معاناتي يوم ولادتي

السلام عليكم يااحلوااات
بقولكم قصتي يوم ولادتي
بس البنات البكريات لايخافون لان مو كل وحده راح تتعسر ولادتها والله يسهل على الجميع يارب
طبعا انا بكريه …صارت القصه يوم الاربعاء سادس العيد والولاده تمت 7 العيد الخميس من الساعه 6 الصباح وانا فيني الآم ومدري شسالفه وتكرمون ذبحني البول لين الساعه 12 الظهر
طبعا زوجي لاحظ وكل شوي يسأل فيك شي
طبعا انا ماتوقعت ولاده لان موعد ولادتي المفروض بعد اسبوعين ونص
االساعه 2 دخلت الحمام تكرمون وشفت مثل الخيط طويل دم نازل مني خفت وقلت لزوجي وكلم امي قالتله ولاده خلاص ودها المستشفى
طبعا رحت مستشفى الولاده والاطفال بالدمام ……….. انصحكم فيه مررره عنااايتهم روووعه 💡
كشفو علي الرحم مفتوح 2 سم
وبدت المعاناه من الساعه 3 العصر لين الساعه 8 بالليل وانا الطلق ذبحني لين ما انفتحت علي المويه
>>>>نزلوني غرفه الولاده
من الساعه 8 لين الساعه 3 الفجر اليوم الثاني وانا ذقت الموت الرحم موراضي يفتح اكثر من 3 سم
على الساعه 4 انفتح 6سم
وجاني الم فضيع
لدرجه اني شلت المغذي
وقعدت اصارخ <<<<<<<<<< اقولهم شقو بطني خلاااص ابي قيصريه انا مواافقه تكفون
وعلى الساعه 5 انفتح الرحم 10 سم وبدت معاناه الولاده
طبعا الدكتوره مررره خطيره اسمها غاده مصريه
ساعدتني مرههه وانا واولد
طبعا ولدي كان شارب المويه وما كان يدفع
تعبت زياده بس بعد ماجرحتني دخلت يدها وسحبته
طبعا هالكلام 6 ونص الصباح تمت الولاده بس كان لون ولدي بنفسجي وما بكى خفت خذوه للعنايه بس الحمد الله صحته صارت زينه
وسميته ســــــــــــــــــعـــــــــــــــــــود
بس خلاص ذقت الموت ماودي اجيب ابي اريح لو 10 سنين وانسى الولاده بعدها افكر
والله يسهل عليكم حبيباتي وتصير ولادتكم اسهل ولاده يارب