مشكلتى مع خطيبى ساعدونى بآرائكم

السلام عليكم ورحمه الله وبركاته
انا مخطوبة حكمل شهرين اهو انشاالله يارب عقبال كل البنات،انا وخطيبى زى بعض تقريبا فى كل حاجة وده حلو اوى بس اوحش حاجة بقه اننا زى بعض فى العصبية احنا الاتنين عصبيين موت وانا بحاول اسيطر ع الموضوع ده يعنى لو حصل حاجة بحاول اسكت انا او مش ازعق ولا اطلع كلام غبى زى مابعمل مؤخرا بقيت بحاول اسيطر ع نفسى
المشكلة بقه ان انا مش بحب السجاير وخطيبى مدخن وفى اول مرة قعدنا فيها فى البيت لما جلنا قلتله مش بحب السجاير خالص قالى حبطلها من بكره وبقالنا شهرين اهو لابطلها ولا حاجة هو بصراحه حاول ماشربش ولاسيجارة لمدة 4 او 5 ايام تقريبا بس بعدها لما سألته لقيته رجع يشرب واحدة فى اليوم او اتنين كده وطبعا مادام رجع يشرب يبقى حيرجع زى الاول ويشرب عادى
وهو مش قاعد معايا هو بيشتغل فى بلد عربى ومسافر دلوقتى والمفروض يرجع نتجوز انشاالله كل مااسئله عن السجاير لازم نتخانق لازم ونقفل واحنا متخانقين ولما ازعل يقولى يعنى اكدب عليكى مادام عارفه ان الرد حيضايقك بتسألى ليه وع الحال ده ومش عارفه اسكت واسيب الموضوع ولا لا واقوله يعنى مش خايف ع صحتك مايردش واقوله طيب نفذ اللى قلتله انك حتبطلها يقولى طيب وبعد كده اسئله يقولى شربت واحدة فى اليوم وبتغاظ منه وى بقه لما اسئله ويقولى ويقولى شربت وضايق بتغاظ اوى لما يقولى انتى عايزه تنكدى علينا هو مش كده بخاف ع صحته ولا بنكد، واكتر من مرة بيسألنى هو انا لو مابطلتش حتسبينى مش فاهمه قصده يعنى هو حاطط فى دماغه انه مش يبطل ولا ايه بس فى الاول كنت بسكت بس سالنى امبارح نفس السؤال وقلتله لا مش حسيبك بس نفضل نحاول بس اللى مضايفنى انه مدام قدر يسبها وبعدين رجع يبقى كده خلاص مش حيقدر يسبها اعمل ايه .
بجد حاسه انى مخنوقه وانا من النوع اللى بيتحرق دمى علطول وبفضل احرق فى روحى مش تقولوا مشكلتى هايفه بس بجد مش عارفه اعمل معاه ايه او اتعامل ازاى وكمان موضوع اننا عصبيين اوى دى مشكلة لوحدها بس زى ماقلت بحاول اسيطر عليها وهو والله طيب وكويس بس مش عارفه لما بنتخانق مع بعض بنبقى وحشين اوووى تخيلوا بقه عصبى مع عصبية وعنديين كمان
ساعدونى بآرائكم