينه:إيه اضحك علي بهالكلام
متعب: حرام عليك ليه مانتي مصدقه اني مشتاقلك
زينه: لأنك طول مانت هناك ماتذكرتني لو بمسج
متعب: افا عليك لكن بعد ما اتعشا الليله مع اهلي بمرك
عشان تأكدين انك واحشتني
زينه: صحيح
متعب يقلد صوتها: اي والله صحيح
زينه: ههههه يله انتظرك
متعب : خلاص ياعيوني قربت من البيت تامرين على شي
زينه: سلامتك
******
وصل متعب بعد المغرب وزينه تراقبه مع شباك غرفتها وهو كان واثق من هالشي ورفع راسه للشباك وطير لها بوسه بالهوا
انحرجت زينه لأنها كانت مطفيه اللمبات ومتوقعه متعب مايدري عنها انها تطل عليه
متعب بعد ماوصل جلس مع امه وابوه وبعد ماتعشوا وخلصوا
كان متعب ناوي يروح يشوف زينه لأنه كان مشتاقلها
وأول ماطلع عند الباب صادف محمد وسلم عليه
محمد: هلا والله ابو عبدالله شلونك
متعب: بخير دامك بخير علومك انت
محمد:أبدوالله تمام متى الوصول
متعب: والله اليوم عقب المغرب
محمد: والله لك وحشه يابو عبدالله
امش خلنا نتمشي شوي
متعب توهق:لا ولله تعبان من السفر تعرف
خلها وقت ثاني
محمد: يارجال ماحنا مطولين يله اركب اركب
حاول متعب يصرف بس مافيه فايده
وراح معه ولا رجع الا وحده ونص بالليل وهم بالسياره ماخلوا شارع في الرياض الا مرو فيه
وطول ماهم في السياره وزينه كل شوي تتصل ومتعب يعطيها مشغول
ويوم وصل البيت طلع غرفته ودق عليها
وعطته مشغول لأنها زعلانه عليه
متعب كل شوي يتصل بس هي نفس الشي تعطي مشغول
ومع انه كان تعبان من السفر ويبي ينام الا انه ماهان عليه ينام وهي زعلانه منه
ويوم شاف انه مافي أمل انهاترد عليه وهو قفلت معاه لأنه واصل حده من النعاس
ويبي ينام
عشان كذا أرسلها رساله:
(حبي زيونه مايهون علي انام وانتي زعلانه مني
ولا يهون علي بعد اخليك تنامين وانتي زعلانه
بس والله العظيم اني كنت طالع من البيت وناوي اجيك
لولا محمد الله يهداه دبسني خذاني معه ولا رجعني الا قبل شوي وأنا انحرجت لاأرده
وإذا مانتي مصدقتني اسأليه
لكن هو قبل شوي قايلي انه بكره طالع الشرقيه
يعني وعد باذن الله بكره أنا امرك ولا تزعلين ياقلبي
وحشتييييني)
وقفل جواله ونام
وأول ماصحى لقى رساله منها كانت مرسلتها له في الليل رد على رسالته
(وانت واحشني أكثر
كثر مانت ناسيني بالضبط
_شفت شكثر توحشني_
وعالعموم لو مانت جاي بكره
ماراح ازعل
أنا ما أجبرك على شي انت ماتبيه
تصبح على خير)
متعب ضحك على اسلوب زينه
وكان يحس انها زي الأطفال إذا زعلت
واتصل عليها الساعه 4العصر
وأخيرا ردت عليه
زينه: الو
متعب: مساء الخير ياوجه الخير انتي
زينه بزعل: مساء النور اهلين
متعب: فديت هالصوت انا
حتى وانتي زعلانه صوتك يجنن
زينه بسخريه: لا
متعب:زيون قلبي محمد راح
زينه: ايه مشى اليوم الضهر
يقول بيرجع بكرا
متعب: زين اجل الليله انشالله امرك نفس موعدنا البارح
خلاص(محمد طبعا يدري ان متعب يزور زينه بس هم ياخذون راحتهم اكثر إذا كان مو بالبيت)
زينه: خلاص انتظرك مو تكسحني
متعب: لاانشالله الليله انا عندك
زينه: ماشي
متعب: يالله ياعيوني تامرين على شي
زينه: ايه
متعب: شتامرين عليه ياقلبي
زينه بدلع: بوسني
متعب استغرب وتفاجأ من جرأتها وبعدين قال: لا هذي أوفرها لين اجيك الليله لأنها ماتصلح ل?