مركز صيفي لتعليم الاطفال اللغة الانجليزية تديره امريكية

ماأدري اذا الموضوع مكانه هنا والا لا.
بس حسيت انه كثير من الامهات حيكونوا هنا فحبيت افيدهم..
في مدرسة في جدة تديرها امريكية بنفسها…
هي مدرسة طوال العام…. بس الان في الصيف فتحت مركز صيفي لمدة 4 اسابيع فقط..
تعلم الاطفال من سن سنتين الى تسع سنين…
الصغار مره تعلمهم بطريقة التعليم بالترفيه..
والكبار دراسه جاده مع بعض الاكتيفيتس..
من 8 الى 1 الظهر ..
طبعا شفتها تسوي اعمال فنية مع الكبار واعمال بالعجين واشياء كثيره
تدريس على الطريقة الامريكية..
صراحه هي ماسكتها صح..
وعندها طريقة تعامل عجيبه مع الصغار..
تخلي نفسها طفلة معاهم تناقز وتغني وتلعب..
وتتعب عليهم…باين من شكلها..
وتعلمهم النظام في الاكل وانظافة مره شديدة في هذا الموضوع..
طبعا العدد اللي تأخذه محدود واذا وصل للعدد اللي تبغاه ماعاد تأخذ احد لو ايش يصير عشان هي تبغى تدير كل شئ بنفسها ومعها مساعدات يتقنون الانجليزي كمان وكل المدرسة بس انجليش..
حتى الخدم..
وفي اطفال لغتهم الام الانجليزي..
يعني ولدك يستفيد كمان من اصحابه..
وهي مررره حريصة على سمعة مدرستها..وانك اذا دخلتي ولدك تجيبيه كل سنه..
فتدرس من قلب..
انا اعرف المدرسة من زمان بس مادخلت ولدي ايام الدراسة عشانه يدرس ابتدائي لكن الصيف قلت خليه يستفيد ويخفف من ازعاجه في البيت..
هي بدأتها بدري عشان بعد 4 اسابيع تسافر بلدها اجازه…
طبعا المركز بدأ من السبت اللي قبل امس..
وبقي له 3 اسابيع..
واظن تقدري تدفعي بالاسبوع اذا تبغي مو لازم كل ال 3 اسابيع..
راح اكتب رقم الامريكية للي تبغى تسجل ولدها…
ماادري اذا مسموح والا لا..xxxxxxxاسمها بولا
ماتتكلم عربي ابدا اللي ماتعرف انجليش تخلي زوجها والا اي احد يعرف يكلمها..
صح المدرسة مقابل قاعة الكريستال ..
عباره عن فلة..
ان شاء الله اني اديت معلومات كافية عنها لاني مشغولة ومااقدر ارد على رسائل خاصة..
وادعو لي الله يوفقني ويصلح لي ولدي.