عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اتمنى كل واحده تقرا رسالتي تكون بصحه وعافيه هي وكل غالينها يارب
بنات انا اخوي مصاب بالسرطان الله يبعده عنكم يارب وعلى مايبدو اصابته فيه جت بسبب عين الله يكفينا شر عيون خلق الله
بنات انتم عارفين ان علاج العين بالرقيه الشرعيه
اخوي ماقصر بهالخصوص يقرا على نفسه واحنا نقرا عليه
احنا من الرياض
بس اخوي حاليا راح لمكه
بنات مكه الي تعرف شيخ يقرا هناك وقرايته كويسه ويفضل لو يجي للبيت ياليت بنات ماتبخلوا علي
انتم مثل ماشايفين الحاله صعبه والمرض شين بعيد الشر عنكم
انتظر بنات مكه يساعدوني بهالخصوص وكل بنت عندها خلفيه بهالموضوع
بنااااااات الطايف
سمعت ان عندكم شيخ ممتاز يقاله عبدالعزيز النحاس احنا حاولنا نكلم على جوال اخذناه من واحده كانت تقرا عنه بس المشكله انه مايرد علينا او الجوال مغلق وماحنا عارفين متى مواعيد قرايته ولا وين المكان الي يقرا فيه الي عندها خبر ياليت تنفعني بهالخصوص
كمان سمعت عن قارئ بالطايف يقاله الزامل المصيبه ان الي عطتني رقمه عطتني رقم استراحه له والمصيبه ان الرقم طلع مقطوع وماني عارفه كيف اوصله .. ياليت احد يفيدني عنه
او اذا كنتم تعرفون اي احد بالطايف يكون ممتاز تدلوني عليه
او حتى بنات جده الي تعرف شيخ بجده ياليت تنفعني
انتظركم يابنات لاتتركوني مالي الا الله ثم انتم
والله يجزاها السعد والخير الي تساعدني
والي ماعندها اي خلفيه لاتبخلون على اخوي بدعواتكم
الله يجنبكم كل شر
