والله منقهرة منه ,,,,, بليز ردو علي

كيفكم يافراشات ,,؟؟

انا بدخل في الموضوع على طول

انا مملكة ليا سنة وشهرين اوك

والى الان ماتحدد الفرح لانو هوا يدرس بالخارج وانا بعد ادرس بالجامعة

المهم خطيبي كل شويا له كلام شويا يقولي في شوال وشويا في محرم وانا مااحب كدا خلاص يثبت على شئ واحد وبس

قمت قلت له ليه ماتتشاور مع عمي وعمتي وبعدين عمتي تكلم امي وزي كدا يعني لانو انا وامي خايفين فجأة يقولوا نبغا الفرح في شهر كدا وزي منتو عارفين لازم يتكلموا قبل الفرح بثلاث شهور اربع عشان نجهز نفسنا لانو ماشاء الله عندي 7 اخوات وصعبة وغير انا العروسة من فستان و,,و ,, الخ

الا قام زعل وقال انا محد يفكر بدالي وانا افكر بنفسي واقرر متى الزواج باللهي تخيلوا والله قهرني

لا وقال انا كل ماقلت لكي حاجة قلتي دراسة وجامعة الله يسامحه هذا وانا قلت عادي اقطع دراستي هنا واسافر معاه للخارج وبعدين ارجع اكمل بس شوفوا كيف قلبها عليا انا

وقالي هوا شكلوا زي ماقال ابوكي انتي تكملي دراستك هنا وانا اكمل بالخارج ولما ننتهي من دراستنا يصير الفرح ونعلق شهادتنا عجدران بيتنا هيا باللهي شوفوا

<< هوا في البداية ابويا كان يبغا الفرح بعد مااغلق انا من الجامعة بس انا لسه باقيلي سنتين في الجامعة وامي كلمتو انو مايصير كدا واذا الولد يبغا الفرح عادي تقطع من دراستها وبعدين تكمل فالحمدلله اقتنع ورضي

باللهي دحين دا اش ارد عليه هوا زعلان بس انا ماغلطت وبيني وبينكم ماراح اعتذر لاني ماسويت شئ وقلب عليا