معاناتي معهم….مالهاحل

اسمحوا لي بسردمعاناتي:( واسمحوا لي بأن

اسميها معاناااااااااااه لان مالها حل ولانهايه لها الا

ان يشاء الله سبحانه 😈

اما ابطال هذه المعاناه فهم اهل المصايب عفوا

اقصد اهل النصايح وهم فئه من الناس درجت على

ابداء النصح والتوجيه لناس المشكله انهم

مايتميزون بشي وربما هم اقل منا بكل شيء

وربما يكونوا من انجح الناس عمليا لكن عيبهم

انهم يريدون ان يتصرف جميع الناس مثل تصرفهم

ويفكرون نفس تفكيرهم ونفس احلامهم حتى

وطريقتهم بالحياة بمختلف اشكالها يعني بالمختصر

يريدون الناس جميعهم صوره مطابقه لهم ياعيني

ومشكلة هذه الفئه ان الي يخالفهم ومايسير على

نهجهم يعتبر انسان مريض

اهل النصايح اما يكونو من خارج المحيط العائلي

وهؤلاء تاثيرهم عرضي وما علينا منهم او يكونو من

محيط العائله وهنا مربط الفرس الناصحين من العيله

وهذا المرض كله لانك مجبور على مقابلتهم بصفه

مستمره ومجاملتهم والتودد اليهم لتكسب رضاالله

ويارب ياجرنا خير

هؤلاء هم الي يقصرو بالعمر ويضيقو عليك الوسيعه

ويغرقونك بسيل من النصائح والقصص الماساويه و

وينقذونك بنصائحهم وتجاربهم وخبراتهم العظيمه و

حنكتهم في ادارة الامور

وياويلك لو خالفتهم الرأي وانت اصلا منت طالب

شىء يدخلون بحياتك غصب عنك بحكم القرابه

مثلا:عندما اردت التسجيل في الجامعه قالولي

انتبهي لا تدخلي الجامعه الفلانيه والله صعبه

تخصصاتها ومالها مستقبلتتخرجين وتجلسي بالبيت

انتبهي تكلمي اي بنت او تاخذي منها شي حنا

سمعنا انو فيها وفيها لاحظو سمعو بس يعني مش

متاكدين طيب تخوفوني ليش هل هذا هو النصح

مثل اخر:تخرجت من الجامعه ولله الحمد وتوضفت

لكن لسا ماتزوجت ايش قالو الناصحين حاولي انك

تكثري طلعات ممكن تتزوجي وبالشين اعمارهم

فيني طيب انا مبسوطه والله مبسوووووووووووطه

صوره ثانيه:طيب تزوجت ولما جينا بنسافر طلعولنا

100بلا بالبلد الي رايحين له والمصيبه انهم بس

سمعو مش متاكدين طيب ليش التعقيييد هذااااا

صوره ثانيه:حملت وبالشهر الاخير قالو انتبهي من

المستشفى الفلاني اخطأهم الطبيه كثيره وسمعنا

ان المستشفى الي تراجعي عندهم في حرمه

ماتت وهي تولد خلااااااااااص حرام عليكم

صوره عاشره:جبت اول بنوته اسم الله عليها زي

القمر ايش قالو كم وزنها لما جبتيها صغيره والله

ليش ارجولها كذا ليكون معها خلع ليش عيونها

تدمع ليش وليش يارب ارحمني بس

الصوره العشرين:جبت شغاله بحكم اني موظفه

قالو شلون تتركين بنتك عندها كل هذا الوقت انتبه

لاتخليهاتطبخ لكم ولا تسوي لكم شي لاحول ولا

قوة الابالله حتى لما يشوفوني ساكته بسببهم

يقولوا انتبهي لتكون الشغاله مسويه لك عمل

صوره خمسين:زاروني اهل زوجي وام زوجي زي

العسل احبها مثل امي جاء اهل السنع وقالولي

انتبهي من امه لا تعطينها وجه خليك رسميه معاها

حتى ماتتمادى معاك حتى بنتك لاتودينها عندهم

كثير حتى ماتتعلق بهم وتبلشك طيب انا مبسوطه

معاهم خلااااااااص

الحلقه الاخيره مع اهل النصايح والسنع قالو لي

مشاء الله عليك جمال ودين وعز وزوج رومنسي

استغربت وش صاير بالدنيا وين المصايب وما امداني

افيق من دهشتي حتى قالو انت ماتخافين على

نفسك من العين قلت انا مؤمنه واتحصن دايم

قالو ماينفع والله لو احد شافك غير يصكك عين

ومن مستشفى لثاني العين حق قلت لهم طيب

وش السواة قالو خليك بالبيت لاتطلعين مره وحنا

بنزورك من فتره لفتره تعبت والله تعبت الله يهديهم

مااقدر ادعي عليهم لانهم مني وفيني

الى هؤلاء الفئه من الناس اقول كما قال عليه

الصلاةوالسلامب بمعنى[قل خيرا او اسكت]

انا اعتبر الحياه مثل الحكايه الله سبحانه خلق

الناس جميعا وكل واحد من هالناس له قصه

سيعيشها بحلوها ومرها يعيش فيها تجارب و

خبرات ومن هنا يختلف البشر النصيحه حلوه

لكن بحدود وأدب ياهل النصح خلو الناس تعيش

تجاربهم مثل ماعشتوها انتم

الي يقرأ معاناتي ياليت يقول وش رايه بهؤلاء الناس