عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
ازيكم يا احلى بنات
الحمد لله معظمنا فى هدا القسم نعرف بعضنا
هقولكم على فكرة الموضوع
اكيد كل واحدة فينا من ردود العضوات السابقة
كونت فكرة عن شخصيتها
مش بس كدة
دى كمان رسمت لها صورة فى خيالها;)
يعنى اول ما بتقرا رد العضوة دى
بتكون متخيلة شكلها وكانها تعرفها صح؟
وممكن تكون الصورة دى بعيدة عنها خالص
طولت لوك لوك انا
اقولكم انا هختار عضوة
واكتب لكم تحليلى لشخصيتها من ردودها السابقة
وكمان تخيلى لشكلها
وانتم كل واحدة تدخل تقول رايها وتخيلها هى
والعضوة دى ما تردش الا بعد 6 ردود
ايه رايكم
انا طبعا ما اعرفش غير 4 او 5 عضوات
بعد ما نخلصهم
انتم بقى تقترحوا عضوة ونكتب عنها
فهمتونى والا ايه 😆 🙄
العضوة الاولى
شيماء 050
من ناحية الشخصية 💡
انا اشوف شيماء
طيوبة جدا
الى فى قلبها على لسانها
ما بتعرفش تخبى اى حاجة يعنى لو قعدتى معاها 5 دقائق تقولك كل حاجة عنها
اعتقد لها اصحاب كتير اوى
لو قعدت فى قاعدة ما تعرفش حد فيهم اكيد مش هتخرج الا وكلهم اصحابها
مثال للبنت المصرية الجدعة
لو لها صاحبة بتبقى مخلصة لها جدا ودائما تنصحها بالخير
الى فى دماغها بتعمله بتعمله حتى لو ايه
سريعة الثقة فى الناس
واعتقد ثقتها دى بتسبب لها مشاكل فى حياتها كتير
من ناحية الشكل 😈
اتخيلها
مهتمة اوى بنفسها فى البيت وبرة البيت 😆 idea:
قصيرة يعنى 159 او 160
شعرها قصير ومصبوغ بنى فى دهبى
لونها قمحى
عينها واسعة وسوداء او بنى
شوشو بعد البنات ما يردوا
طبعا مش لازم تقوليلنا شكلك
بس تقولى من اكثر واحدة تخيلتك صح من ناحية الشخصية
ومن اكثر واحدة تخيلتك صح من ناحية الشكل
وما ترديش الا بعد 6 اراء
يالة يا بنات ايه رايكم؟
