مشكلتي مع زوج صديقتي

السلام عليكم والله ما كتبت لكم الا لثقي فيكم انكم راح تساعدوني مثل ما ساعدتوا صديقتي في مشكلتها والحين هي مرتاحه . ساعدوني في مشكلتي مع زوج صديقتي يبغي يتزوجني وانا ما ابغيه علشان صديقتي … مشكلتي بدأت قبل اسبوعين انا كنت رايحه عندها وكان زوجها واقف جمب باب بيتهم وكان يناضر ليه بشكل غريب يوم ثاني دق علي من جوالها وانا رديت قلت هلا فلانه قالي انا فلان مو فلانه قلت له خير فيه شي فلانه فيها شي لاني صراحه خفت قالي لا انا الي فيني شي انا ابغيك وابغي اكلمك انا على طول سكرت الجوال في وجهه وبدأيراسلني من جواله ويقول انا افكر فيك وابغيك بلاحلال وعلى سنه الله ورسوله انا مارديت عليه اقرأ الرسايل وامسحها على طول وصار كل يدق علي وانا ما ارد حتى جوالى صرت اخليه في الغرفه ما اطلعه اخاف اخواني يدرون ومره كانت امي تكلم اخوي من جوالي وخلصت وحطت الجوال في الصاله اتصل علي قالت لي امي ليش ما رديتي قلت لها رقم غريب ما اعرفه قالي اخوي جبيه وكلمه اول ما رد عليه قاله هلا قاله اخوي هلا في عينك يا حقير وهزأه وقاله لا تتصل على هذا الرقم مره ثانيه انا حمدت ربي انا ما قال اسمي ولا لو قال اسمي كان قتلني اخوي رسل ليه رساله قالي الي سواه اخوك وصدك عني خلاني اتمسك فيك اكثر واثبت ليه انك بنت عايله محترمه وقالي ما راح اتصل عليك بكتفي بالرسايل فقط لين تقتنعين تتزوجيني ومو بس كذا صار يراسلني على الاميل ويرسل ليه صوره ويكتب ليه اشعار بأسمي واسمه وانا اقرأهم وامسحهم على طول وصار ليه اسبوع ما فتحت اميلي خايفه ادري انه مليان رسايل منه كان يرسل ليه يقول انه مو مرتاح مع صديقتي وانه ماخذها علشان يرضي ابوه وهي بنت عمه ابوه يبغيه يأخذها علشان هي يتيمه وما عندهم احد كلهم بنات وهو صادق في كلامه لان صدقتي قالت لي هذا الكلام ومو مقتنع فيها وصار لهم اربع سنوات من تزوجوا وما عندهم عيال وهيا تتعالج علشان العيال و كان رغبته يأخذ من خارج العايله ويرسل لي في اليوم يمكن اكثر من عشرين رساله في كل وقت حتى الفجر يرسلي ويقول لي انتي ما لك دخل الله حلل الرجال يأخذ اربع وانا مقتدر ليش ما اخذ رقبتي وهي بنت عمي على عيني وراسي بس مو على حساب راحتي بتعيش معززه ومكرمه وانتي نفس الشي والي صدمني اكثر شي انها البارح زارتني وجابت لي هديه انا وهي متعوديني اي وحده فينا تسافر تجيب للثانيه هديه جات بيتنا وعطتني الكيس الي فيه الهديه وجلسنا مع بعض وكانت تشتكي ليه انا زوجها تغير عليها وصار دايم يسرح وكل يطلع من البيت وصار يحط رقم سري في جواله بعد ما كان عادي يخليها تفتحه اي وقت انا خففت عليه وريحتها وراوتني خاتم وسلسل ذهب مكتوب عليه اسمه واسمها في ذكرى زواجهم بعد ما راحت من بيتنا فتحت الكيس وتفجأت انه في علبه ذهب فتحتها الا انه مسوي لي نفسه بالظبط اسمي واسمه انا استغربت ما ادري غباء فيها اشلون حطها وما انبهت فيه وبعد ما راحت طلعنا انا وامي واخوي السوق وانا كنت مصدومه منه الرسايل اقدر امسحها بس الذهب وش اسوي فيه رجعنا البيت رسل ليه رساله يقولي شفتيني عادل راح اعدل بينكم في كل شي بس انتي وافقي ورسل ليه رساله ثانيه قالي فيها انه كان يراقب بيتنا وانا طلعت في الساعه عشر مع اخوي وقالي لون شنطتي وين ركبت واي سوق رحنا وقالي انا كل يوم اجي اراقب بيتكم واليوم رسل لي رساله يقولي كان مت بسببك صار علي حادث لاني كنت افكر فيك طول الليل ما نمت بسببك صورت ما راحت عن بالي وصحيح دقيت على صديقتي قالت ليه انه مسوي حادث وقبل ما اكتب لكم رسل ليه رساله يقول ليه ريحيني عطيني الضوء الاخظر علشان اخلي اهلي يجون يخطبونك خلي الفرحه تصير فرحتين خطوبتي وقدوم شهر رمضان لا يصير قلبك قاسي وتخلين الصداقه تغلب على حبك وراحتك والله اني لا اعيشك ملكه بس وافقي وانا ما ادري وش اشوي ساعدوني الله يوفقكم واشلون اتعامل معه لا تقلون قولي حق اخوانك لاني لو قلت لهم بيقتلوني وسامحني على الاطاله