محتارة بتجهيز نفسي والبيبي .. ابي خبرتكم

محتارة قلت مالي إلا كروشات الفراشة ..

اختكم توها داخلة السادس وبنزل الرياض بالعشر الآواخر وبرجع في 6-10 عشان أيام العودة .. الله يعين

التاسع راح ادخله بإذن الله في آخر ذي الحجة ماعندي فرصة إلا هالشهرين للتجهيز حقي وحق النونو

ابيكم تدلوني على محلات حلوة وإسعارها معقولة وبضاعتها حلوة ومجربة … ماابي ادور والف كل المجمعات

بعدين ….<<<< طالت السالفة ماعليه تحملوني شوي .. 😈

مااعرف المقاس المضبوط للبيبي فيه من يقول اخذي نيوبورن وفيه من يقول اخذي من 0-3 شرايكم ؟
فيه من يقول لاتكثرين وفيه من يقول كثري ؟ ➡

ولادتي بإذن الله في بداية الشتاء ويقولون ماراح يجي برد السنة هاذي حيروني أنا آخذ ربيعي وإلا صيفي وإلا شتوي ؟ لو ربيعي وين القاه بأي محل والشتوي كذلك ..

بإذن الله ناوية ارضع النونو طبيعي 😆 hy: بس متوهقة بالمدرسة إذا داومت ساعة الرضاعة الغوها ..
وانا ماودي ارضعه حليب ثاني .. شفت عرض على جهاز ماادري شيسمونه بس تقدر الوحدة تعبي الرضاعة وتخليها فية يحفظ درجة حرارتها وتصير صالحة للتناول بأي وقت .. ابي أعرف اسم هالجهاز وين يبيعونه ؟

ابي مشورتكم خواتي صاحبات الخبرة بالرضاعة الطبيعية ؟ وحدة قالتلي عبي الرضاعة وحطيها بالثلاجة 😡 انا عاد استغربت من اقتراحها تقول مجربته ..

ابي اشري سرير ثابت حق البيبي وخزانة لملابسة من وين آخذهم ؟ شرايكم بيكيا ؟

الله يجزاكم خير خواتي اللي ردت واللي ماردت ويبلغكم ليلة القدر ويغفر لنا ولكم الخطايا والذنوب آمين يارب