عالم البنات النسائي كل ما يخص المرأة العربية من ازياء وجمال والحياة الزوجية والمطبخ
شوفو مكياجي بعرس رفيجتي بالخطوات المصوره حياكم
هاي بنات شوفو لوكي بعرس رفيجتي وعطوني رايكم
كل الي بنحتاجه
والحين دور خلطاتي ومكساتي السريه
والاساس الخفيف
جوفو مثلن انا استخدم لوريال للاستخدام اليومي وباستخدام ديرماكول بحوله لاساس ينفع للسهرات ويدوم وهالكلام عن تجربه
والديرماكول للي مايعرفه اهو مثل عصاره تغطيتها قوووويه من قلب وكثيفه يعني لا تفكرين تحطينه كانه اساس لان بتكونين جنج لابسه قناع او مثل ويه كاسبر بالضبط :21_133: نصييييييييحه يابنات لا تستخدمونه كساس
الفكره :: حطو كميه قلييييييييله جدا من الديرماكول لاانه وايد قوي وكميه قليله تكفيج لتغطيه الويه ومكسوها مع الفاونديشن مالكم ومكسوا على اليد وهالحركه بالذات تسخن الاساس وبالتالي يثبت اكثر على الويه
————————————————————-
والحين دور الكونسيلر من افضل ماجربت ::
بالنسبه للكونسيلر اخذي درجه افتح من لون اساسج وبليييييييييز لا تاخذين النوع الي ايكم وردي او ابيض او بيج فاتح نهاااااائيا مو حلو وكلش مو طبيعي اللون الصح اهو الاوان المصفره جريب البيج
كريولاين كونسيلر ويل :: شغل عدل واهو كونسيلر وبنفس الوقت يستخدم لنحت الويه
وعندهم هالنوع الثاني بعد حلو
وماك اينن وااااايد حلو واكثر شي يعجبني في هالماركه اهو اختلاف الدرجات واهو تغطيته اقل واخف من كريولاين بس حلو وايد يعطي لوك طبيعي
______________________________ _________
وعشان يكتمل اللوك بنحتاج هالشغلات ::
وهالشغلات اختياريه فيج تحطين او لا
والاهم من ذا كله الرموووووووووووووووووووش التركيب و****لله بنزل درس صغنون عن كيفيه تركيبهم
جلترز 
وبالنسبه للاساسيات لاااااااااااااااااازم عشان تضمنين مكياجج يدوم اطول وقت
ماك فكس بلس ( مثبت للمكياج ) 
واذا ماعندج عبي ماي داخل اي نوع من المرشات وخليها بالثلاجه ضروووري ورشي منها بعد يثبتلج الميك اب
والطريقه انج ترشين على بعد شويه مو من جريب وترشون تقريبا مابين 3- 4 رشات تقريبا بحيت يتغطى الويه كامل وتحسن مثل رذاذ الماي على ويهج ناااعم
والحين عشان يكتمل الموضوع حطيت لكم خطوات ميك اب سموكي يصلح للحفلات ومايحتاج تفتنتق وسهل وكنت مسويته من فتره وبسرعه بسرعه فسامحوني اذا الخطوات مو واضحه
هاي الشغلات الي بنستخدمها 
ونسيت اصور كحل اسود سمايلنغ
والخطوات بالصور من غير شرح ،، تعبت وانا اهذر خخخخخ
وبس
عسا الموضوع عجبكم واستفدتوا منه ومايكون هذره على الفاضي والي عندها اي استفسار انا حااضره وهالله هالله بالردود والتقيم اذا كان الموضوع يستاهل
اختكم :: مدمنة الميك اب ::احساس مطير
فديت بنت قبيلتي
منقوووووووول
