عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
عزيزاتي العضوات حبيت اسرد عليكم قصتي مثل ما وعدتكم ..
اولا قبل ابدأ اشكر كل من تفضل وقام بالواجب وزارني في المستشفى او في البيت
وكل من تفضل واتصل لي سواء من الخارج او من البلد وحتى إلي ارسلوا لي مسجات
مشكورين خواتي العزيزات جميعا وان شاءالله اردها ليكم في افراحكم ..
بحاول اختصر القصة واكتب ليكم قصة حملي وتليها قصة ولادتي ..
اولا قصة حملي : …
مثل ما تعرفون اي وحده متزوجة تتمنى تكون ام ..
انا الحمدلله ام لطفلين الله رزقني “محمد وفاطمة ” والحمدلله
بعد ما الله رزقني الولد والبنت قلت الحمدلله عندي اثنين وخلاص ما ابي احمل وانتظرت كم سنه على بنتي
ولما كبرت البنت وراحت المدرسه كانت تسمع كلام زميلاتها عن خواتهم الصغار وكل يوم تجي وتحكي لي
وتقول لي ابي اخت العب معاها , وضلت على هذا الحال لحد ما انا صار خاطري في بيبي صغير
بس بصراحه كنت بفكر قبل ما تروح المدرسه بكم شهر ان اترك المانع عشان احمل ولكن ما صار حمل
وفي الصيف الماضي قلت بسافر ولما ارجع افكر ثاني في الحمل
وطلبت ان الله يرزقنا الذرية الصالحة ويرزق المؤمنين .. ويفرح قلب بنتي قبل قلبي بأخت معها تحبها وتلعب معها .
رجعت وفضلت 4 شهور كل شهر انتظر الحمل ولكن كانت الدورة الشهريه تفاجأني كل شهر وفي موعدها
واخر شي تمللت وتركت الأمر قلت خلاص ما بشغل نفسي بالحمل لان نفسيتي تعبت واانا انتظر
وكل شهر اقول بصير حمل ولكن من غير فائده , ومرت 4 شهور على هذا الموضوع لحد ماجي الشهر الخامس
وتأخرت عني الدوره اسبوع فقلت لزوجي “للحين الدورة ما شرفت مدري شسالفه ” ؟؟
المهم قلت له بروح اعمل تحليل حمل عشان اطمن يمكن اكون حامل
فقال لي بتنحرجين اكيد مو حامل نفس كل شهر
بس ما هتميت في كلامه وخاصه ان مر اسبوع ولا نزلت الدورة ,
فقلت اروح اتأكده احسن ويوم ثامن لما وصلت الاولاد مدارسهم
رحت المركز الصحي وعملت تحليل حمل , وطلعت النتيجه بعد دقايق “” حامل “” والحمدلله
اتصلت لزوجي حالا حتى قبل ادخل على دكتوره وخبرته وانا في قمت السعادة
وماني مصدقه وفرح زوجي معاي وبارك لي ..
لما دخلت لدكتوره على طول سألتي قالت ” بشري .. شنو النتيجه ؟
وشافتها وقالت لي مبرووووووك حامل …
الان بحاول بختصر القصة لانها طويله وعشان ما تتعبوا في القرأه هههه
انا بعد ما تم مراجعتي في عيادة الحوامل كل شهر كل مره يقولون لي كل شي تمام
بس ما كانت اجهزتهم زينه . دائما تكون خربانه , كل مره يصادف ان اروح وجهاز إلي تخليه
عشان اسمع دقات قلب الجنين ما يشتغل وتقول لي مافيه البتري ضعيف ومادري شنو !!.
وكل ما اقول لها ان حجم البطن صغير قالت لي زين وحجم الجنين بعد طبيعي ..
ما كنت ارتاح لما اروح الموعد وكنت قبل بيوم لازم اعصب على اولادي ومالي نفس اروح
يعني بالغصب اروح بس عشان اطمن على الجنين ..
المهم اخر مره رحت كان في 15_7 يو م الاربعه هذا اخر موعد لي في عيادة الحوامل
فقلت لدكتوره اني للحين ما عرفت نوع الجنين وابي اعرف
بعد ما شافت ضغطي ووزني والسكر تقول ان كل تمام بس قبل هذا الموعد كان وزني نزل كيلو
ولما رحت هالمره رجع الكيلو يعني ما زاد اكثر من كيلو إلي فقدته من قبل ..
وبعدين سوت لي سونار عشان تشوف نوع الجنين
ولكن قالت ان ما راح يبان زين عشان الجنين كبير في الشهر الثامن ..فقلت لها اوكي انا مواقفه ..
واي شي يجي من عند الله الحمدلله . مع اني كان نفسي في بنت ..
مع اني كنت مصمم تسوي السونار , طبعا ما كان يبان زين فقالت يمكن بنت ..
بعد ما كملت عشره ايام من الموعد وفي يوم السبت الاسود ,
سميته يوم الاسود عشان كانت اخر حركة للجنين في هذا اليوم ..للاسف
كنت انا في الشقه داك اليوم وكنت داخله الشهر التاسع وفجأة حسيت بحركة للجنين قويه
في اسفل البطن حتى اتذكر قلت لزوجي , وبعدين ما انتبهت انه ما يتحرك يوم ثاني
بس كانت تجي لي تقلصات في اسفل البطن واحس ان الجنين يتحرك بس من فوق
وهو كان هالوقت مات في بطني وانا ما ادري
وفي اليوم الرابع من الوفاة تنزلت علي افرازات لونها بني
والألم اسفل البطن يزيد فقلت للبنات في المنتدى ونصحوني اروح المستشفى اطمن على الجنين
بدأت الألم يجيني من الصبح وانا ما رحت المستشفى إلي بعد صلاة المغرب ,تقريبا 7 _30
اكمل لكم الجزء الثاني غداُ
هذه كانت قصة حملي مختصره وغدا احكي ليكم عن معانات في المستشفات مع الولاده ..
انتظروني قريبا
اختكم ام محمد وفاطمة
