عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيفكم وعرايس
اليوم حبيت انزل لكم كم نصيحه استفدت منها كثير قبل زواجي
من اكبر الهموم الي تواجهنا وخصوصا العروسة تفتيح منطقة البيكيني
قبل زواجي استخدمت خلطات كثير وانقلبت النتايج عكسيه
رحت لدكتوره بعد ما فقدت الامل ووصفت لي خلطه مره ممتازه وآمنه
ولنتائج افضل وأسرع قبل اي خلطه قشري المنطقه بأي مقشر انا استخدمت تريتوسبوت<< مع ان الدكتورة حذرتني منه وقالت مره مضر للمنطقه فيه ماده تحرق المناطق الرقيقه في الجسم بس اذن من طين واذن من عجين pb095
وهي كريم diprolene سعره 21 ريال
كريم Elica سعره 19 ريال
كريم Fusibact سعره 9 ريال
كريم Rosaten سعره 150 ريال
كريم DS Botanrics سعره 35 ريال
وهذي صورة الكريمات
شوي غاليه بس والله قيمتها فيها
استخدمتها مرتين في اليوم لمدة شهر ونص بس مره ممتازه شالت كل السواد ووحدت اللون وصفتها
والحين بدت تغمق شوي واستخدم كريم بيزلين خاص للمنطقة الحساسه امدحته لي وحده تقول خلال شهرين يوحد كل شي
بعدين كيف بتعتنين بالمنطقه بعد الزواج
اول شي استمري على الخلطه شيلي شوي منها في علبه مرتبه وشكلها حلو ودهني منها اذا صحيتي واذا جيتي تنامين
والغسول الخاص في غسول مره ممتازل وصفته لي الطبيبه قبل الزواج اسمه Perfecta مره ممتاز ويفتح المنطقه استخدميه مرتين بس وباقي اليوم غسلي بشامبو بيبي جونسون للاطفال لانه مافيه اي مواد كيماويه
انا جربت غسولات بعده ما لقيت مثله صراحه
وانتبهي ابتعدي كل البعد عن غسولات نكتار تراها تجيب التهابات لانها معطره وانتي هالفتره
بيكون فيك التهابات وجروح بتزدك وبتتتعرضين لاحرجات ابتعدي عن اي شي معطر
في ملح طبيعي من عند الصيدليه اذا حسيت بالام في الفتره الاولى من الزواج استخدميه مغطس مع مويه حاره
بس بيكون صعب عليك هالفتره ماراح يتوفر عندك حوض انا كنت اخلطه في كاس مع مويه دافيه واغتسل فيه يعقم الجروح ويقضي على البكتيريا
وممكن تستخدمي الملح الخشن بداله
احرصي على جفاف المنطقه دائما
لا تنسين الفوط اليوميه
وفي شغله مره مهمه نبهتي عليها وحده من صاحباتي الله يجزاها خير خذي معاك مناديل الاطفال الي من بيبي جونسون او تشلبز مره تنظف انتي بتحسين انك نظيفه بس اذا مسحتي فيها بتكتشفين العكس خصوصا الفتره الاولى ماراح تكوني مرتاحه بسبب الافرازات
لرائحة العرق
ابتعدي عن مزيلات العرق نصيحه يابنات
والله تزيد الريحه وتغمق منطقة الابط
انا دايم اقرى عن خلطة المسك والشبه والبودره وماكنت اهتم
لاكن لما جربتها لي تقريبا 4 اشهر ارتحت كثير الحمد لله حتى كل الي حولي نصحتهم فيها ومره ارتاحو عليها ريحتها حلوه ومتستحيل يطلع منك ريحه حتى لو نسيتي تحطينها بيوم
والخلطه في ملعقتين شبه وملعقين بودرة اطفال وملعقة مسك مطحون ( مكعبات من عند عبد الصمد القرشي )
وأخيرا الي عندهم ضعف نظر انصحهم يشترون عدسات مره حلو وما تتعب العين وممكن تنامي فيها ما تنشف في العين
انا عيني تتعب من العدسات وتحمر لا كن ذي النوعيه مره ارتحت عليها والله البسها 24 ساعه انزلها وانظفها بالمحلول وارجعها على طول العلبه ب 150 ريال تقريبا فيها 6 حبات حقت 3 شهور مدة كل وحده شهر من يوم ما تلبسينها هذي صورت الكرتون حقها
واتمنى اكون قدمت لكم شي يفيدكم اذا تذكرت شي برجع اقول لكم
واي استفسارات انا حاظره
ولا تنسوني من دعواتكم
