مشكلة المواقف تستمر باي مكان

السلام عليكم بنات
جيت لكم افضفض نبي حل..لما تحاولي تنسين جروحك كلها
والتحقتي بعمل بسيط تشغلين وقتك عن الماضي والمشاكل..بس اكتشفت بكل مكان الناس تذكرك
وتعلق..دخلت المكتب الا وحدة من لموظفات تقول بصوت عالي بسال سؤال
وسؤالها كانوا يتناقشون عن اعمار بعض..ودخلت تبيني اقول عمري..جلست تخيرني انت مواليد كذاا
طبعا تفكرني صغيرة..
وكل وحدة تقول وتعلق عن سنها وقمت تهربت بطريقة لطيفة قلت لو فيه خطبة بقول
قالت انت كذاا قلت اكبر شوي..ولاحددت ..
ووحدة من ابنات عمرها 25
يعني انا بالموجودات يمكن اكون اكبر وحدة بين الحاضرات ..والا هي تاشر على وحدة عمرها 25
وتضحك تقول عانس عانس<<< طبعا بمزحة بس واضح انها تعبتر هالعمر كبيرة
طيب انا وش تقول عني لو عرفت..

وموقف اخر سالتني ثانية انت كم عمرك…قلت اخر العشرين هههه
طبعا صغرت عمري شوي منعا للاحراج والتعليقات قالت انت مثلي بس هي تزوجت
قالت ماتزوجتي قلت لا<< وهي مستغربة
قالت ان شالله تتزوجي تقولها بنبرة استغراب قلت ان شالله

وموقف يتكلمون عن اللي ملكت وانفصلت ..قالت وحدة الناس مرة يحسون انها مسوية شي تتكلم بنظرة الناس ..

انا كنت بس اسمع مطيرة عيوني وماقلت لهم اني كنت مملكة
قالت كنا خاطبين بنت لاخوي ماعليها مافيها عيب يوم عرف انها قد تملكت رفض…
قلت قريباتي كم وحدة ملكت وانفصلت وبعد كذاا تزوجوا

نظرة قاصرة انا ضحية مجتمع غبي
للاسف المجتمع الغربي افضل نظرة ومكانة البنت ماتتغير لو تاخر زواجها ومثلها مثل غيرها
ولاشي مستنكر ويحق لها تتزوج شاب وتختار ..اما نا نظرة مجتمعنا غبية

ماقول الا حسبي الله ونعم الوكيل….الله يفرجها من عنده ويغنينا عن خلقه
اللهم اني استعففتك فعفني:(