عالم البنات النسائي كل ما يخص المرأة العربية من ازياء وجمال والحياة الزوجية والمطبخ
حلمت إني في سوق أو مركز تسوق، وكنت في محل لبيع الملابس (وبالتحديد قمصان نوم) ، وكانت أختي في نفس المركز وتصادفنا وكان وياها ولدي ولما شافني ما طاع يروح وياها وبغى يتم وياي، فقلت لها خلاص خليه عندي، وبعد ما خلته وراحت وفي طريقها قلتلها بصوت عالي :ليش ما تاخذين ولدج وياج؟؟. ورجعت لين عندي (مع إن المسافة بينا ما كانت قصيرة)وسألتني :أشله وياي ؟؟، قلت لها : لا أمزح
وعقب ما راحت سألتني حرمة من اللي كانوا موجودات بالمحل: ليش ما تشل ولدها وياها؟؟؟ قلت لها : لا هذا ولدي بس كنت امزح
وبعدين خذيت ولدي (عمره سنة ونصف) لركن الألعاب وكنت اعرف ان الالعاب غالية، فاخترت لعبة صغيرة (اعتقد إنها كانت سيارة أو طيارة) وسألت اللي يبيع : بكم هذي؟؟ قالي : بعشرين درهم… ومع إن اللعبة ما تساوي هالمبلغ اشتريتها عشان ولدي يلتهي ويخليني أتسوق على راحتي..
المهم خليته ورجعت نفس المكان اللي كنت اشتري منه الملابس وكان فيه مجموعة حريم، وكنا نسولف مع اللي تبيع(بس ما اذكر شو هي السوالف)،،،، وفجأة تذكرت ولدي ورجعت لركن الألعاب ولقيته كاسر اللعبة وفارنها على الأرض وهو يصييييييييح، وسألت حرمة كانت هناك : من متى يصيح؟؟ قالت لي :من فترة (بدون أي اهتمام) وأنا استغربت ليش ما حد حاول يسكته أو يشله..
وخلص الحلم
وللتوضيح:
وقت حدوث الحلم : الليل
الحالة الدينية: ملتزمة
الحالة الاجتماعية: متزوجة ولدي طفل واحد
لم اكن افكر في شيء قبل النوم ولم اكن منزعجة
