ممكن تقرو موضوعي للاخر..صديقتي يجوها خطابة وانا لهدرجةصرت

السلاااااااااااااااام عليكم ….

يا حلوين هذا الحجي اوجه الي قبل كل وحدة .. واتمنى اطبقه دايما
واتمنى تقرووه للاخر الله يوفقكم

مادري شون ابدي بلموضوع … بس راح احجي ومتوكلة على الله…

شعور وشلون اوصفه… انا عندي صديقة انا وهي بنفس المرحلة الدراسية بس هي اكبر مني ب 5 سنوات تقريبا … مهم نحنا صديقات والحمدلله … هي عائلتهم كبيرة كلش ماشاء الله ودايما طلعاات وسفرات وتجمعات الله يهنيها .

بعكسي ..
انا دايما بلبيت وماكو لا حفلات او سفرات .. مهم الحمدلله مو هذا موضوعي …

هي دايما تحجيلي انو ابن عمتها يريد يخطبها وشخص شافتو بلزواج انطاها رقمو وشخص مدري منو حاكي وي خالها انو يريد يخطبها وجماعة بزواج رادو يخطبوها مااشاء الله فهي دايما تحجيلي ..

صرااحة اكو شي بداخلي يكلي طيب ليش انتي مو مثلها يخطبوج …

وبصرااحة اني من النوع الخجوووووول وانطوائية وما اجتماعية وهي اجتماعية كلش وهي تطلع زواجات وسفرات واني ما اطلع يمكن هذا السبب مادري وماريد اعرف مهم يا حلووين …

ال
يوم جنت وياها طلعنا مع بعض .. فهي جانت مسافرة فكلتلي انو ابن عمها راد يخطبها وحجى ويا امها وكل خواتها عرفووو وكللها مستعد اسوي اي شي بس وافقي… انا حسيت انو انا ولا شي .. حسيت بنقص …دايما كنت احسة لمن جانت تحجي وياي عن الي يجون يخطبوهااا

هي رافضة فكرة الزواحج حاليا .ز مهم رفضت فجانت داتحجيلي كل التفاصيل ( على فكرة مثل ما كلت هذا مو اول شخص كرايب يخطبها اكو قبلو كثير …. )مهم ..
ا

ليوم لمن جانت تحجي اني جنت داسمع وباوعت للسما كلت مع حالي … مو عيب ليش اضوج وليش اغااار( لا تفهمون قصدي غلط صديقتي وعلاقتي وياها كلش زينة بس اغار لان كلش يخطبوها ماشاء الله الله يهنيها) ولا اتضايق لان محد يخطبني … طيب وين انا من ديني وين ايماني بربي .. وين يقيني .. لهدرحة صرت ضعيفة الايمان ..
لهدرجة صرت اغااار على شي تافه … لان مو ذنبي اذا اني جنت خجولة ومو اجتماعية …عيب علي بكل معنى الكلمة …
مو عيب علي بعد ما ربي كرمني وساعدني وخقق الي اريد ورزقني بأهل وبكل شي
اني ماارضى واسخط لان ما دايجوني خطابة .. معقول لهدرجة اني مو زينة وما راضية بقسمة ربي …

بس شي بداخلي يتحرك لمن تحجيلي انو كل فترة شخص يريديخطبها ويحبه ... لكن الي خلقني ارحم بي من امي لهذااااا لكل وحدة متأخر زواجهاااااااااا ناااااامي وعيشي حياتج وانتي مرتااااااااااااااااااااااااااحة علاخر
لان الي خلقج رحيم بيج … والله سبحانه تعالى كال ( انا عند ظن عبدي بي ) ظني يارب راح اتزوج واحد احبه ويحبني موووت ونعيش بسعااادة حتى لو هسا محد خطبني ..

مارايد اخلي الشيطااان يتغلب علي ويكلي اني مو حلوة ومو حبابة وما ناجحة بس وفااااشلة 0 (اني احس هيج ) الله اكبر .. ربي اكبر من همي واكبر من حزني واكبر من كل شي بحياتي .
فياابنات اطمنوووووووووووو واعرفووو انو كل يوم يتأخر بيه زواجكم راح يقرب زواجكم بس حطو ايمانكم بالله كبير

واعيد لا تفهموني غلط امبور الغيرة بس لا اراديا الوحدة تشعر بنقص من تسمع صديقتها يجوها خطابة كثير وهي لا

واذا احد ما فهم على لغتي فخلي يكول

سبحانك اللهم وبحمدك اشهد ان اله الا انت استغفرك ربي واتوب اليك