20 نصيحه في اهتمامك ب طفلك

لا تنتظري انو طفلك يصيح عشان مضايق من شي معين .. وقت ما يكون هاديء اعطيه حليب لين ما يشبع .. شيطي على حضاينه باستمرار .. لمي و دفيه .. يعني خليه مرتاح عشان يريحك

2-

حاولي انك تعليمين طفلك على الطبيعي والصناعي يعني لا تقولي انا ما بعطيه صناعي ! ترى والله بتتعبين .. عطيه طبيعي بس دعميه بالصناعي .. و حاولي انو الطبيعي يكون اكثر عشان الفوائد الكبيررررره االموجوده فيه

3-

شفاطة الحليب من الصدر اهتمي انها تكون زجاج انظف و تكون معقمه اكثر من البلاستك و نفس الشي الرضاعات

4-

لا تجربي على طفلك امور معينه يعني خلطات و وصفات و خرابيط و لاتعطيه شي الا من الدكتووور وبس

5-

حاولي انك تثقفين نفسك بقراءة المواضيع المهتمه بعمر طفلك و حاولي تجمعين اكبر معلومات ممكنه في بالك عشان تكوني اكثر ثقه بنفسك في تعاملك مع طفلك و ما تصيري معتمده على كل احد في الصغيره و الكبيره

6-

لاتقولين ما اقدر اغسله طفلي او صعبه اسبح .. الخ .. جربي و حاولي .. سبحيه بنفسك و خلي عندك ثقه بنفسك انك قادره تسوين اي شي لأن بالنهايه انتي اللي لازم تهتمي وتحرصي على العناية بطفلك

7-

لازم تكرعي طفلك بعد الرضعه و هذا امر مهم جداً عشان ما تجمع الغازات و الهواء في معدته و يتضايق منها

8-

اضيفي القليل من ماء الورد مع المويه العاديه و شربيها طفلك مره كويسه للبطن

9-

حاولي انك تدفين طفلك بقد ما تقدرين خصوصا في هذي الايام لبسيه قبعه و قفازات و جواريب الخ

10-

تكلمي مع طفلك سولفي معاه حتى لو ما يفهم .. بس ترى يعرف و يميز صوووتك و راح يستاااانس و انت تسولفي معاه .. و يتعود عليك .. و كثير دراسات اكدت انه هذا الشي ينمي مهارات الطفل و يخلسيه نبيه و ذكي .. خذي معاك المطبخ و انتي تشتغلي و اشرحيله ايش جالسه تسوي او ابتكري اي شي معاه

11-

لازم تشترين حاجات طفلك من اشياء معروفه يعني لا تاخذين ماركات خربووووطيه خذي اشياء جيده و جودتها زينه مثلا Pigion بيجون .. معروفه انها افضل شي و هكذا

12-

حاولي تكوني منظمه و مرتبه اوضاع طفلك و حاجاته عشان ما تتعبين بشكل عام

13-

لا تقبلين طفلك .. ترى الجراثيم و البكتيريا ملفقه و الطفل مررررره حساس خصوصا المواليد اذا بتبوووسيه قربي خدك من خده و بوسيه و بس

14-

حاولي تشترين اشياء عمليه و اشياء زاهيه لطفلك عشان انتي تحسين بوناسه و انتي معاه و تعيشين جوووو

15-

لا تصيرين ام ممله .. يعني بس همك و شغلك انك تتذمرين و انا ماعندي وقت لفنسي و انا و انا و البيبي تعبني و ياربي .. الخ .. ترى اذا سويتي كذا راح تبقين كذا و بتقصين طوووول عمرك انسانه نقااااقه و مالها سنع .. بالعكس .. انبسطي .. انتي سواء عصبتي او استانستي غصبن عنك راح تربين طفلك و تهتمين فيه ! ف استمعتي بهعالشي .. اشتريله ملابس تونس والوان رايقه .. تحلي عليه .. لعبيه .. دلعيه .. حطي كل تركيزك عليه و انه تعطينه ثقه بنفسه لأن والله يا بنات الثقه بالنفس تتولد من الصغر .. و مهم انه الانسان يكون واثقه بنفسه ف لا تعذبين طفلك بأنك تولدين عنده مشاعر غلط من الصغر

16-

لا تحطين حرتك و تعصيبك على البيبي وقت ما تكون متهاوشه مع زوجك .. ترى مو لصاللحك .. بالعكس حني عليه و لميه و راح ينكسر خاطر زوجك عليك و يحن عليك و يحس انه بالغ شوي بالهوشه

17-

لا تعتمدين اعتماد كلي على الشغاله يعني حتى قدام زوجك لعبي طفلك و اهتمي فيه مو انه عندك شغاله معناها ترمينه عليها ترى حتى زوجك راح يتضايق وهو يشوف طفله مو في يدين امه

18-

عودي نفسك انك تقرين المعوذات على طفلك دائما

19-

صيري ام مرحه و لا تحبسين نفسك انه يعني عندك بيبي !! ترى اكبر غلط .. اتفقي مع وحده من صديقاتك او امك او اي احد و عطيها طفلك و روحي غيري جووووووووو و انبطسي احضري اعرااااس و حفلات و جمعات و كل شي

20 –

اهتمي بنظافه طفلك و تلبسيه و تعطيره خصوصا وقت الطلعات

وبس

الموضوع من مجهودي الشخصي الرجال ذكر المصدر عند النقل