عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بنات فيني قهر عليكم ومنكم حرام اللي تسووونه بأنفسكم
إذا أنتوا في العشرينات حتى اللي في بداية الثلاثينات ومتأزمين نفسيا
أجل أنا واللي مثلي واكبر مني وش نسوي وش نقول تدرون اني لما اشوف
اعماركم واشوف حزنكم اقول في نفسي استحي ادخل المنتدى واكلم البنات
لاني بالنسبة لكم عجوووووز انا عمري 36 سنة وماعرست وبنات خواتي شلتهم
على يدي والحين تزوجو واشيل عيالهم والاعبهم
تدرون انا وش صار لي انا مرتين انخطب في نفس الوقت اللي انخطبوا بنات خواتي في نفس الاسبوع
وصار لي مثلهم شوفه شرعية وشبكه هم الحمدلله رب وفقهم وتمم لهم على خير وتزوجوا انا تفركش كل شي وماتمت الخطبه تخيلوا يعني مثلاا اليوم تفركشت خطبتي وبعدها بيومين سوينا خطوبة بنت اختي وحضرت ورقصت صح في داخلي الم وحزن بس انا مابيدي شي ادعي ربي وربي بيده كل شي
انا اقول لكم هالكلام وربي احبكم وخايفه عليكم لاتحطمون انفسكم توكم صغار استمتعوا وانبسطوا
واكشخوا احلى كشخه ولايهمكم احد وثقوا ان الله بيرزقكم الزوج الصالح
ياربي ياحي ياقيوم ياعالم النوايا والسرائر اسئلك باسمك الاعظم
ترزقني وترزق كل بنت في المنتدى وبرا المنتدى وترزق بنات اخواني وكل احبابي ومن اوصاني بالدعاء
بالزوج الصالح اللي يسعدنا ويعفنا ونعفه
يارب انزل السكينة والفرح والطمأنينه على قلوب البنات وكن لهم ولي عون ونصير على المجتمع الظالم
