والله تعبت ولا احد حاس فيني

بنات والله تعبانه جدا حظي قليل بهذي الدنيا
بعد تجربة انفصالي في الملكة كرررررررررررررهت حالي وكل شي حواليه وقلت خلاص بلا زواج بلا هم بس لما اشوف اخواتي بطونهم قدامهم الله يقومهم بالسلامه اقول حتى انا ابغى اتزوج واصير ام قولوا امين
ولما جاني خطيبي الحالي فرحت وقلت خلاص جى الفرج من عند الله وخاصة بعد سؤال اهلي عنه ولقوه رجل قمه في الاخلاق وتمت الشوفه والخطبه وبقي العقد
المشكله يابنات اني نحس
لا تستغربوا ايه نحس كل ماقرب العقد تحصل مصيبه تعطله لدرجة انه اخته لمحت بهذي الشي
كان المفروض العقد يكون باول رمضان
حصل ظرف عندنا وتاجل للاسبوع التاني
الاسبوع التاني حصل ظرف عنده
بعد كذا دخلنا في زحمة العيد وبعدين العشر الاواخر
قالوا تاني اسبوع من شوال الي حصل انه والده طاح وصار عنده ضغط بالفقرات
قالوا اهله خلاص نبغى زواجنا يصير بالطايف والده تعبان ومايقدر ينزل لجدة
طبعا اهلي رافضين من البداية موضوع الزواج بديرة ثانية
واللحين الموضوع على وشك انه ينتهي وكل واحد يروح بطريقه
خاصة انه الموضوع دخل في عناد بين اهله واهلي
بالله عليكم ايش اسوي انا ابغاه وماودي الموضوع يخرب ايش اسوي والله دموعي طول الوقت على خدي
يابنات تكفون ادعوا لي قسما بالله ماصرت انام من الهم الي فيني
والله يابنات صرت شاكه في تفسي اقول لا يكون فيني عين او سحر 😆
الله المستعان