عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيف الحال؟
انا عمري 18 سنه وبنات خالتي وحده عمرها 15 والثانيه 12
انا معهم صديقات كثير نمت معهم بيت جدتي اسبوع كامل بس يوم الاربعاء صارت لي مشكله معهم كنت انا جالسه على الكنبه مضايقه من مشكله صايره في بيتنا وبنات خالتي جالسين في الارض ومعهم بنت خالي 13 سنه المهم بعد فتره سمعت بنت خالتي 15 سنه معصبه وتتكلم علي وتقول اني مزعجه وماخليهم يتمشون على راحتهم في المجمع وماخليهم يرحون لحالهم ودوم استعجلهم لان حنا كن رايحين مجمع الاثنين وانا الوحيده اللي عندي جوال يعني لازم اكون معهم دوم عشان خالاتي اذا تصلوا علي وانا مابي البنات يتمشون لحالهم عشان ماتضيع وحده واتوهق لان ماعندهم جوالات
المهم قمت انا عصبت من اسلوبها وكلامها جالسه تصرخ ومعصبه كاني بزره عندها وقلت لها كلام وانا مو في وعيي لان اساسا مضايقه من اشياء كثيره وكنت افكر فيها وهي جات وزادت علي
وطبعا اختها 12 سنه وقفت مع اختها ضدي وبنت خالي ساكته ماتبي تدخل بينا وبالنهايه اخذت اغراضي وعبايتي واتصلت على اخوي ورحت بيتنا مع اني متفقه مع البنات نطلع في الليل وبعدها نرجع بيت جدتي انام مع بعض بس بعد الهوشه انا تركتهم وقبل شوي وصلني خبر انهم ماراح يكلموني لاني كبرت السالفه وهي ماتستاهل وخالاتي يوم عرفوا السالفه قالو لهم ليش يمزحون معي وهم يدرون ان نفسيتي خايسه وماينمزح معي والله اني تضايقت مرره من المشكله كلها ودي ترجع علاقتي مع بنات خالتي مثل قبل
وخصوصا ان يوم الثلاثاء في حفله في بيت جدتي وضروري اروح ولاني عارفه كيف بتعامل مع عيال خالتي وعاد جدتي الله يهديها نشرت السالفه لـ الكل ..
انتـظـر ارئـكـمـ ..
