هام جدا … إبراء زمة

السلام عليكم و رحمه الله و بركاته

أخواتى فى الله /

ركزوا جدا فى كلامى لانه مهم جدا و كان لازم اكتبه و ابين كل اللى ليا و اللى عليا

بخصوص حبوب التنحيف اللى ببيعها السيبوترم

الاخوات الجداد فى المنتدى و اللى ما تعرفنيش… انا اخت لكم فى الله و بتاجر فى حاجات كتير من ضمنها و اشهرها السيبوترم للتنحيف

الحبوب دى مرخصة من وزارة الصحه المصرية و من انتاج شركة ايفا فارما
و اى اخت تحب تتأكد تدخل على موقع ايفا فارماالمهم، أعوز بالله من كلمة انا بتاجر فى السيبوترم من 3 سنين او بمعنى ادق كمان شهر حكملهم 3 سنين

و لله الحمد و ربنا شهيد على ما اكتب و من بعده الاخوات اللى اشتروا منى على مدار ال 3 سنين ما حصلش ابدا انى بيعت ولا علبه من غير ما أكرر اللى انا بكتبه فى مواضيعى عن الاعراض الجانبية او موانع الاستخدام تحسباً ان المشترية تكون اخدت رقم جوالى من اى اخت و اتصلت تشترى من غير ما تقرأ الموضوع

و تانى بكتب هنا

الاعراض الجانبيه … 0 و دى ان حصلت بتحصل لحوالى 3% من المستخدمين ، يعنى من كل 100 مستخدم ممكن و بكرر ممكن تحصل لحوالى 3 منهم بس ده ان حصلت و هى:

1- دوخة
2- عدم تركيز او اضطراب فى النوم

و ده ان حصل بيحصل اول يومين او 3 ايام لحد ما الجسم ياخد عليه

و موانع الاستعمال :

الحامل
المرضعة
من يعانى من امراض القلب
من يعانى من امراض الضغط
من يعانى من داء السكرى
من يعانى من امراض الكبد او الكلى

أعازنا الله و اياكم و جميع المسلمين شر الامراض

بالنسبة للشكاوى اللى وصلت لى شخصيا على مدار ال 3 سنين:اول شكوى … اخت من هنا على الفراشة قالت انه فتح نفسها اكتر على الاكل و بصراحه انا موت من الضحك ما اكدبش عليكم

تانى شكوى … اخت ضحكت عليا و على نفسها و انا بقول لها شيلى وزر نفسك اتصلت تشترى و كانت مش اول مرة تتعامل معايا و نبهت عليها تانى على موانع الاستخدام، فوجئت بعد اسبوعين بشركة الزاجل بتتصل عليا انا ليا طرد من …… ، استغربت جدا لانى مكنتش طالبه اى شىء فى الفترة دى من اى حد المهم لما بعت سواق يستلم لقيته الطرد اللى انا ارسلته!!!!
اتصلت بيها قالت لى معلش مش عوزاهم اصل الكلى وجعانى
معلومة اللى ما اتعاملش معايا … انا عمرى ما اخدت ولا طالبت من حد الفلوس مقدم الا لما يستلم بايده اغراضة
المهم هى استخدمت شريط واحد و بعتت لى مع الطرد تمن الشريط، و انا خسرت 60 ريال للسواق رايح جاى للزاجل

بخلاف كدا الحمد ولا شكوى جت لى

و الحمد لله انا سألت حوالى 6 صيادلة قبل ما اشتغل فيه
و عرفت فكرة عملة جوا الجسم و شرحتها للى عايز يشترى

و اللى بتتصل و احسها بتتدلع و مش تخينه بالدرجه مش ببيع لها و بقول لها على المشروب السحرى للتنحيف علشان توفر فلوسها … (حكتب لكم مكونات المشروب السحرى لاحقا)

و فكرت عمل السيبوترم انه بيعمل على مراكز الاشباع فى المخ ، فبيخلى المخ يدى اشارة للمعدة انها مليانه على طول علشان كدا مش بنحس بالجوع

و طبعاً اى حاجه بتشتغل على المخ ها اثر عكسى علينا على المدى الطويل علشان كدا انا بقول و بكتب اقصى مده تستعملى فيها الحبوب شهرين متصلين فقط و بعدها توقفى شهرين او تلاته علشان الجسم يتخلص من اثر الحبوب

و الجرعة …. حبة واحده فقط و بعد الفطار مش قبله ، لان فى اخوات كتير الله يهديهم بيكتبوا انه قبل الفطار ، يعنى بالعقل حتنزلى برشام على معده فاضية!!!

المهم انا سمعت ان مادة السيبوترامين اتمنعت !!!! , و انا مش عارفة فعلا اتمنع تصنيع السيبوترم ولا لأ خاصة انى لسة جاى لى كمية كبيرة و من باتش حديث التصنيع و الصيدليات بتبيعه عادى

عامة انا كتبت كل المعلومات بأمانه و اللى لها اى استفسار او سؤال انا حاضرة
و الحبوب موجوده و بنفس التمن 80 ريال و العلب مكتوب عليها تحزيرات لمرضى القلب

ارجوا من المشرفات الكرام تثبيت الموضوع للافادة