عصبية زوجي ارهقتني لأبعد حد …… ارجوا المساعده

(قبل كل شي اخواتي حبايبي والله كتبت موضوعي ابغى مساعده وحل
فياليت اللي تدخل ترد علي لو بكلمه يمكن ربي يكتب لي فرج من كلامها او خبرتها
ويمكن تفيدني وتفيد غيري من اللي يقرؤا الموضوع )

السلام عليكم ورحمة الله وبركاته

موضوووووووعي وااااااااااضح من عنوانه وارجوا من اي وحده تدخل تساعدني

عسى ربي يفرج همي وهمكم

انا زوجي الحمد لله طيب معاااااااااااي بس عصبيته تخرب كل شي

ممكن يزعل ويعصب علي ويقلب الدنيا فوق راسي ويخرب كل شي حلو بيننا

ويجرحني ويهينني

انا ما ابغى اطولها بس ابغى اقلكم انا حساسة جدا ودمعة على طرف عيني للشي اللي
يحوج واللي ما يحوج ( وطبعا الحال زايد مع الحمل )

قبل كم يوم زعل علي عشانه مزنوووووووووووق وانا طلبته كاميرا
اني على وجه ولاده وحابه اصور البيبي ان شاء الله

هذا الموقف اللي صار
والله خرجنا بالسيارة قوم علي الدنيا ما قعدها
سب واهانة وتجريح وما خلى للطيب محل
يقولي انت ما فيك خير
انت انانية
انت داخلك وسخ
انت كذابه .. يقصد في حبي له ..

انت ما تعرفي كيف الحرمه توقف مع زوجها

هذا كله واحنا قبل سنة تقريبا سافرنا وكان مزنوق وبعت طقمين ذهب عشانه
وانا كنت عروس صار لي سنه متزوجه

ومره رحنا السوق وكان معاي خمس مية من عند امي وصرفتها له وهدايا لاهلي واهله
واقول عادي زوجي مزنوق

بس ما شاف لي الا الشي البطال
ولما ذكرته فيها ( طبعا من كثر ما قهرني )
صار يسب فيني زيادة ويقول ارجعها لك عالجزمه
ويسب في صحباتي طبعا حسب الحكاوي اللي انا من لقافتي احكيه عنهم

انا اللحين حامل في التاسع والله خفت على اللي في بطني من الشي اللي سواه في

صرت ابكي واصرخ من الالم ويقولي مافيك الا العافية

اخر شي اخذت يده ابوسها اقوله الله يخليك خلاص

لما قربنا من البيت صار يقولي خلاص انسي الموضوع واعتبري ما صار شي
انا ابغى انسى اللي سويتيه وانت كمان انسي
دخلنا البيت صار يعتذر مني وفي البدايه صديت عنه وبعدين صرت اقوله خلاص سامحتك وانا
من جوه قلبي مليان عليه وماني قادره اسامحه
لاول مرررررررره صرت ارفع يدي وادعي عليه ونمت و اصحى كم مرة من نومي ابكي شويه وارجع

وطبعا لاحظوا الفرق بين موقفي وموقفه